PLANIFICACIÓN OBRAS EN CORZOS

Fai xustiño un ano que as fixeron e despois de estar máis de 35 anos pedindo beirarrúas para o Colexio Vila do Arenteiro, agora veñen os de Unión Fenosa a escarallar as beirarrúas das casas dos vecinos e tamén do Colexio, de cómo quedarán as árbores xa non digo nada. Menuda planificación de obras se fixo. Co tempo que tarda calquer simple trámite urbanístico en Maside, non se percataron se tiñan pendente de licenza obras ou de executar obras nesa mesma rua, se o Colexio agardou máis de 35 anos podería agardar un ano máis polas beirarrúas digo eu. Enténdese que ese tipo de instalacións se faga polas beirarrúas por ser máis sinxelo e económico de arranxar ca en zonas de asfalto. Pero, qué sentido ten facer iso en Corzos? Onde é unha vergonza como está o asfaltado das rúas que pertencen a Maside. Inda non hai moito fixose unha obra de saneamento e non se dubidou en facer as canalización polo medio das rúas, cando todo Corzos ten as canalizacións orixinais polo espazo destinado as beirarrúas. Cal é o criterio que se emprega? O de fastidiar o vecinos que pagan as suas beirarrúas cando fai a sua casa,  por onde queira o da retro ou como cadre mellor….

Despois temos que escoitar que o prezo da luz non pode baixar porque ten moitos gastos. Claro está, desfacer para volver facer por malísima planificación e organización.

Así nos vai.