O Carballiño agarda este sábado a visita de 1.500 persoas con motivo do campionato galego de promoción de ximnasia rítmica

Arredor de 500 deportistas participarán este sábado, 10 de xuño, no Campionato Galego de Ximnasia Promoción, XI Memorial “Antonio Prada”, que se disputará na pavillón de deportes Paco Chao do Carballiño. En total, intervirán 80 clubes e 60 deportistas individuais de toda Galicia.

O evento, que está organizado pola Federación Galega de Ximnasia en colaboración co Club Marusia, foi presentado esta mañá polo concelleiro de Deportes, José Manuel Dacal; o presidente da Federación Galega de Ximnasia, José Manuel Estévez, e a directiva do Club Marusia, Marta Vittori.

As probas disputaranse en xornada de mañá e tarde, con dobre xurado para axilizar a competición, según dixo José Manuel Estévez.

Espérase que a este evento acudan unhas 1.500 persoas, entre deportistas, adestradores, técnicos e familiares acompañantes, polo que haberá un fluxo importante de autocares e coches particulares no entorno do pavillón de Deportes. Por este motivo, José Manuel Dacal agradeceu a colaboración da Policía Local, Protección Civil e Garda Civil. O concelleiro destacou a importancia desta competición parta O Carballiño, tanto dende o punto de vista deportivo como para a hostelería. E dixo que se había quince días encheuse o pavillón e os locais hosteleiros da vila, este sábado ía a ocorrer o mesmo.

Marta Vittori agradeceu á Federación que se volvese a solicitar a súa colaboración para organizar este campeonato, e que esperaba que fose un gran evento deportivo, que contará tamén con participación de ximnastas carballiñesas do Club Marusia.