A parroquia de Santa Uxía de Lobás dedica a romaría da Madanela á Teoloxía da Liberación

(Redacción. Rocío Campos) Hoxe comezan as festas na honra a Santa María Madanela na parroquia de Santa Uxía de Lobás. O seu párroco, Emilio Vieitez, anunciaba en "A Mañá de Cope" a dedicación das festas á "Teoloxía da Liberación". Esta teoloxía pretende liberarnos da inxustiza, a opresión e a esclavitude, e cambiar o que diría Hobbes "o home é un lobo para o home" por que "o home sexa unha oportunidade para outro home" e desta maneira, a solidaridade e o respeto se convertan nos principais valores.

Dende hoxe a parroquia de Santa Uxía de Lobás prepárase para tres días de festa que comezan ás 19:30 cunha mesa redonda na igrexa parroquial a cargo dunha teóloga da liberación, onde todos os presentes poderán compartira as súas inquietudes. As 21:20 terá lugar a procesión de antorchas cun percorrido dende a igrexa parroquial ata a ermita da madanela. A partir das doce da noite a orquestra Fantasía amenizará a verbea. O xoves as encargadas de amenizar as festas serán as orquestras Poceiro e Costa Dorada e o venres, último día das festas, Tropicana de León e Bohemia.

Francisco Javier e Antonio Villanueva, integrantes da comisión de festas, esperan que o tempo os acompañe nestes tres días, xa que o ano pasado o día grande das festas estivo pasado por auga "foi un día de inverno dos de antes".