A nova asociación lúdica do Carballiño “Monxes do Tentáculo” convida á poboación a dúas xornadas de xogos de mesa, cine e confraternización
O salón de plenos do Concello do Carballiño acolleu esta mañá a presentación da asociación lúdica Monxes do Tentáculo, formada por unha vintena de afeccionados aos xogos de mesa e de rol. “É un auténtico orgullo anunciar esta nova asociación que vai enriquecer o tecido cultural e a oferta lúdica do Carballiño”, apuntou Diego Fernández, concelleiro de Cultura, quen puxo en valor as iniciativas deste tipo, impulsadas desde a veciñanza. “Decidimos establecernos formalmente para entrar en contacto con persoas con intereses similares, darlle vida á vila e á comarca, fortalecer os lazos comunitarios, colaborar con outras asociacións e levar a…