Deportes

A Carreira superou o medio millar de participantes, aínda que o gran éxito estivo na solidariedade mostrada polos atletas, que entregaron centos de quilos de productos de alimentos, que recolleron voluntarios de Cáritas Parroquial do Carballiño e da Cruz Vermella local.

Dende a organización, a cargo do concello do Carballiño, solicitarase dos participantes que, dado o carácter solidario da carreira, entregasen un quilo de alimentos non perecedoiros, a chamada foi un éxito total e superaronse as previsións. Serán repartidos entre as familias da comarca con máis necesidade.

As clasificacións da VI Carreira Solidaria do Arenteiro, nas súas diversas categorias, pode verse en www.cronotec.es

O Arenteiro cumplíu o guión e supera a eliminatoria de octavos de final da Copa Deputación, a partido único, xogado no campo do Novo Aguillón, no que os valdeorreses plantaron cara na primeira media hora, pero que o Arenteiro sentenciou sen problemas cun gol en cada parte.

CD Arenteiro: Pachi, Carlos, Dani Arbo, Lois, Pana, Dafonte, Alex Santiago, Bardelás, Gele, Martín Pérez e D. Quiroga. Tamén xogaron V.Gallego, D.López, Ocampo e Brais.

Goles:

0-1. Minuto 30. Dani Arbo de cabeza á saída dun córner lanzado por Gele.

0-2. Minuto 56. Martin Pérez remata un balón enviado por D. Quiroga.

O Partido: Típico de copa no que o equipo de inferior categoría, neste caso o CD Rúa, que sabe tratar moi ben o balón, sae a por todas e a punto estivo de meter en problemas ao equipo de superior categoría, neste caso o Arenteiro. Os valdeorreses protestaron un gol que lle anularon por fora de xogo, que pudo supoñer o empate cando remataba a primeira parte. Non obstante, foi o Arenteiro o que marcou a pauta do partido, ademáis dos dous goles, pudo marcar algúns máis, nun par de ocasións por medio de Martín Pérez que desbaratou o porteiro local Ferrer, nun balón ao pau de Pana ou nunha gran xogada persoal de V.Gallego que culminou nun tiro que se foi fora por pouco. Xa nas postrimerías do encontro, minuto 90, D. Quiroga lanzou un penalti que desviou nunha magnifíca intervención o porteiro do Rúa.

Empate sen goles no Estadio José Argiz de Verín, nunha tarde de moita néboa na que o Arenteiro regresa a O Carballiño cun punto que, tal como se desenvolveu o partido, case sabe a pouco. Non obstante, con éste en Verín, os verdes prolongan a súa racha e suman xa 7 partidos consecutivos sen perder na competición de liga en Preferente.

CD Arenteiro: Marcos Nieto, Gele, Diego López, Dani Arbo, Pana, Dafonte, Ocampo ( Bardelás, m. 45), Victor Gallego (Dani Vázquez, m.63), Sanginés (Diego Quiroga, m. 67), Martín Pérez e Marcos Sotelo (Lois, m. 70).

O Partido: Clásico de rivalidade, moi trabado, e nunha primeira parte no que se xogou moi pouco tempo real, despois de que o partido estivese parado 12 minutos pola lesión do porteiro local Jorge, tras rexeitar un balón á escadra enviado por M. Sotelo. Unha vez que se reanudou o Arenteiro tivo por tres veces a oportunidade de adiantarse no marcador por medio de M. Pérez , Ocampo e D. López pero evitouno as meritorias intervencións do meta local, concluindo os primeiros 45 minutos co Arenteiro como claro dominador no terreo de xogo. Na segunda parte, no m. 53 chegaba a primeira ocasión -e practicamente única- do encontro a favor dos verinenses, despois o partido entrou nunha fase na que o xogo non tiña continuidade por ningún dos dous equipos, aínda que foi o Arenteiro -a balón parado- o que volveu estar a piques de marcar en sendas faltas ao borde da área lanzadas por Quiroga e Dani Arbo. Ambos equipos remataron o partido con 10 xogadores no campo, por expulsión de Vicente de Dios nos locais e Dafonte no Arenteiro, nos dous casos por doble cartón amarelo.

A Espiñedo, que presentaba unha gran entrada de afeccionados, chegaba o potente Lalín, un dos claros favoritos ao ascenso. Esperabao un Arenteiro sen complexos que venceu con todo merecemento, incluso o tanteo pudo ser superior ao seu favor. Os carballiñeses prolongan asi unha magnífica racha de resultados, dous empates e catro victorias nos últimos seis partidos.

