Un incendio arrasa por completo un taller en Vilaseco e pon en perigo o resto do inmoble

12, Xuño 2020

Un incendio devorou por completo un cuberto con funcións de taller no que se almacenaba diversa maquinaria e instrumentos musicais.

Segundo a información recollida no 112 Galicia, o lume comezou arredor das cinco desta madrugada neste inmoble de Vilaseco, en San Cristovo de Cea, sen causar danos persoais.

Sen embargo, foron moitos os danos materiais pois ardeu por completo o interior deste cuberto que se usaba como taller e no que se gardaban instrumentos musicais.

Mesmo o lume alcanzou a estructura do inmoble, polo que os bombeiros estableceron un perímetro de seguridade para evitar o acceso de persoas e reducir riscos.

Na extinción deste incendio no que ninguén resultou ferido traballaron os Bombeiros do Carballiño, voluntarios de Protección Civil da mesma localidade e axentes da Garda Civil.