Deportes

O Centro de Deportes Barco, que levaba cinco victorias nos útlimos cinco partidos, viuse sorprendido no seu campo de Calabagueiros por un Arenteiro que xogou un partido moi serio e que ademáis tivo que afrontar con 10 xogadores nos útlimos 14 minutos por expulsión de Pana. O árbitro prolongou o encontro ata o minuto 97, pero desta vez o Arenteiro soubo amarrar os tres puntos.

C.D. Arenteiro: Pachi, Gele, Carlos, Ocampo, Pana, Dafonte, Victor Gallego, Bardelás (Brais, m. 87), Quiroga (Oscar Portos, m. 75), Dani Vázquez (Canexón, m. 88) e Marcos Sotelo (Manu, m. 79).

Goles:

0-1. Minuto 34. O porteiro local Macia non é capaz de blocar un gran disparo de Victor Gallego dende fora da área e o rexeite é aproveitado por Quiroga para remachar cando o balón xa se colaba na portería valdeorresa.

O Partido: Un triunfo dos que decimos en equipo, grazas ao traballo e esforzo colectivo de todos os xogadores verdes, incluído o plantexamento de Miki López, que conseguíu maniatar a un Barco con moitisima pólvora na línea atacante, que non obstante, apenas pudo chegar con perigo nos minutos finais. Na última xogada antes do descanso o árbitro ourensano Rubén Castro deixou sen sinalar un clarísimo penalti na área barquense por mans dun defensor local que aborta unha acción de perigo de Marcos Sotelo. No minuto 83, e nunha xogada na que Pana arrebata limpamente o balón a Javi Recamán, o árbitro pita penalti pero logo rectifica a instancias do xuíz de liña e saca a falta fora da área, a protesta de Pana válelle a expulsión. 

Os verdes prolongan a serie negativa de resultados dos útlimos partidos e suman unha nova derrota, desta vez en Espiñedo e ante un dos equipos cos que teóricamente vai competir na loita pola pernamencia como é o Mondaríz CF.

CD Arenteiro: Pachi, Escudero (Cote, m.70), Ocampo, Lois, Pana, Dafonte (Alex Santiago, m.78), V. Gallego, Sanginés, Dani Vázquez, Bardelás (Canexón, m. 75) e Gele (Quiroga, m.66).

Goles:

0-1. Minuto 11. Centro medido de Anxo dende a banda dereita e Nacho, de cabeza,  remata sen oposición.

O Partido: O Mondariz, cun fútbol bastante rudimentario, levouse os tres puntos grazas a súa gran efectividade ante a portería rival, tivo dúas ocasións e fixo un gol. O Arenteiro non soubo aproveitar as súas, e perdeu a oportunidade de polo menos salvar un punto. O equipo necesita mellorar algúns aspéctos, sobre todo na definición, para volver á senda das victorias.

0-0 ao descanso e 2-1 ao final do partido. Igual que nas anteriores saídas a Valadares e Gondomar, desta vez en Vilalonga o Arenteiro encaixaba o gol da derrota no tempo de desconto, no minuto 96, tanto nadar e nadar para morrer na beira. 

C.D. Arenteiro: Pachi, Carlos Escudero, Ocampo, Dani Arbo, Oscar Portos, Dafonte, Gele (Sanginés, m. 60), Victor Gallego, Bardelás (Alex Santiago, m.69), Manu (Dani Vázquez, m.56) e Quiroga (M. Sotelo, m.57, sustituído por Marcos Nieto, m. 90).

Goles:

1-0. Minuto 47. Machu, de cabeza inagura o marcador para os locais.

1-1. Minuto 48. Gele con un bo golpeo o borde da área fai inútil a estirada do gardameta local.

2-1.Minuto 96. No derradeiro córner do partido Cerqueira aproveita un balón que lle chega á área pequena para facer o gol do triunfo local.

O Partido: De claro dominio local na primeira parte e moi equilibrado na segunda, na que calquera pudo gañar. Nos primeiro corenta e cinco minutos o Vilalonga dispuxo de ata tres claras ocasións de gol, non obstante no m. 45 pudo adiantarse o Arenteiro xa que o árbitro anulou un gol a Dani Arbo por suposta falta no remate de cabeza do xogador verde. Na segunda parte viuse un espectacular encontro cos dous equipos na busca da victoria con ocasións en ambas porterias, aínda que no derradeiro suspiro do partido o premio foi para o Vilalonga CF

O Portonovo, oito victorias en oito partidos, é máis líder despois do seu paso por Espiñedo, que volveu presentar unha magnífica entrada nun partido de preferente, con máis de 600 afeccionados nas gradas. O Arenteiro foi desta vez víctima dos seus erros defensivos, dos que se aproveitou un Portonovo que encaixou en Espiñedo 2 goles, tantos como nos sete partidos anteriores. Pero marcou catro ao seu favor, os catro obra do seu goleador Hugo Soto, tres deles en fallos defensivos dos verdes.

