O Concello de Boborás conta para este proxecto coa colaboración económica de outras administracións, que xunto as aportacións de fondos propios, suman un orzamento de medio millón de euros, asi o anunciou nesta emisora de radio o alcalde Cipriano Caamaño.
Tamén avanzou o rexedor municipal que o futuro Centro Multiusos de Boborás ubicaráse na edificación das antigas vivendas dos mestres do colexio público de Boborás, a edificación será obxeto dunha reforma integral, que se transformará nun edificio con diversas dependencias.
A primeira planta acollerá unha ludoteca, o programa concilia, aula de atención temperá, e aula de actividades diversas. Na segunda planta ubicaráse a aula CEMIT de Boborás, , aula de formación e biblioteca. Na terceira planta do edificio irá unha aula de música e salón de actos.
Todas as plantas contarán con aseos e dotaráse o edificio de ascensor, para facer accesible todas as súas dependencias.
Caamaño agarda que o proxecto reciba un impulso definitivo no transcurso deste ano no que andamos, unha vez que se confirmen as subvencións "que xa están moi avanzadas e comprometidas", subliñou.
O concello de Boborás ven de aprobar o orzamento ordinario para este exercicio de 2018, con previsión de superavit para cumplir coa regra de gasto, desta maneira a previsión de ingresos ascende a un millón catrocentos noventa e sete euros, mentres que a previsión de gastos quédase en un millón catrocentos cincuenta e cinco mil euros.
Triste a decadencia do entroido na vila do Carballiño que se precipita vertixinosamente. Este è o resultado de centrar o entroido nun desfile que depende da imclemencias meteorolóxica, sen ningunha outra iniciativa que incite a un entroido tradicional e participativo. Domingo de antroido coas rúas vacias, a pouca xente que aparecia e desaperecía ía sen ningun tipo de de disfraz e que de cir do luns, outro tanto do mesmo, nin coas sustanciosas ofertas económicas que os concelleiros de bares e festas organizadores ds brincadeiras deste pobo ofertaron para aqueles que se achegaran a animar á hostelería conseguiron animar o ambiente, porque os cartos sen iniciativas e traballo non leva máis que á desaparición do entroido nesta vila. Mención a parte merece a total ausencia de animación, concursos ou calquera tipo de acividade para os nenos. Nada invite ás familias a participar e a vivir o entroido.
Maside, remata o Entroido e deixan os focos de alto consumo da carpa encendidos toda a noite do lúns. Chega a noite do martes e o mesmo. Total pagamos todos. A concellala esa que cobra non ten luces pra mandar que alguén apague as luces, ou é que vai a pachas con Elena Espinosa, Felipe González, Pedro Solbes, Borrell e o resto de sociatas conselleiros de eléctricas. Botaría moito tempo pra nomealos a todos.
A comparsa da Asociación Cultural Os Arrieriños de Dacón volveu gañar o primeiro premio do gran desfile do martes de entroido no Carballiño, dotado con 1.300 euros.Ademáis, a comparsa daconense tamén consigue o premio especial de 300 euros.
"O Gran Musical" de San Amaro -que o pasado domingo conseguíu o primeiro premio do desfile de Ourense- lévase nesta ocasión o segundo premio, ao que corresponden 1.000 euros.
Completan a táboa dos grandes premios, "Os Azucarados de Maside", en terceira posición, mentres que "Os Musicais do Freixo" quedanse co cuarto premio. "O Bosque Máxico" da Anpa do colexio da Uceira, alcazan o quinto premio e "A Lenda de Lumareda" o sexto.
As demáis comparsas participantes no concurso convocado pola concellería de cultura do concello do Carballiño reciben todas elas un accésit de 60 euros.
As 16 comparsas que desfilaron -non se presentaron dúas das que estaban inscritas- tardaron algo máis de dúas horas en completar o recorrido programado, con choiva incluida, que aínda que miuda, non cesou durante todo o tempo que durou o desfile, que como cada ano congregou a numeroso público a pesar do tempo desapacible da xornada, con choiva e tamén con temperaturas moi frias.
Podes ver a acta do xurado abrindo o arquivo adxunto:
Ven sendo unha norma moi extendida o vicio dos politicuchos que falan como loros do saneamento das súas contas, o que según eles lles permite até baixar o tipo impositivo do IBI, e bla bla bla. En primeiro lugar, pra desenmascarar estes impostores é preciso diferenciar o que é déficit/superávit, con respecto o que é débeda.
