O Centro Comercial Aberto premia as compras que se realicen estes días con motivo do Día do Pai nos establecementos asociados. Esta campaña de promoción, que comeza hoxe, día 14, e finalizará o día 19, foi presentada este mediodía polo presidente do CCA, Julián Garriga; a xerente, Noelia Mares, e o concelleiro de Promoción Económica, Adolfo Nogueira.

Haberá tres premios, pero as persoas gañadoras poderán elexir entre seis posibles, que son: unha tablet, un smarphone, unha cea para dúas persoas, un vale de compra en roupa deportiva, un vale de compra en xoiería e un vale de compra nunha librería.
Nos establecementos comerciais asociados ao CCA entregaranse as papeletas, que se deberán depositar nunha urna ubicada na librería Ábaco, na Praza Maior.

Os premios daranse a coñecer o día 19 pola noite nas oficinas do CCA.

Julián Garriga e Noelia Mares animan aos veciños e veciñas e, sobre todo, aos nenos e nenas, a conseguir un agasallo para os seus país mercando estes días nos establecementos comerciais do Carballiño.

Adolfo Nogueira compartiu este mesmo desexo e referiuse á excelente oferta comercial do Carballiño, suxerindo aos veciños da vila e da comarca que fose a primeira opción nas compras. Tamén felicitou ao CCA polo esforzó que realiza para dinamizar o comercio local e promover as compras.

Asi se desprende do do informe emitido onte polo Consello Xeral do Poder Xudicial, durante o ano 2017 tramitaronse 48 denuncias por casos de violencia de xénero no conxunto de todo o Partido Xudicial, que se corresponde cos 9 concellos da comarca do Carballiño.

Deste total de 48 casos que chegaron ao Xulgado do Carballiño por violencia de xénero no transcurso do último ano, un deles foi por homicidio, 37 por malos tratos según o artículo 153 do CP, 5 casos por lesións e malos tratos según o artículo 173 do CP, e finalmente, os 5 casos restantes responden a quebrantamentos de condena.

Outro dato recollido polo informe pon de manifesto que do total de denuncias presentadas, 41 correspondense con mulleres de nacionalidade española, e e 7 afectaron a mulleres de nacionalidade extranxeira.

O Xulgado decretou o sobreseemento en 13 casos, por non resultar xustificada a perpetración do delito.

Finalmente, neste informe de 2017, e dos datos que difunde o Consello Xeral do Poder Xudicial, despréndese que 4 persoas foron enxuizadas por violencia de xénero, dúas foron condenadas e as outras dúas resultaron absoltas.

O concello de Boborás traballa na redacción dun proxecto de reforma e modernización das iluminacións públicas en todas as localidades do municipio, asi o anunciou nesta emisora de radio o alcalde Cipriano Caamaño.

A avaliación económica da execución deste proxecto ascende a unhos 400.000 euros, e para poder levála a cabo o rexedor municipal busca a colaboración de outras administracións.

A reforma consistirá, fundamentalmente, na reposicion das bombillas de toda a rede de iluminacións públicas nas distintas parroquias do municipio, implantando en toda elas a tecnoloxía LED.

Con esta actuación, Caamaño asegura que "non so imos ter unha mellor calidade lumínica nos nosos pobos, senón que tamén imos conseguir un importante aforro na factura eléctrica".

O Templo da Veracruz acolle ata o 1 de abril a maior exposición que se realizou nunca en Galicia con pezas de playmobil. Son máis de catro mil pezas as que conforman a mostra “A Paixón según Playmobil 2.0”, que pode visitarse calquera día en horario de mañá (10,00 a 13,30 h) e de tarde (17,00 a 19,30 h) no atrio da igrexa.

Esta exposición, promovida dentro do programa de Semana Santa pola Cofradía da Vera Cruz, obtivo un gran éxito o pasado ano, pero nesta ocasión está ampliada cunha enorme catedral gótica, un colexio e multitude de escenas novas, entre as que destacan as propias da tradición pulpeira do Carballiño, con postos de pulpeiras cocendo o pulpo e comensais degustando este produto tan consubstancial coa gastronomía carballiñesa.