C.D. Arenteiro: Marcos Nieto, Ocampo (Escudero, m.79), Lois ( Expulsado por doble amarela no m. 85), Pana, Dani Arbo, Dafonte, Sanginés, Victor Gallego, Dani Vázquez (Gele, m. 64), Manu (Alex Santiago, m. 71) e D. Quiroga (Bardelás, m. 64).

Goles:

0-1. Minuto 10. Perde o balón o Arenteiro no seu campo, Nacho habilita para Hugo Soto, e éste en perfecta vaselina adianta ao Portonovo.

0-2.Minuto 16. Novo despiste defensivo dos verdes, Gándara envia un balón sobre a portería carballiñesa e Hugo Soto so ten que empurrar.

1-2.Minuto 59. Córner que saca D. Quiroga e Ocampo de cabeza recurta distancias.

1-3. Minuto 62. Outro regalo para o Portonovo, desta vez o meta Marcos Nieto mide mal o bote do balón na súa saída e Hugo Soto marca a placer.

2-3.Minuto 69. Gele remata na área pequena un gran centro de Sanginés.

2-4.Minuto 88. Outra vez Hugo Soto, agora de falta directa, colando o balón por toda a escadra.

O Partido: O esforzo e actitude dos xogadores verdes non tiveron recompensa por culpa dos desacertos en defensa, que soubo aproveitar moi ben o Portonovo, un equipo con moito oficio, para levarse os tres puntos de Espiñedo. Aínda xogando co marcador en contra dende o minuto 10, en ningún momento o Arenteiro lle perdeu a cara o partido, e so os fallos en defensa condicionaron o resultado final. 

A viguesa Elena Casal condicionou o partido, e moi probablemente tamén o resultado, cunha arbitraxe que perxudicou gravemente ao Arenteiro. Cargou de tarxetas aos carballiñeses, deixou sen motivo ao Arenteiro con 10 xogadores no campo dende o minuto 53 por doble amarela a M. Sotelo , pitou a favor dos locais un inexistente penalti,  e o máis grave, no minuto 93 non quixo sinalar un penalti de libro na área do Cétiga, tan clamoroso que nin os afeccionados locais daban crédito. Nefasta arbitraxe a que sufríu o Arenteiro na Illa de Arousa. Tamén foron expulsados o adestrador e delegado do Arenteiro.

C.D. Arenteiro: Marcos Nieto, Lois  (Ocampo, m. 72), D. López, Dani Arbo, Pana, Dafonte, Victor Gallego, Sanginés ( Gele. m. 76), Dani Vázquez (Quiroga, m. 69), Manu (Bardelás, m.75) e Marcos Sotelo.

Goles:

1-0. Minuto 18. Penalti a fovor do Céltiga que tranforma Janeiro.

1-0. Minuto 26. Golazo de Marcos Sotelo cun zurdazo dende o borde da área que se cola por toda a escadra.

1-2. Minuto 29. Falta dende a banda dereita que lanza Sanginés e Dani Arbo toca o xusto para facer inútil a estirada do porteiro local.

2-2. Minuto 59. Janeiro aproveita un barullo na área do Arenteiro e fai o empate.

O Partido: Absolutamente condicionado pola actuación arbitral, asi e todo, o Arenteiro pudo sentenciar o partido ao seu favor por dúas veces, ambas por medio de Dani Arbo, con dous magníficos remates de cabeza que sairon fora por moi pouco. O Arenteiro foi mellor que o seu rival, sobre todo ata a expulsión de M. Sotelo, e fixo méritos suficientes para regresar a O Carballiño cun mellor resultado.

Clasificación Xornada 7ª 

Noutro partido máis demostrase que ata o rabo todo é touro. Do 2-0 do Arenteiro sobre o Pontellas no minuto 90, pasamos ao 3-1 final no marcador, con dous goles no tempo de desconto, un para cada equipo. Segunda victoria consecutiva dos verdes en Espiñedo na preferente autonómica.

C.D. Arenteiro: Marcos Nieto, Carlos Escudero (Gele, m. 57), Diego López, Lois, Pana, Dafonte, Sanginés (Cote, m. 73), Victor Gallego, Dani Vázquez, Bardelás (Manu, m. 70) e Marcos Sotelo (Alex Santiago, m.81).