O déficit versus superávit, é o resultado negativo (no caso do déficit) ou positivo (no caso do superávit) dun exercicio. Pola outra banda, a débeda é a acumulación de resultados negativos de todolos exercicios, que non compensaron os resultados positivos de algún/hos exercicio/s.
Creo que até aquí é fácil de entender. Continuemos ¿Cando tes un superávit nun exercicio? Moi fácil, cando tes máis ingresos que gastos. E aquí é onde temos que falar dos impostores ¿Por qué? Porque o HIPOTÉTICO superávit que tiveron nos tres derradeiros exercicios non é conseguencia dunha racionalización do gasto. É consecuencia, ¿adivinan de qué? DO CATASTRAZO!!!! Máis ingresos pra eles cortesía de Montoro. A xentiña é a que financiou o gasto desmedido mediante a carga fiscal: CATASTRAZO.
O Sr. Montoro foi incrementando en todos os concellos de España o pago do IBI mediante os coeficientes correctores que saían publicados cada ano nos PGE. Non é que Montoro sexa moi xeneroso e quixese salvar aos concellos das súas débedas abismales, é que él tamén pillaba cacho, porque ó corrixir ó alza as bases reguladoras, o impostos estatales como Imposto de Transmisións Patrimoniales e Actos xúrídicos Documentados, IRPF, ou Imposto de Sucesións e Donacións, veríanse incrementados.
Poñamos un exemplo práctico pra que ninguén se perda. Falemos de Maside. Temos aquí a gráfica da débeda do Concello. Di o alcalde ( o mesmo que di o do Carballiño) que o superávit permite unha baixada do tipo impositivo do IBI ¿Onde está o superávit? Maside segue tendo débeda. Quizáis, e tan só digo quizáis, o aspìrante a Zapatero, ese reporteiro dicharacheiro que nutre o diario La Región, poda explicar esta falacia.
Fixémonos no ano 2011. A débeda de Maside (hipotética) que figuraba no MEH, era inferior a 100.000 euros. De repente supera os 600.000 euros a partir do 2011 ¿Non terá algo que ver o Plan de Axuste que fixo que as débedas gardadas no caixón aflorasen? O Plan de Axuste foi duro, pero Montoro veu coas regalías. Inventou os coeficientes correctores do IBI. Máis ingresos para él e para os concellos.
E a actual débeda actual de Maside é de 296000 euros ¿Onde está o superávit? Se é certo que neste ou en algún exercicio houbo superávit, ¿non será polo catastrazo? E empregouse, como non podía ser doutro xeito, en amortizar a débeda alarmante.
En definitiva, aspirantes a Zapatero e demáis tropa, claro que calquera pode errar. Pero mentir como bellacos con respecto a hipotéticos superávits dos mundos da progresía charlatana, é algo máis que errar, é tentar tomarlle o pelo á cidadanía. Pode que os charlatáns descoñezan que o IBI é un imposto que se devenga a 1 de xaneiro. Polo tanto, prometer baixadas do tipo impositivo no ano 2018, non só é un disparate, senon o traxe que caracteriza á charlatanería progre de medio pelo. Pra que eso poda ser certo, tiñades que aprobalo no 2017.
SE CRITICADES A MONTORO E O SEU CATASTRAZO, NON OCULTEDES QUE O HIPOTÉTICO SANEAMENTO DAS VOSAS CONTAS NON VEU POLA VOSA XESTIÓN, SENON PRECISAMENTE POLO CATASTRAZO. HAI QUE ESTAR ÁS DURAS E ÁS MADURAS
E unha autentica locura o permitir a saida das carrozas chovendo, tan solo con pensar que pode haber un accidente por electrocución.
Non se olviden que estas comparsas e grupos levan a maioria un grupo electróxeno para a sua animación, e como todos sabemos a auga e a alectricidade non fai boa amizade.
Calquera electrecista sabe o risco que conleva un espectaculo asi e con choiva polo medio, polo que rezemos para que non se produzca ningunha desgracia e todo saia ben.
A falta de sentido pode levar a calquer cousa e incluso tomar decicions sen sentidiño como soe facer este goberno. Preguemos para que non ocurra nada.
