Veciños da Avenida do Balneario esixen solucións para "a grave problemática de insalubridade na rúa"

Os veciños da Avenida do Balneario volvemos alzar a voz este pasado fin de semana nunha xuntanza veciñal na que analizamos as graves deficiencias que afectan á rúa e acordamos novas accións para esixir solucións.

Denunciamos as inundacións levan producíndose dende hai moitos anos, pero a situación empeorou considerablemente tras as obras realizadas nas rúas Brasil e Cuba.

Dende entón, con cada episodio de chuvia, as alcantarillas desbórdanse, as tapas saltan e as augas residuais rematan vertidas na vía pública. O problema non só se limita ás inundacións: tras cada desbordamento, a rúa queda cuberta de restos, toalliñas e residuos que permanecen durante meses sen seren retirados, xerando cheiros insoportables.

Xa no ano 2023, ante o deterioro progresivo da situación, os residentes organizaron unha recollida de sinaturas na que participaron máis de 150 veciños do barrio, co obxectivo de instar ao Concello a intervir de maneira urxente.

Porén, denunciamos que ata a data non se realizou ningunha actuación efectiva. Ante a falta de resposta institucional, os afectados reclamamos unha solución inmediata e advirtimos que, se non somos escoitados, verérmonos obrigados a valorar novas medidas para defender o noso dereito a vivir nun contorno limpo e seguro.