O Irixo convértese este sábado no punto de encontro galego para os amantes da música tradicional, coa celebración da Bullada do Outono e o concerto de Xisco Feijóo
A Banda de Gaitas e Danzas O Irixo e a Asociación de Gaiteiros do Irixo teñen todo a punto para a IV Bullada de Outono, que se celebrará este sábado 17 de outubro a partir das 18:00 horas no Pavillón Polideportivo Municipal. O evento, que busca recuperar as tradicionais bulladas, denominación propia do Irixo para referirse ás foliadas,promete consolidarse como unha das grandes citas culturais do outono na contorna, cun programa que inclúe música en directo e o concerto do recoñecido artista Xisco Feijóo. A xornada comezará cun obradoiro de baile tradicional galego impartido por Ismael Rodríguez. A partir das…