Dezaoito comparsas participarán no Desfile-Concurso do Martes de Entroido, que comezará ás 17,00 h., co percorrido habitual, e rematará arredor das 19,00 h. Tanto en número de comparsas inscritas como de compoñentes, supéranse as cifras do pasado ano, polo que se prevé un desfile moi participativo e animado.
Malia á previsión de chuvia, mantéñense tanto os horarios como o percorrido, se ben a entrega de premios e a actuación da orquestra-espectáculo “Televisión” terán lugar na carpa instalada na Praza do Emigrante, en vez de na Praza Maior, como estaba previsto nun principio.
En total, repartiránse máis de 6.000 euros en premios, que serán anunciados e entregados nesa carpa a partir das 20,30 h., aproximadamente.
COMPARSAS PARTICIPANTES:
1. OS LIBORIANOS
2. O BOSQUE MÁXICO (ANPA UCEIRA)
3. OS PICAPEDRA DE ASPADISI
4. WESTER CEA
5. ASDIFICA: NON MÁIS LUME!!
6. OS 100TOLOS
7. A LENDA DE LUMAREDA
8. O GRAN MUSICAL DO CASTRO DE SAN AMARO
9. OS ARRIEIROS DE DACÓN
10. OS MEXICANOS
11. OS AZUCARADOS DE MASIDE
12. MAR ENTROIDO DOS NEVADIÑOS
13. OS DA CAÑA
14. ESCOLA DE DANZA CATRO PASOS AFRICANOS
15. TRIBU SAMBURU DE PARTOVIA
16. OS SILLEIROS HIPPIES DE MASIDE
17. OS MUSICAIS DO FREIXO
18. A CINCENTA
PERCORRIDO:
R/ Otero Pedraio/ Conde Vallellano/ Rotonda Alameda/ Avda. Julio Rodríguez Soto/ Calvo Sotelo/ Tomás Mª Mosquera/ Praza Maior.
XURADO:
O xurado estará composto polo concelleiro de Cultura como presidente e un membro máis de cada grupo político con representación no Concello, un representante Do Centro Comercial Aberto do Carballiño (CCA), un representante do movemento veciñal e outro do movemento cultural.
O xurado do premio especial de 300 euros estará composto por un representante de cada comparsa que participe no desfile.
PREMIOS:
1º PREMIO: 1.300 € 2º PREMIO: 1.000 € 3º PREMIO: 800 € 4º PREMIO: 400 € 5º PREMIO: 350 € 6º PREMIO: 300 € 15 accesits de 60 euros ás comparsas que non acaden ningún dos premios anteriores. • As cinco primeiras comparsas gañadoras terán nun incremento de 250 euros cada unha delas, sempre que participen no desfile do día 18 de febreiro, Domingo de Piñata. • Un premio especial de 300 euros para a mellor comparsa que acade a maior puntuación.
Na foto podemos ver a carroza da comparsa "El Gran Musical" de San Amaro, gañadora do primeiro premio do desfile de Ourense, celebrado este pasado domingo.
As carrozas dos entroidos de Cea e Parada de Amoeiro, e por suposto, os felos de Maside, foron os grandes protagonistas na tarde do lúns, na versión máis tradicional do entroido na comarca.
A Praza Maior de Cea quedouse pequena para acoller ás vinte carrozas que a primeira hora da tarde fixeron parada obrigada na vila do pan, tal como ordena a tradición do entroido nesta zona.
Xa á tardiña, a comitiva fixo entrada na vila de Maside, recibindo os parabéns do numeroso público congregado, e que antes xa tivera ocasión de ver aos felos e tamén a varias das comparsas da comarca, que tampouco faltaron á cita do entroido en Maside.
Animación de rúa con charangas; desfiles de comparsas e murgas; concursos de peñas, comparsas e disfraces infantis; verbenas con orquestras, e obradoiros de máscaras coparán o intenso programa previsto para estes días e que, tendo en conta o ritmo de inscricións de comparsas e peñas para os concursos de luns e o martes, auguran una gran participación popular no entroido carballliñés, e na programación de actividades organizada pola concellería de cultura.
A xornada do sábado resérvase para os mais cativos, con obradoiro de máscaras e concurso de disfraces a partir das catro e media da tarde na carpa instalada na Pista Roxa, na Praza do Emigrante.
A murga Os Liborianos animará as rúas durante o domingo,pola tasrde ofrecerá o seu repertorio de coplas e antes, pola mañá, animará as rúas do Carballiño s charanga do Doctor Anchoa.
