Do BNG do Carballiño sobre limpeza de maleza nos espazos públicos

O BNG do Carballiño quere denunciar públicamente o descaro do goberno municipal formado polo PP e PSOE en relación á limpeza de maleza nos ámbitos de competencia municipal.

Está totalmente fóra de comprensión que o propio Concello anime aos veciños a acudir a denunciarse mutuamente pola limpeza de parcelas privadas, mentres deixa os espazos públicos en estado de abandono.

Esta situación obriga a circular por estradas literalmente ocupadas pola maleza; pon en perigo a seguridade viaria e amosa un incumprimento moi grave das súas funcións como administración local. Hai que ter en conta que é prerrogativa do goberno municipal velar pola aplicación da ordenanza reguladora da xestión da biomasa no solo urbano, algo que non están a facer.

Como exemplos evidentes deste desprezo, destacamos o lamentable estado do camiño que leva dende Pol de Piteira ata a vila da Lama, ademais dos colectores no medio de Pol.
Non son casos separados: en todo o municipio pódense situar condicións comparables o que reflicte unha deficiencia de dedicación e previsión do goberno local.

Dende o BNG do Carballiño esiximos ao goberno municipal que asuma as súas responsabilidades, actúe coa dilixencia e poña fin a esta situación de abandono que afecta non só á veciñanza senón a todo o municipio.

BNG do Carballiño