O Festival de Títeres do Carballiño volve á programación de verán polo éxito colleitado en pasadas edicións e con catro compañías dispostas a sorprender a nenos, nenas e maiores. Será dende hoxe ata o 19 de agosto e escenificaranse historias como a titulada “Cando un paxariño me espertaba tódalas mañás do confinamento”. Esta obra baseada nun feito real é só unha das propostas que terán o Parque Municipal como escenario e sempre no mesmo horario: as 19.00 horas. Hoxe, pola previsión de chuvia, trasladarse ao Auditorio Manuel María.

Esta é a programación detallada:
Martes 16 de agosto: Teatro Babalúa. “Feira das Sementes”
Mércores 17 de agosto: Micromina Títeres. “Historias para unha man”
Xoves 18 de agosto: Animar-T. “De cando un paxariño me espertaba tódalas mañás do confinamento”
Venres 19 de agosto: Escola Galega de Teatro Musical. “Mario e Manolo”.

A maiores, a compañía Micromina Títeres ofrecerá un obradoiro mañá, ás 20.00 horas. As prazas para participar son limitadas, polo que os interesados deberán inscribirse previamente. A iniciativa diríxese a nenos e nenas dende os sete anos e as familias poderán informarse no Departamento de Cultura do Concello do Carballiño ou no número de teléfono 662 198 615.
Agárdase que nesta edición aumente aínda máis o número de espectadores, tendo en conta que o pasado verán asistiron preto de 200 persoas a cada espectáculo

A Consellería de Medio Rural declarou como extinguidos os dous grandes incendios declarados nos concellos do Irixo e Boborás no pasado mércores dia 10, ambos están extinguidos dende as 19:30 horas deste lúns dia 15 de agosto, polo tanto tiveron que pasar 5 dias para que os lumes fosen extinguidos. 

Certo é que ambos estaban estabilizados dende o venres e baixo control dende o sábado, ata que finalmente Medio Rural confirma a súa extinción. En ambos lumes ardeu unha superficie de 800 hectáreas, das que 120 corresponden ao incendio orixinado a altura da parroquia de Astureses, en Boborás (100 hectáreas de monte arbolado, e 20 de monte raso) e 680 hectáreas ao lume declarado na parroquia de San Cosme de Cusanca, no municipio do Irixo.

Ademáis, na tarde deste lúns dia 15 declarouse outro lume forestal  nas inmediacións da localidade de Miomás, na parroquia carballiñesa de Sagra, onde os equipos de extinción lograron o seu control, tras arder unhas 15 hectáreas.

A primeira Festa do Pulpo tras a pandemia, a edición número 60 da súa historia e primeira co recoñecemento de "Interese Turiístico Internacional" volveu ser multitudinaria, cunha afluencia de visitantes a O Carballiño que foi a máis co avance da semana e alcanzou o seu punto álxido a partir do venres, cunha afluencia masiva nas xornadas do sábado e o domingo.

A noite do venres xa facía presaxiar unha gran participación nas actividades da fin de semana, e como pode apreciarse na fotografía da actuación do Combo Dominicano da Praza da Veracruz, foron miles de persoas as que protagonizaron unha das verbenas con máis público de cantas se recordan no Carballiño.

O ambiente continuou índo a máis na xornada do sábado, coa festa das peñas da Festa do Pulpo e o Pirata na Praza Maior, seguida dunha noite que desbordou por completo á hostalaría carballiñesa, primeiro nos restaurantes e locais de comida que rexistraron un cheo total, e despóis nunha noite-madrugada do domingo que deixou desabastecidos a varios locais, ao quedarse sen algunhas bebidas, esto sucedía na madrugada do domingo e cando deberían ter previsión tanto para o domingo como o lúns que é festivo, o que da unha idea do curto que se quedaron nas súas previsións ante a avalancha de público que rexistrou O Carballiño.

Xa na xornada dominical, a estampa do dia estan a ser as colas ante as caldeiras das pulpeiras tanto no parque municipal -onde se mantén a Festa do Pulpo máis xenuína e tradicional- como esta outra máis urbana dos últimos anos nas rúas do Carballiño. E é que tanto no parque, como nos locais de comidas, como no ámbito familar nos fogares carballiñeses, como cada segundo domingo de agosto, réndeselle tributo ao mellor pulpo do mundo, o pulpo do Carballiño.

Coincidindo coa edición na que a Festa do Pulpo foi declarada de interese turístico internacional, o Concello do Carballiño encargou ao artista Acisclo Novo unha gran escultura de bronce en homenaxe ás pulpeiras e a unha celebración que xa volve a ser a que se recorda despois do parón da pandemia. A figura, que representa a un pulpo de pé con cinco metros de altura e pesa ao redor de 900 quilos, foi instalada na glorieta de entrada á vila pola estrada N-541.

Para poder soportar en altura a escultura foi necesario colocar unha peana de formigón armado cun peso de 4.500 quilos. Os operarios da brigada municipal supervisaron os traballos, xunto co escultor Acisclo Novo. O pulpo é un símbolo do Carballiño e un motor para a economía do concello, polo que coa instalación da escultura preténdese celebrar a declaración de internacionalización da festa que se conseguiu este ano despois de décadas de esforzo.