Así mesmo, incorporáronse novos pasos procecionais, figuras urbanas e escenas propias da cultura galega como grupos de gaitas e oficios tradicionais.

Coa apertura desta mostra, comezan os actos de Semana Santa programados pola Cofradía da Vera Cruz, e que continuarán este domingo cunha conferencia no Asilo ás 20,30 h., a cargo do profesor e historiador Xabier Limia Gardón, falando do Lignum Crucis.

Asi o anunciaron nunha comparecencia ante os medios a concelleira Sofía García e o concelleiro e portavoz municipal Chema Ferreiro.

Os nacionalistas afirman "estar fartos dos enganos do grupo de goberno, que sistematicamente incumpren unha e outra vez os acordos do pleno",  e como exemplo puxeron o incumprimento do acordo plenario para a remunicipalización de servizos "esta mesma semana soubemos da nova licitación para o contrato da recadación para os próximos dous anos", recordou Ferreiro.

O portavoz do BNG tamén se referíu ás "desavencias entre o propio grupo de goberno do PSOE, desavencias que son de dominio público -lévanse a matar entre eles- e eso incide negativamente no traballo e a xestión diaria no concello", asegurou Chema Ferreiro.

Engadíu, ademáis que "é o momento de que a oposición -que somos maioria na corporación- se faga valer", e como medida de protesta ante o propio grupo de goberno anunciou que o BNG deixa de asistir tanto ás comisións informativas como ás convocatorias da Xunta de Portavoces porque "so nos chaman cando hai un problema", dixo.

A Cofradía da Vera-Cruz amplía a cinco as procesións que se celebrarán no Carballiño durante a próxima Semana Santa. Pero non será a única novedade do programa relixioso-cultural desta asociación, senón que voltará ao atrio do templo a magnífica mostra “A Paixón según Playmobil 2.0”, que este ano contará cunha catedral de grandes dimensións e máis de 3.500 pezas coformando edificios, rúas e escenas propias de Semana Santa. Incluso haberá unha pulpeira.

O programa foi presentado este mediodía polo locutor Vidal López nun acto que se desenvolveu no concello coa asistencia do bispo de Ourense, Leonardo Lemos; o párroco da vila, José Benito Sieiro; o irmao maior da cofradía, Rafael Melero; o alcalde en funcións, José Manuel Dacal, e a deputada provincial, Teresa Cerdeira, así como o concelleiro de Cultura, Diego Fernández; o portavoz do PP, Argimiro Manotes, párrocos da comarca, irmás e representantes das empresas patrocinadoras e público convidado.
O programa contempla un gran número de actos relixiosos e culturais, no que destacan cinco procesións, oito actos litúrxicos e un ciclo de catro conferencias, ademáis da exposición “A Paixón según playmobil 2.0”.

Esta exposición, que se inaugura este sábado, 10 de marzo, ás 12,00 h., abrirá o programa, que continuará o domingo, 11 de marzo, coa primeira conferencia. A exposición poderá visitarse ata o día 1 de abril.

O domingo, 18 de marzo, ás 12,00 h., no templo da Veracruz, terá lugar o pregón, descoñecéndose ainda quen vai ser o pregoeiro ou pregoeira.
Así mesmo, durante os actos litúrxicos e procesións contarase con diversas agrupacións musicais. Entre elas, corais (Orfeón do Carballiño, Coral da Capela Madrigalista de Ourense, Coro de Voces Brancas do Orfeón Unión Ourensá, Coro do IES Chamoso Lamas do Carballiño) e bandas como a da BRILAT, Real Banda de Gaitas de Ourense e Banda de Gaitas de Guillarei.

