Desenrolado por coroa.es
Áurea Francisco Lorenzo e a deputada Tareixa Paz deron conta desta iniciativa ante o Parlamento de Galicia na que tamén se pide que a xestión da residencia sexa pública.
A concelleira carballiñesa do BNG considera "indecente e obsceno" que o Partido Popular teña pechada esta residencia construida na etapa do bipartito na Xunta, "esto non ten explicación, pasaron xa dous anos que se tratou esta cuestión en pleno e o Partido Popular aínda non instou á Xunta á apertura da residencia", subliñou.
"Non é un problema de orzamento, non hai que construir dende cero, porque a construcción xa está rematada dende o ano 2010 e despois dun investimento de seis millóns e medio de diñeiro público", puxo de manifesto Tareixa Paz, e tamén que "nun contexto de crise, permitiría a creación no Carballiño de oitenta ou máis postos de traballo, o que aliviaría a presión de desemprego desta comarca".
O proxecto inicial desta residencia do maior do Carballiño contemplaba a creación de 105 prazas para persoas dependentes, con 24 habitacións para persoas asistidas, 20 para psicoxeriatría, 11 para enfermos crónicos e 4 para enfermeiría.
No acto de presentación desta iniciativa parlamentaria tamén participou o responsable local do BNG, Marco Antonio Reboredo.
Ligazóns
[1] https://www.facebook.com/sharer/sharer.php?u=http%3A//copecarballino.es/novas/o-bng-presenta-una-iniciativa-parlamentaria-na-que-insta-xunta-inmediata-apertura-da
[2] https://twitter.com/home?status=http%3A//copecarballino.es/novas/o-bng-presenta-una-iniciativa-parlamentaria-na-que-insta-xunta-inmediata-apertura-da
[3] whatsapp://send?text=O BNG presenta una iniciativa parlamentaria na que insta á Xunta
[4] http://www.copecarballino.es/print/43531