Será  así a carta de presentación da vila, a capital mundial do pulpo. Despois de que o pasado martes O Carballiño batera o récord da tapa de pulpo máis grande do mundo -515 quilos cocidos por unha trintena de pulpeiros e pulpeiras e cortados en 11 minutos-os festexos continuarán co concerto de Roi Casal previsto para esta noite, a actuación do Combo Dominicano de mañá á noite e a Festa das Camisetas do sábado.

Precisamente que a mocidade se involucre na Festa do Pulpo e se contaxie do espírito da celebración é o obxectivo do certame, no que participarán 2.000 persoas unha vez que rematou o prazo de inscrición das peñas. En canto aos premios, establécese un único ao mellor deseño e dotado con 200 euros para a camiseta que reciba máis votos. O resto das que cumpran os requisitos das bases recibirán unha compensación por importe de 60 euros cada unha. As camisetas de cada peña serán expostas na Praza Maior o sábado, a partir das 17.00 horas. En lugar do desfile, o Concurso das Camisetas contará este ano cunha actuación estelar. Pablo Ordúñez, máis coñecido como El Pirata, protagonizará un espectáculo na Praza Maior, a partir das 20.00 horas. O locutor da emisora Rock FM ofrecerá grandes doses de música e humor. Un día despois, o 14 de agosto, celebrarase o día grande da Festa do Pulpo. Calcúlase que durante a fin de semana se sirvan no Carballiño unas 63.000 racións de pulpo, o que supón un gasto de 2.000 litros de aceite.

A Xunta solicitaba onte a declaración da "Situación 2" de emerxencia, unha situación operativa que se decreta cando existe perigo pola proximidade dos lumes aos núcleos de poboación, de fetio a Garda Civil desaloxou o pobo de Trabazón no Irixo a advertíu a poboación doutros núcleos que estivese preparada para proceder a unha evacuación de emerxencia, aínda que finalmente non foi precisa.

Xa nesta tarde de xoves, desactivabase esta "Situación 2" de emerxencia, ao non existir xa perigo para os núcleos de poboación nestes lumes nos concellos de Boborás e O Irixo, nos que a situación foi sendo máis favorable co avance da xornada, aínda que nalgunhos casos os incendios reaviváronse ao mediodia, como aconteceu nos de Trabazón, Outeiro e Saavedra, todos eles no municipio do Irixo.

Aínda que Medio Rural mantén aínda os datos do mediodia sobre a superficie afectada, 680 hectáreas no Irixo e 120 en Boborás, o certo e´que os lumes aínda permanecen con algunhos focos activos e a superficie afectada é maior que as 800 hectáreas recollidas no último informe con datos de primeira hora da tarde deste xoves dia 11.

Os lumes declarados nas últimas horas en varias localizacións dos concellos do Irixo, Boborás e O Carballiño permanecen activos nesta mañá de xoves, aínda que comezan a estabilizarse, según os datos facilitados pola Consellería do Medio Rural.

No balance non se recollen aínda outros focos activos nas ultimas horas, xa que a superficie afectada sería de momento inferior ás 100 hectáreas, aínda que no caso do incendio na parroquia de Espiñeira, no concello do Irixo, o lume afectou a casas no lugar de Trabazón, e varios pobos da parroquia foron desaloxados entrada a noite. A Consellería do Medio Rural declaraba na tarde de onta Situación 2 na área de influencia do distrito forestal XI O Ribeiro-Arenteiro.

Esta situación operativa de emerxencia decretábase pola proximidade dos lumes rexistrados nos concellos do Irixo, de Boborás e do Carballiño a diversos núcleos de poboación na contorna destes incendios. O lume do Irixo, parroquia de San Cosmede de Cusanca iniciouse ás 12,30 h. do mediodía e segundo as últimas estimacións afecta unha superficie de que supera xa as 500 hectáreas. (Última actualización das 13:30 horas deste xoves, 680 hectáreas) No lugar levan traballado ata o de agora un total de 4 axentes, 17 brigadas, 10 motobombas, 1 pa, 7 avións e 11 helicópteros.

O lume de Boborás, parroquia de Astureses, comezou ás 17,30 h. e permanece tamén activo, según os últimos datos aportados por Medio Rural a superficie afectada supera as 120 hectáreas. No lugar están a traballar 1 axente, 2 brigadas e 1 motobomba.

O lume rexistrado no concello do Carballiño, parroquia de Longoseiros, iniciouse ás 15,51 h. da tarde e permanece tamén activo agora. No lugar están a traballar 1 axente, 3 brigadas, 1 motobomba e 2 avións.

A Consellería do Medio Rural lembra que está ao dispor da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.

Os pulpeiros e pulpeiras do Carballiño están feitos dunha pasta especial. Quedou demostrado esta tarde na Praza Maior, onde se coceron 515 quilos de pulpo, 15 máis que na edición do 2019, para bater un novo récord coa ración máis grande do mundo.

