Desenrolado por coroa.es
A comarca carballiñesa está respondendo masivamente á campaña humanitaria lanzada por Cáritas Parroquial do Carballiño a favor do pobo ucraíno. Este domingo, familias ucraínas achegáronse ata O Carballiño para agradecer o apoio que están recibindo, fixérono tras a celebración das misas dominicais no Templo da Veracruz.
O párroco do Carballiño, Jorge Juan Pérez deulles a palabra para recoller o seu testimonio, nunhas intervencións que resultaron certamente emotivas "estamos sufrindo moitísimo todos istes dias, pendientes dos medios de comunicación, hoxe por hoxe o noso país está unido e forte, mantéñense as defensas, temos unha situación mala pero estamos resistindo".
"O noso inimigo non é o pobo ruso, senón o seu goberno, Putin leva 20 anos facendo todo o que pode para dañar as antigas repúblicas soviéticas, damos as grazas a España e a Europa pola axuda, pero necesitamos máis axuda, so con sanción non basta, necesitamos zonas de exclusión aérea para que Rusia deixe de bombardear cidadáns civís, hospitais e infraestructuras", manifestaron no transcurso da súa alocución na Veracruz carballiñesa.
Poderás escoitar o testimonio destas familias ucraínas no programa local de COPE O Carballiño deste lúns dia 7 de marzo.
Mentres, contínúa a campaña de recollida de enseres, comida e medicamentos que coordena Cáritas Parroquial do Carballiño. As doazóns poden entregarse a diario de 11:00 a 13:00 no local de Cáritas Parroquial na rúa Evaristo Vaamonde, e tamén en horario de tarde de 18:00 a 20:00 horas no Templo da Veracruz.
Ligazóns
[1] https://www.facebook.com/sharer/sharer.php?u=http%3A//copecarballino.es/novas/familias-ucrainas-agradecen-na-veracruz-o-masivo-apoio-do-carballino-e-comarca-o-noso-enimigo
[2] https://twitter.com/home?status=http%3A//copecarballino.es/novas/familias-ucrainas-agradecen-na-veracruz-o-masivo-apoio-do-carballino-e-comarca-o-noso-enimigo
[3] whatsapp://send?text=Familias ucraínas agradecen na Veracruz o masivo apoio do Carballiño e comarca
[4] http://www.copecarballino.es/print/59103