O PSOE e o BNG de O Carballiño esixen a paralización inmediata das obras da pranta de compostaxe en Fontaíñas

11 comentarios
30 Aug 2010

O PSOE da comarca de O Carballiño esixe a paralización da execución da pranta de compostaxe que se está a construír na localidade de Fontaíñas, no concello de Cea, e solidarízanse cos veciños afectados por este proxecto. Os socialistas esixen, ademais, unha resposta por parte do alcalde de Cea, ao recoñecer nunhas declaracións que non tiña ningún coñecemento de que se estivesen realizando obras no lugar onde se ubicará a pranta. Sen embargo, xa hai dous meses que se está a traballar en ditas obras, e según o PSOE comarcal de O Carballiño, o concello de Cea deulle o visto bo a este proxecto o pasado mes de maio a sabendas de que afectaba directamente ós concellos de O Carballiño, Maside e Cea. Resulta sospeitoso, según o PSOE, que o "Proxecto de zona de maduración de compostaxe e nave de almacén", que é así como se denomina a pranta, fose redactado por unha concelleira do PP de Cea, a cal votou a favor da súa instalación en Fontaíñas. Todos estes interrogantes, según o PSOE, deberán ser explicados polo alcalde de Cea e polo Delegado Territorial da Xunta en Ourense, Rogelio Martínez, o cal foi o principal opositor da construcción dun Parque Empresarial Medioambiental no Riberio, que non contemplaba nin residuos urbanos nin queimas, e agora aproba a tramitación dunha pranta de compostaxe. A agrupación comarcal do PSOE de O Carballiño considera que un proxecto destas caracteríastas non pode ser levado a diante desta maneira, xa que se  trata dunha instalación que debe reunir unhas condicións medioambientais excepcionais debido a que afecta a moitas localidades, terreos e acuíferos lindantes, e por iso, esixen ao PP de O Carballiño e Maside que se manifesten en contra deste proxecto e axuden á súa paralización, como xa o están a facer os alcaldes de ambos municipios. Do mesmo xeito, o BNG presentaba esta mañá unha moción onde solicita ao Concello de Cea a inmediata e definitiva paralización tanto das obras como do transporte do lixo que está a converter a zona nun vertedoiro ilegal, así como tamén a intervención das autoridades tanto das Consellarías de Medio Ambiente como de Medio Rural e Sanidade para que elaboren as súas correspondentes avalización e informes ao tratarse dunha problemática que está por riba, según o BNG, das competencias municipais.

Comentarios

Son un veciño do Concello de

Son un veciño do Concello de Leiro, e invito a todos os veciños tanto de Carballiño, Maside e Cea, a que veñades a planta que temos no pobo de Lamas, e menudo hedor de cheiro a merda perdoen a palabra e insoportable e cando pasan os camións, non coment, todo por culpa dun Alcalde chamado con nome e apelidos Fco Jose Fernandez Perez que nos enganou a todos, en que non cheiraba e que traería moita riqueza para o Pobo e postos de Traballo e unico que trouxo foi un cheiro insoportable a MERDA, por iso digolles os vecinos da Comarca do Carballiño que loite para que non lles veña isa Planta. Xa que no noso Concello temos un Alcalde que non loita polo beneficio dos veciños, sinon polo beneficio del e dalgunhos amiguetes seus.Espero e asi o dexeso que nas proximas municipáis os mandemos fora e que se vai para Cortegada, que ali si que esta ven ise CACIQUE. DIMISIÓN
Enviado por Sin identificar o Mar, 31/08/2010 - 19:02.

Compromiso de tódolos

Compromiso de tódolos alcaldes da comarca de paralizar tódolos proxectos de parques "ambientais" (de lixo) e industriais, que arruinan o futuro do rural e o valor das propiedades. Promover as vilas como zonas residenciais de alta calidade de vida. E deixarse de politiqueos.
Enviado por Sin identificar o Lun, 30/08/2010 - 19:59.

O que e a vida,ó alcalde de

O que e a vida,ó alcalde de Cea pronto se lle olvida a prohibición de por un poste de telefonia movil na localide de Fontaiñas,e agora quere por unha planta de compostaxe é incineración,o que son os intereses señores,que o poste de telefonia non cheiraba sr alcalde!
Enviado por Sin identificar o Mar, 31/08/2010 - 12:33.