Unha trintena de profesionais cortaron o cefalópodo en once minutos, tamén a mellor marca ata o momento. Foron moitos os veciños, veciñas e visitantes que quixeron acompañalos neste día histórico, xa que o novo récord chega coa declaración de festa de interese turístico internacional. Da macro ración, cun prato de 5,37 metros de diámetro, deron boa conta os asistentes na degustación posterior.

O Carballiño está a vivir uns festexos como os que se recordaban antes da pandemia, cunha programación que comezou o día 1 de agosto. Nesta edición número de 60 o Concurso de Camisetas do sabado volverá a ser un dos pratos fortes da programación. Un día despois, o 14 de agosto, celebrarase o día grande da Festa do Pulpo.

Resoaba esta mañá o son do afiador na Casa Consistorial de Carballiño, o son da tradición, mentres se celebrara un acto cargado de emotividade. Os pulpeiros e pulpeiras e o historiador e actual secretario da Academia Galega de Belas Artes, Felipe Senén, foron homenaxeados, brindándolles o Concello a declaración de interese turístico internacional da Festa do Pulpo, recentemente lograda “e que non sería posible sen eles”.

Unha nutrida representación destes profesionais estivo presente nesta homenaxe. Asistiron tamén o alcalde, Francisco Fumega; o concelleiro de Turismo, Manuel Dacal; o Subdelegado do Goberno en Ourense, Emilio González; a directora do Centro Superior de Hostalería de Galicia, Marta Fernández, e a deputada provincial de Cultura, Patricia Torres. Francisco Fumega asegurou que “hoxe é un día nos que paga verdadeiramente a pena ser alcalde, porque nada resulta máis gratificante que recoñecer o mérito dos nosos veciños e veciñas que se teñen caracterizado por contribuír ao ensalzamento do nome do Carballiño e, dun xeito moi especial, da nosa celebración máis salientable, a Festa do Pulpo”.

O rexedor tamén recordou a historia da celebración “que comezou cun grupo de amigos e hoxe é unhas das manifestacións gastronómicas e festivas máis salientables de Galicia e España, e un auténtico símbolo e fonte de riqueza para o concello”. O concelleiro de Turismo, Manuel Dacal, subliñou que sen os pulpeiros e pulpeiras a Festa do Pulpo “non tería existido nin teríamos logrado a tan ansiada declaración de interese turístico internacional, que é o colofón a unha longa traxectoria na que vós e moitos seres queridos que vos antecederon, e que hoxe recordamos con cariño, sondes os verdadeiros protagonistas”.

Ao final do acto entregouse unha placa gravada a o historiador Felipe Senén e a Pilar da Fuchela, esta última como representantes das pulpeiras. Visiblemente emocionados, ambos quixeron recordar a todos os pulpeiros que hai décadas loitaron para que a profesión e o cefalópodo foran recoñecidos. Senén recordou a súa infancia e os valores aprendidos da man do seu pai, Felipe Luis López, como cartelista da Festa do Pulpo, imprimindo unha imaxe característica que permanecerá para sempre como símbolo da celebración festiva. Tamén insistiu en que “onde hai tradición hai orixe, hai orixinalidade, hai creación e iso é o que nos caracteriza no Carballiño”.

Pola súa banda, Pilar da Fuchela, nomeou a todas as familias “que loitaron para que os pulpeiros saían adiante” e recordou que noutros tempos, moi duros, había que percorrer moitos quilómetros en carro e cabalos, durmir nas pensións e traballar moito para levar o nome do Carballiño moi lonxe. “Por iso hoxe coñécese ben o que é pulpo do Carballiño e o que non o é”, concluíu. Todos os presentes no acto recibiron un exemplar do libro “A Feira do Carballiño”, de Xosé Fariña Jamardo e brindaron aplausos de cariño a Felipe Senén e aos pulpeiros e pulpeiras, que como pode lerse na placa gravada que lles entrega o Concello, “son os auténticos depositarios da tradición secular”.

A programación da Festa do Pulpo continúa este martes dia 9 da agosto, cando será o momento de intentar bater un novo récord coa preparación da tapa mais grande do mundo: serán 515 quilos de pulpo, 15 máis que o ano pasado, os que se cocerán e na súa preparación participarán unha trintena de profesionais. A pastelería Royal colaborará cos doces do postre e a vila recibirá a miles de persoas atraídas por uns festexos que alongan a súa duración e ofrecerán un programa elaborado cun mimo especial coincidindo coa declaración de interese turístico internacional.

O Concurso de Camisetas do sábado volverá a ser outro dos pratos fortes da programación. O prazo para entregar a documentación remata o mércores. Nas bases establécense as normas que rexerán o certame e poden consultarse nas redes sociais do Concello do Carballiño. Os interesados poden presentar un deseño creado en base a debuxos, imaxes, palabras, frases, números ou calquera ouro elemento gráfico, e poderá ser impreso sobre unha camiseta de calquera cor, na súa parte dianteira ou traseira, ou en ambas. As camisetas de cada peña serán expostas na Praza Maior o día 13 de agosto, a partir das 17.00 horas. Este ano substituirase o desfile pola actuación do locutor de Rock FM “El Pirata”.