Leonardo Lemos destacou o feito de que o acto se desenvolvese no salón de plenos do concello do Carballiño, pois –según dixo- “aquí faise política no mellor sentido do termo (polis) e a Semana Santa é algo que afecta a todo o pobo”. Neste senso, felicitou á cofradía “por presentar o programa no Carballiño e facelo nesta sala na que fun recibido polo alcalde”, engadiu. O bispo dixo que “a Semana Santa é un feito non só de fe senón tamén de cultura”, e por iso valorou especialmente que tivese lugar na salón de plenos. “Ano tras ano a Semana Santa do Carballiño crece e aporta beleza, cultura, dinamismo, enchende esa semana de actos e abrindo as portas da Veracruz ao Carballiño e visitantes”, dixo finalmente, e comprometeuse a acudir a algún dos actos da vila.

Rafael Melero agradeceu a colaboración das institucións e patrocinadores, destacando á Deputación provincial, ao concello do Carballiño, Aceites Abril, Centro Comercial Ponte Vella, Restaurante A Fuchela, Asador Veracruz, A Canavela Fritida e Cer&Ver. Referiuse á aportación da cofradía durante os 11 últimos anos, destacando o incremento das procesións, especialmente á da “madrugá” do xoves e o traslado da Virxe das Dores; tres novas imaxes, 300 hábitos de nazarenos e un ambicioso programa que conxugaba arte, historia e tradición.

Teresa Cerdeira dixo que a Deputación provincial apoiaba calquera evento deportivo, cultural, turístico e de outra índole que supuxera un revulsivo tanto cultural como económico, e que a Semana Santa do Carballiño estaba adquirindo cada vez máis proxección. Por iso felicitou á cofradía polo seu exceente labor e organización. E amosouse orgullosa como veciña da Semana Santa que se desenvolve no Carballiño.

José Manuel Dacal tamén se amosou “orgulloso de contar cun emblema tan simbólico como o Tempo da Veracruz, que é un dos principais atractivos da vila, ademáis da súa vertente relixiosa” e “de ter unha asociación que leva o seu nome e que cada ano ofrece un programa de actos que contribúen a que O Carballiño comece a ser un referente da Semana Santa na provincia de Ourense e en Galicia”.

Por isto, agradeceu o esforzo que levan a cabo todos os integrantes da Cofradía da Veracruz, e sinalou que “a Semana Santa é moi importante no Carballiño. O é para os feligreses e feligresas, pero tamén para moitos visitantes que acuden a pasar uns días de lecer”.
Ao respecto dixo “temos unha boa oferta termal con dous balnearios. Temos unha excelente oferta gastronómica. Temos uns espazos naturais extraordinarios. Temos unha boa programación cultural. E temos tamén un programa atractivo con conferencias moi interesantes e unha grandísima exposición, e unhas procesións que en nada desmerecen das que se poden celebrar noutras cidades. Esto é un gran complemento para facer do Carballiño unha vila de interese turístico durante esta Semana Santa”.

PROCESIÓNS
• Procesión Litúrxica de Ramos (25 de marzo, Domingo de Ramos, Praza da Veracruz)
• Traslado da Virxe Doorosa (23 de marzo, dende a Igrexa Vella ata a Veracruz)
• Vía Crucis Procesional (28 de marzo, Praza da Veracruz)
• Procesión Penitencial da Sentencia e a Misericordia (29 de marzo, Xoves Santo, dende o Asilo ao Templo da Veracruz)
• Procesión Solemne do Santo Enterro e “Dos Caladiños” (30 de marzo, Venres Santo, dende o Templo da Veracruz polas rúas céntricas da vila)

CICLO DE CONFERENCIAS
Domingo, 11 de marzo: “O Carballiño e a fe no patrimonio artístico”, Javier Limia Gardón, doctor en Historia da Arte, profesor-tutor da UNED Ourense.
Martes, 13 de marzo: “El Lignum Crucis: historia, arte e devoción en O Carballiño e o mundo”, Miguel Ángel González García, Canónigo-arquiveiro da catedral de Ourense.
Xoves, 15 de marzo: “Xenealoxía na arte de Antonio Palacios”, Rafael Otero, historiador e profesor do IES nº 1 do Carballiño.
Sábado, 17 de marzo: “O culto ás reliquias no antigo Reino Galaicoleonés”, Felipe Senén, arqueólogo e museólogo.
Todas as conferencias celebraranse na capela do Asilo ás 20, 00 h.