Avión contará coa primeira piscina pública cuberta e climatizada das comarcas do Ribeiro e O Carballiño

5 comentarios
18 May 2010
Antonio Montero
Un investimento de 230.000 euros financiados a través do Plan E fará posible o proxecto que convertirá a piscina municipal do Concello de Avión na primeira de titularidade pública que contará con instalacións cubertas e climatizadas, no ámbito das comarcas do Carballiño e O Ribeiro. O Concello de Avión ven de adxudicar a obra á empresa "Construcciones Benigno Alvarez", que as acometerá en dúas fases, unha primeira que se realizará de inmediato e unha segunda que se executará a partir de setembro, e deste xeito non ter que cerrar as instalacións durante os meses de verán. A actuación que se levará a cabo consistirá na cubrición exterior das instalacións, que contan xa cun sistema sustentable de climatización por medio de paneis solares. O Alcalde de Avión, Antonio Montero, salientou no programa "A mañá de Cope O Carballiño" que esta obra "permitirá que poidamos contar cunhas piscinas para disfrutar todo o ano, e non só para o ocio senón para finalidades terapéuticas, tal como nos viñan demandando moitos veciños".

Comentarios

Ou eu estou equivocado ou

Ou eu estou equivocado ou creo que nas subvencións que se destinan a facer proxectos como o das piscinas aparece especificado as características que deben ter, que pensades que cos cartillos que viñeron chegan pra cubrir todo tamen unha cuberta, que graciosos sodes e depaso tamen con esos cartos que fagan un clube deportivo dentro da piscina con spa, sauna, pistas de tenis, e a piscina cuberta por suposto, porque ourense o ten e nos non vamos a ser menos, que graciosos sodes, jejeje. Para o ano tedes que pedirlle o goberno de españa que aprobe presupostos para cubrir a piscina e facer o clube e depaso un aeroporto.
Enviado por Sin identificar o Sáb, 29/05/2010 - 10:38.

Parabens ós veciños de Avión

Parabens ós veciños de Avión agora xa poden presumir de ter piscina aberta todo o ano. A ver se os gobernantes do Carballiño toman nota desta iniciativa xa que ó meu ver parece mentira por non dicir incrible que un concello coma o Carballiño cabeceira comarcal e con máis habitantes que Avión teña que ir a remolque do que fan outros concellos máis pequenos. Ademais que eu lembre cando era alcalde do Carballiño o señor Pachi Vázquez xa se falara de comberter as piscinas municpais en piscinas cubertas pero como a meirande parte das promesas deste home son palabras estas as levou o vento e así andamos cunha man diante e outra detrás no tocante ás instalacións deportivas municipais deste concello o cal dito sexa de paso ten moi abandoado a praia fluvial que esta xunto ás piscinas municipais a cal coa herba alta, os bancos detriorados, as papeleiras estragadas, a fina area da praia desaparecida, o lixo tirado por alí e acolá e as árbores caídas no medio do río parece máis una zona desmilitarizada ou un vertedeiro que una praia fluvial.
Enviado por Sin identificar o Mar, 18/05/2010 - 23:43.

Ou sexa, que os de Avión, cos

Ou sexa, que os de Avión, cos cartos que "gastaron" os lumbreras do Carballiño na piscina, facían catro é aínda cobertas e climatizadas. ¿Onde anda o fiscal anticorrupción?, ¿alguén sabe o que é malversar cartos públicos?,¿é culpa dos que fan ou dos que consenten?
Enviado por Sin identificar o Mar, 18/05/2010 - 21:53.

Ole! Ole! y Ole! moi ben,

Ole! Ole! y Ole! moi ben, cartos ben investidos, algún posto máis de traballo e beneficio para moitos veciños! GOBERNANTES DO CARBALLIÑOOOOO, aprendede.
Enviado por Sin identificar o Mar, 18/05/2010 - 19:23.

Que van aprender estos do

Que van aprender estos do Carballiño..."onde non hai non se pode pedir". O ano pasado malgastaron 850.000 euros na tal reforma que din que fixeron nas piscinas...e agora volven andar en obras para abrir este ano, xa que o ano pasado compre recordar que estiveron pechadas todo o verán. Estos lumbreras de Montes e Dacal e cía gastan cerca dun millón de euros e temos unhas piscinas que no mellor dos casos poden utilizarse dous meses no ano. Unhos fenómenos apoiados agora por estos outros do bloque, cando O Carballiño o que necesitaba un cámbeo de ciclo político resulta que lle damos aire, mal imos asi compañeiros...e senón o tempo.
Enviado por Sin identificar o Mar, 18/05/2010 - 20:39.