CD Arenteiro: Marcos Nieto, Gele, Pana, D.López, D. Arbo, Dafonte, Sanginés (Lois, m. 75), Quiroga (V.Gallego, m.55), Dani Vázquez (Martín Pérez, m.55), Bardelás (Ocampo, m.70) e Marcos Sotelo.

Goles: 

1-0 Minuto 8. No único fallo da tarde do porteiro visitante non acerta a atallar o balón e Diego López marca a placer.

2-0.Minuto 17. Perfecta triangulación do equipo verde que culmina Sanginés.

2-1.Minuto 30. Defectuoso despexe cara atrás de Arbo que aproveita Iker Hurtado adiantandose a Marcos Nieto fai o primeiro do Lalín.

2-2.Minuto 38. Matelo corre a banda dereita e o seu centro medido é  ben rematado por Iker Hurtado.

3-2.Minuto 59. Pase entre liñas de Victor Gallego e Marcos Sotelo engancha un zurdazo que da no poste e entra na porteria visitante.

4-2.Minuto 73. Balón solto na área pequena que Sanginés axusta perfecto ao primeiro pau.

O Partido: Magnífico inicio de partido do Arenteiro superando en todas as líñas do campo ao Lalín, con dous goles en 17 minutos, e tendo a opurtunidade de ampliar a ventaxa no marcador, con media hora de dominio absoluto ante un Lalín superado e desconcertado. Pero en 10 minutos tontos dos verdes os visitantes lograban empatar o partido, logo chegou o descanso e tralo mesmo o Lalín pudo adiantarse nos primeiros compases da segunda parte, a partir de ahí o Arenteiro volveu ser o dono e señor do partido ata o pitido final. O Lalín rematou o partido con 9 xogadores, tras as expulsións de Dani Méndez e Matelo, mentres que no Arenteiro via cartón vermello o adestrador Miki López.

A partir de agora os afeccionados de Club Deportivo Arenteiro terán información en tempo real dos partidos que xogue o primeiro equipo. Para elo tan so terán que instalar unha descarga gratuíta da app gooligans no teléfono móbil, e tamén noutros dispositivos como tabletas ou ordenadores.

Desta maneira, os seguidores do Arenteiro, alá onde se encontren, recibirán en tempo real información dos goles e das principais incidencias de cada partido.

Club Deportivo Arenteiro é o primeiro club de fútbol da provincia de Ourense e o terceiro de Galicia que implanta este moderno sistema de información, que xa está dispoñible.

Incontestable victoria dos verdes na súa visita ao campo da Unión Deportiva Atios, no Porriño, onde Club Deportivo Arenteiro fixo un partido moi completo, soberbio na zona de cobertura, traendose os tres puntos para O Carballiño. Con éste, son cinco os partidos consecutivos do Arenteiro sen perder na liga de Preferente, dous empates e tres victorias, unha boa dinámica para recibir o domingo en Espiñedo ao potente Lalín.

C.D.Arenteiro: Marcos Nieto, Gele, Pana (Lois m. 68), D. López, D. Arbo, Dafonte, Bardelás (Alex Santiago m.76), D. Váquez,  Sanginés, Quiroga (V. Gallego, m.64),  e M. Sotelo (Canexón, m.74).

Goles: 

0-1. Minuto 6. Falta ao borde da área que executa con gran potencia D. Arbo, o balón toca en D. Vázquez e cólase dentro da porteria local.

0-2. Minuto 22. Bardelás rouba un baón no medio campo que envia sobre Quiroga, éste prolonga de cabeza cara Sanginés que chega como unha exhalación para plantarse ante o meta local ao que bate cun perfecto chut raso e axustado o segundo pau.

O Partido: De claro cor verde, dende o minuto 1 ao 98, anulando ao Atios no seu propio campo, os locais non poideron sacudirse a presión dos xogadores verdes, noutro encontro pleno de actitude e intensidade, e desta vez, soberbio en defensa, conseguindo que os bos xogadores que ten o Atios, incluido o seu goleador, o ex CD Ourense Jorge Fernández, pasaran hoxe practicante desapercibidos. Xa co 0-2 no marcador Marcos Sotelo e Sanginés, e incluso Arbo no lanzamento dunha falta a piques estiveron de incrementar o marcador a favor do Arenteiro. Pola contra, a única vez que os locais crearon perigo foi, na última xogada da primeira parte nun balón que se colaba pero apareceu unha prodixiosa man de Marcos Nieto para desvialo fora da portería.