Goles:

1-0. Minuto 29. Dani Vázquez, libre de marca, cabecea a placer tras recibir o balón rexeitado dun defensa do Pontellas.

2-0. Minuto 45. Sanginés envia un centro ao que non acerta a rematar Dani Vázquez, pero sí Marcos Sotelo que chega coa caña preparada para marcar o segundo da tarde para o Arenteiro.

2-1. Minuto 91. José reduce distancias aproveitando a confianza da retagarda local.

3-1. Minuto 93. Gran xogada personal de Pana que pon un balón de ouro a Victor Gallego, que finiquita o encontro.

O Partido: Comezou mellor para o Pontellas que aos 6 minutos pudo adiantarse no marcador ao cometer a defensa verde un absurdo penalti, pero a pena máxima era neutralizada nunha magnífica intervención polo meta local Marcos Nieto enviando o balón a córner. Non se desconpuxo o cadro visitante, mentres o Arenteiro xogaba bastante precipitado. Asi ata o primeiro gol local, que cambeou o ritmo do partido ata o intermedio. Trala reanudación, o Pontellas tratou de achegarse á área local, aínda que sen lograr levar perigo real. Xa na recta final do partido, o Arenteiro pudo sentenciar en dúas accións de Dani Vázquez e Manu, encontrandose con sendas boas intervenciós do porteiro do Pontellas, Israel. Cando o tempo estaba cumplido chegarían os outros dous goles, un para cada equipo, e tres puntos que suman os verdes no seu casilleiro.

Igual que o domingo anterior en Valadares, tamén en Gondomar, o Arenteiro volvía perder o partido co tempo cumplido. Coas táboas no marcador, Quiroga enviou un balón ao longueiro. Antes, o Gondomar marcara de penalti e empatara Dani Arbo para o Arenteiro, que volveu sufrir a arbitraxe escandalosamente caseira do árbitro pontevedrés José Piñeiro, que expulsou con vermella directa a Canexón- no banquiño- e Dani Arbo. 

CD Arenteiro: Marcos Nieto, Ocampo, Diego López, Dani Arbo, Pana, Dafonte, Victor Gallego, Bardelás, Sanginés, Dani Vázquez e Marcos Sotelo. Tamén xogaron Alex Santiago, Gele e Quiroga.

Goles:

1-0. Minuto 62. Suposto penalti na área local que transforma en gol Alex Rei.

1-1. Minuto 72. Libre directo sobre a portería local, Dani Arbo cun tiro raso e potente logra o empate.

2-1. Minuto 92. Tras unha boa intervención de Marcos Nieto, que rexeita en primeira instancia, o balón chega a Dani Hermida que axusta o segundo pau e marca o gol da victoria para o Gondomar.

O Partido: Con dúas partes ben diferenciadas, unha primeira de claro cor verde, o Arenteiro xogou máis e mellor que o seu rival, pero non logrou adiantarse no marcador. Na segunda parte, o Gondomar foi impoñendo o seu xogo, aínda que sen crear perigo ante a portería carballiñesa. Pola contra, o Arenteiro, unha vez que logrou o empate, pudo adiantarse por dúas veces, primeiro nun man a man co porteiro de M. Sotelo, que resolveu ben o cancerbeiro local, e despois cun cabezazo de Quiroga que petou no longueiro e foise fora. Á marxe do infortunio, e dalgúns detalles negativos -como a expulsión de Arbo-, a cara positiva é a dun equipo que polo visto esta tarde en Gondomar sigue indo a máis.    

Un gol no tempo de desconto derrotou ao Arenteiro inmerecidamente, xa que os carballiñeses  -antes o meta local rexeitara un penalti lanzado por Ocampo-xogaron acaso o partido máis serio do que vai de campionato no campo da Gándara de Valadares, que rexistrou unha boa entrada con seguidores verdes na grada. Tamén presenciou o partido o alcalde de Vigo, Abel Caballero.

CD Arenteiro: Marcos Nieto, Ocampo (Cote, m.68), Diego López, Lois, pana, Dafonte, Victor Gallego, Gele (Sanginés, m.68), Dani Vázquez, Bardelás ( Alex Santiago, m.80) e Marcos Sotelo  (Canexón, m.80).

Goles: 

1-0. Minuto 37. O goleador local Oscar Pérez controlaba na área e con gran calidade envia o balón ao fondo da portería carballiñesa. Golazo.

1-1. Minuto 89. Zurdazo de Pana que se cola por toda a escadra. Golazo.