A Ruta dos Mil será a gran novedade do luns que, por iniciativa da hostalería, pon en marcha un gran concurso de peñas que se prevé moi participativo, e no que se repartirán 1.500 euros en premios.
O día grande será o Martes de Entroido, no que terá lugar o Desfile e Concurso de Comparsas, con case seis mil euros en premios, e para o cal xa se levan inscritas moitas comparsas do Carballiño e de fóra, un concurso que vai repartir 6.000 euros en premios, e que se agarda como acontece todos os anos sexa seguido nas rúas carballiñesas por miles de persoas, un desfile que iniciará o seu percorrido ás cinco da tarde. Na Praza Maior o fin de festa correrá a cargo da Orquestra Televisión.
A tarde do mércores será para o tradicional Enterro da Sardiña, coa animación de Aspadisi e a charanga Castro Bello, as sete e media da tarde na Praza Maior. E nesta edición do entroido tamén haberá animación de rúa na feira do venres, 16.
Finalmente, o domingo 18, terá lugar no Carballiño a Festa da Cachucha, na que haberá un récord de establecementos hostaleiros participando, e no que se poderá disfrutar cos desfiles de mañá e tarde de folións tradicionais da provincia e as comparsas premiadas no desfile do martes.
En Cea, a programación ábrese o sábado dia 10 cun espectáculo sorpresa ás cinco e media da tarde na Praza Maior da vila, neste mesmo escenario terá lugar unha gran verbena entroideira amenizada polo Grupo Maratón, dende as once da noite en adiante, e para todos os asistentes, chocolatada con churros e queique.
O Luns dia 12, en Cea recibirán a visita das sempre espectáculares carrozas dee Parada de Amoeiro, Mandrás e Cea, ás catro da tarde, despois haberá unha gran festa infantil de disfreaces no centro multiusos. Tamén en Cea haberá loito o mércores 13 co enterro da sardiña, dende as oito e media da tarde, a comitiva fúnebre recorrerá as rúas de Cea, con despedida o entroido na Praza Maior, coa música da Charanga Os Centellas, e unha sardiñada Popular.
En Boborás, o sábado 10, na praza detrás do concello, organizan unha gran festa infantil con diversas actividades, chocolate con churros, e a animación musical do grupo Imperio. O lúns de entroido volverán vivir a festa máis tradicional en Pazos de Arenteiro, con concentración de "Rodos" ás nove e media da noite no Bar da Ponte, e posterior recorrido pola parroquia.
En Maside, o dia grande será lúns pola tarde, cando verémos os tradicionais Felos campar ás súas anchas pola vila de Maside dende primeira hora da tarde. Ás cinco da tarde está programado o gran desfile do carnaval de Maside no que tomarán parte as mellores comparsas da comarca, e tamén as carrozas do entroido de Parada de Amoeiro. Haberá fin de festa con chocolatada na Praza Maior da vila masidá, onde despedirán a festa co enterro da sardiña, o mércores.
En Piñor, o ambiente concentraráse o sábado dende as 3 da tarde na localidade de Cotelas, onde haberá festa infantil no centro social dende as catro e media da tarde, e logo pola noite gran bailes de disfraces amenizado coa música do grupo Ases.
Querome sumar o debate avícola e eu penso que non aprendemos. Estamos fartos de ver edificios devorados polas silveiras que no seu día foron produto dunha gran idea do político de turno, sexa da cor que sexa dame igual. O político explotou a súa idea, fixo caixa electoral e probablemente outro tipo de caixa ¿e qué queda de todo iso? http://www.laregion.es/articulo/ourense/trece-millones-euros-devorados-d...
Estamos fartos de ver aeroportos, estacións de trens de cercanías que ian nutrir de xente eses aeroportos, e todo tipo de inversións multimillonarias comidas polas silveiras.
Señores e señoras, membros e membras do partido que sexa, un pouco de sentidiño por favor que non anda o forno pra bollos. Transporte público xa!!! Pero transporte realista: Cercanías, autobuses, etc. Pero o que teña paxaros na testa que se quede con eles, os paxaros e o outras aves non son o que precisa O Carballiño.
Páxinas
- « primeira
- ‹ anterior
- …
- 500
- 501
- 502
- 503
- 504
- 505
- 506
- 507
- 508
- …
- seguinte ›
- última »
