Pésimo servizo de tardes no centro de saúde do Carballiño

Actualmente no centro de saúde do Carballiño polas tardes soamente hai 3 médicos, que ademais teñen o cupo completo polo que non é posible que unha persoa que teña médico pola maña queira cambiar por un da tarde. E iso cando están os 3 médicos, que normalmente so hai un 1 ou 2 por mor de vacacións, días libres ou baixas que non se cubren. Pero ademáis non hai pediatra, nin fisioterapia, nin dentista nin se fan radiografías. Unha vila coma Carballiño merece uns servizos sanitarios dignos para todo o día, non so polas mañás.