2-1. Minuto 94. Libre directo maxistralmente executado por Cacho. Golazo.

O Partido: Comezou moi ben asentado no terreo de xogo o Arenteiro que no primeiro cuarto, por medio de Dani Vázquez e Marcos Sotelo, avisaba que viña a dar a cara ante un dos equipos potentes da categoria. Os locais, que foron nivelando o partido, tan so creaban perigo a balón parado, atá que no tramo final da primeira parte remataron acosando a portería carballiñesa, pero encontraronse coas boas intervecións de Marcos Nieto. Na reanudación, aos 58 minutos, o colexiado trágase un penalti de libro sobre Marcos Sotelo, despois pitaba outro -tamén claro- por mans dun defensor local, pero o meta local adivina a traxectoria e rexeita o balón lanzado por Ocampo. O gol de Pana parecía que ía facer xustiza, pero non foi asi e os verdes caían cun gol no tempo de desconto. Sen dúbida, o mellor partido do Arenteiro no que vai de liga.

Os verdes consiguen sumar a segunda victoria consecutiva no campionato de liga da preferente. Curiosamente, o Arenteiro impuxose ao rival tras quedarse con 10 xogadores no terreo de xogo pola expulsión de Dani Arbo, aos 10 minutos da segunda parte, tras unha polémica xogada na que o defensor local viu a segunda tarxeta amarela.

CD. Arenteiro: Pachi, Lois (Cote, m.83), Diego López, Dani Arbo, Pana, Ocampo, Gele (Sanginés, m. 68), Victor Gallego, Dani Vázquez, Bardelás ( Dafonte, m.73) e Marcos Sotelo ( Canexón, m. 81).

Goles:

1-0. Minuto 38. Á saída dun córner Dani Arbo, de cabeza, adianta ao Arenteiro.

1-1. Minuto 39. Espectácular gol de Xurxo para o Pontevedra B, no saque de centro tras o gol do Arenteiro, lanza un chupinazo dende o círculo central, o balón colle adiantado a Pachi e cólase por toda a escadra.

2-1. Minuto 78. Dafonte engancha un balón no balcón da área grande e magnífico de definición, cun tiro raso bate a portería pontevedra.

3-1.Minuto 89. A sentencia a cargo de Dani Vázquez tras un pase preciso de Canexón.

O Partido: O Arenteiro xogou os mellores minutos do partido cando xa estaba con 10 xogadores tras a expulsión de Arbo, sobre todo nos últimos 20 minutos cando a entrada no campo de Dafonte, Sanginés e Canexón deu frescura ao equipo, que incluso dispuxo de boas ocasións por medio tanto de Canexón como de Sanginés para ampliar o resultado . Certo é que antes, aínda co empate, o Pontevedra B malogrou a súa ocasión, na que pudo darlle a volta ao marcador ao seu favor.

Os verdes colleitaron no campo da Tella de Luintra os 3 primeiros puntos da tempada en preferente, facendo bo o inicio de partido, xa que aos 16 minutos o Arenteiro gañaba 0-2.

CD Arenteiro: Pachi, Lois, Diego López, Dani Arbo, Pana ( Cote, m. 70 ), Ocampo, Victor Gallego, Sanginés ( Gele, m. 68 ), Bardelás ( Dafonte, m. 76 ), Dani Vázquez e Marcos Sotelo ( Quiroga, m. 69 ).

Goles:

0-1: Minuto 4. Dani Vázquez aproveita unha indecisión da defensa local para mandar o balón de tiro raso e colocado ao fondo da portería.

0-2. Minuto 16. Falta por agarrón a Sanginés a altura do pico da área grande, o libre directo é executado por Dani Arbo que sorprende ao meta local cun forte chut.

1-2. Minuto 77. A saída dun córner, Omar recolle un balón que remata no medio dunha maraña de pernas e bate a Pachi.

O Partido: Moi pronto púxose de cara o marcador para o Arenteiro, que tras o segundo gol cedeu terreo ao Nogueira. Non obstante, o Nogueira apenas era capaz de crear algún tipo de perigo ata que aos 5 minutos da segunda parte o árbitro regala un penalti aos locais, o lanzamento é repelido polo longueiro,  os de Nogueira non se rinden e siguen buscando a portería de Pachi, aínda que con máis corazón que acerto. So despois do gol, conseguiron meterse no partido. O Arenteiro, co 0-2 e sobre todo despois de quedar o Nogueira cun xogador menos por expulsión de Carra debeu facer algo máis do que fixo para non pasar pola incertidume dos minutos finais.