Estou dacordo con que pidan

Estou dacordo con que pidan parlizar as obras da planta ,pero cheira mal o chollo,no mes pasado o Señor Bernardo anunciaba no diario "La Region" a creacion dunha planta de compostaxe no monte da Medela.Poden o Sr.Alcalde e o Sr.Concelleiro explicar por que en Fontaiñas NON e na Medela SI ? Non quero pensar mal pero algo FEDE.
Enviado por Sin identificar o Lun, 30/08/2010 - 15:24.

Hai que informarse antes de

Hai que informarse antes de darlle á lingua e criticar só por criticar, só por odio. A Medela é o PUNTO LIMPO do Carballiño. Antes de que se construíse o Punto Limpo, o Carballiño, co Sr. Marnotes, estaba cheo de vertedoiros ilegais. FONTAÍÑAS: Un despropósito. O típico modus operandi do PP: "ti vai facendo"... Pero xa nos terán que dar explicacións a todos os cidadáns...
Enviado por Sin identificar o Lun, 30/08/2010 - 22:59.

"O típico modus operandi do

"O típico modus operandi do PP: "ti vai facendo"... ático na rua principal do Carballiño, sistema de construcción: "tu vai facendo", goberno: psoe. Nave industrial en Negrelle, sistema de construcción: "tu vai facendo", goberno: psoe. Vivendas na Povanza en zona rustica non edificable, sistema de construcción : "tu vai facendo", goberno: psoe.
Enviado por Sin identificar o Mar, 31/08/2010 - 16:21.

Pois informate(Ou informese

Pois informate(Ou informese )por cariño ou por "odio" que mal soa eata palabra,Bernardo di no diario "La Region" do dia 17/07/2010,que vai sustituir o punto limpo da Medela por unha planta de compostaxe,e o que pon o xornal,e o Sr,Bernardo non o disminteu en ningun medio,o contrario afirmou noutros foros que o punto limpo seria cambeado de lugar.Dacordo que o punto limpo erradicou moitos vertedoiros,por desgracia e por falta de civismo non os erradicou todos.
Enviado por Sin identificar o Mar, 31/08/2010 - 12:18.

Moito cariño vostede non lle

Moito cariño vostede non lle ten ó concelleiro Bernardo polas súas palabras. Outra cousa si, pero leccións medioambientais ó Sr. Bernardo non creo que llas teña que dar. Está comparando vostede o Plan de Compostaxe Doméstica que podería ir na Medela con 53.000 metros cadrados ILEGAIS nos que pretenden aterrizar toneladas de compost. Está comparando a planificación coa ocultación. Está comparando vostede un proceso selectivo e eficiente de separación de residuos municipal cunha escura maniobra que non é que saia nos periódicos, é que xa arrasou un monte comunal sen os correspondentes pasos previos e sen explicación pública. Non se debe utilizar a demagoxia nos intercambios de ideas...
Enviado por Sin identificar o Mér, 01/09/2010 - 21:25.

O de ti vai facendo soame

O de ti vai facendo soame moito...pero non precisamente do PP. De cando o Sr. Marnotes, choveu e choveu e volveu chover! Mira do que se acordan algúns cando lles convén. Pero dende entón que vai pra 20 anos, seguimos a ter vertedeoiros e mugre, moita mugre sobor de todo nos concellos gobernados por socialistas. E o de vai facendo...era moi típico dun tal sr. Pachi Vázquez, teña conta non lle colla vostede as mañas.
Enviado por Sin identificar o Mar, 31/08/2010 - 10:35.

Atico na rua principal,

Atico na rua principal, sistema de construcción :"vai facendo", goberno do psoe. Nave indusrial en Negrelle, sistema de construcción "vai facendo", goberno do psoe. Residencia en zona rústical non edificable na Povanza, sistema de construcción "vai facendo", goberno do psoe.
Enviado por Sin identificar o Mar, 31/08/2010 - 10:01.

Quero comentar o comentario

Quero comentar o comentario anterior, e teño que decir que ista persoa mezcla allos con cebolas, que tira que ver iso, sempre torpedeando, ten que haber de todo, pero sempre aparece o listillo de turno con cousas que non teñen que ver coa reinvindicación Planta Non e Non a incineración, porque para merda xa chega a que ai en Leiro, e o que están a padecer os veciños, por tir un Alcalde que o unico que fixo foi mirar os seus propios intereses e os dos seus amiguetes. Ise si que e un problema.
Enviado por Sin identificar o Mér, 01/09/2010 - 18:37.