A concellaría de deportes, xunto con Cáritas e Cruz Vermella, organizan a carreira solidaria do Arenteiro, que chega á súa VI edición, e que terá lugar o pròximo 28 de decembro, sobre un percorrido de 10 quilómetros polo municipio carballiñés.Na elaboración da ruta colaboran tamén o ximnasio Korpore e o Club de Atletismo Arenteiro. Pero o máis importante desta carreira é que cada corredor deberá achegar un quilo de produtos non perecedoiros, que logo serán repartidos tanto por cruz vermella como por caritas, entre as familias máis necesitas da bisbarra carballiñesa.

Establecéronse varias categorías, dende pitufos, nacidos entre 2011 ao 2013, ata veteranos. O que se pretende é que sexa o maior número de persoas as que participen nesta carreira, e sobre todo que todos acheguen a súa colaboración en produtos non perecedoiros xa que o obxectivo é que, unha vez máis, o mundo do deporte mostre a súa solidariedade cos que máis o necesitan.

Toda a información desta carreira se pode obter na páxina webwww.cronotec.es e en www.correrengalicia.org. Na primeira das páxinas tambien poderanse realizar as inscricións.

Club Deportivo Arenteiro e Porriño Industrial, que chegaba a Espiñedo como cuarto clasificado, empataron a un gol en partido correspondente á 14ª Xornada na liga de Preferente. Adiantaronse os visitantes no incio da segunda parte e empataou para os verdes Dani Vázquez no minuto 65.

CD. Arenteiro: Marcos Nieto, Gele, Diego López, Dani Arbo, Pana, Ocampo, Bardelás, Manu, Sanginés, Dani Vázquez e Marcos Sotelo. Tamén xogaron Lois, Quiroga, Alex Santiago e Canexón.

Goles:

0-1. Minuto 49. Centro sobre a área local de Claudio Giraldez e no segundo pau remata sen oposición Estefan, os locais reclamaron o posible fora de xogo.

1-1.Minuto 65. Saque de esquina que bota Marcos Sotelo, peina moi ben Dani Arbo e no segundo pau aparece Dani Vázquez para marcar á media volta.

O Partido: O Arenteiro foi claro dominador durante a primeira parte, cando dispuxo de varias ocasións para adiantarse no marcador, as máis claras por mediación de Manu e Marcos Sotelo, e no derradeiro minuto desta primeira parte nun cabezazo de Dani Vázquez que se foi fora por pouco, o empuxe local mantivo a raia ao Porriño Industrial, que apenas pasaba do medio campo e nas contadas veces que o fixo foi sen perigo. Trala reaunudación, cambeou o guión do partido, que pasou a ser dos visitantes, sobre todo o primeiro cuarto, aínda que progresivamente o Arenteiro foi recuperando terreo e logrou recuperar un punto. 

Un Arenteiro manifestamente superior ao seu rival non pudo pasar do empate na súa visita ao Morrazo, foi o partido das ocasións de gol non concretadas, os verdes gañaron un punto pero tal como se desenvolveu o partido tamén pode concluirse que se perderon dous. E tamén se perderán o próximo partido ante o Porriño Industrial os centrocampistas V. Gallego e Dafonte, que viron cartón amarelo e cumplirán ciclo.

CD. Arenteiro: Pachi, Ocampo (Lois, m. 73), D. López, C. Escudero, Pana, Dafonte (D.Arbo), V. Gallego, Bardelás (Brais, m.73), Gele, Dani Vázquez (Manu m.73) e M Sotelo.

Goles: 

1-0: Minuto 3. Erro da defensa do Arenteiro que non acerta a despexar un balón fácil e Aarón, de vaselina, bate a Pachi na súa saida.

1-1. Minuto 26. Córner golpeado por M. Sotelo e Ocampo, no segundo pau, de cabeza fai o empate.

O Partido: Por xogo e ocasións de gol  o Arenteiro fixo méritos para gañar este partido. Os locais, ademáis do gol tan so dispuxeron doutra oportunidade na primeira parte, mentres que o Arenteiro contou con ata oito ocasións para voltear o marcador, pero os balóns de Victor Gallego -por tres veces-, Escudero, Bardelás -que se foi o poste- , Marcos Sotelo, Arbo e Gele non encontraron portería . Ademáis das magníficas intervencións dos porteiro local, David, que salvou dous man a man con Dani Vázquez e Braís, con éste último por dúas veces, aínda que na última -xa no desconto- e nunha xogada na que o dianteiro verde caeu lesionado, os xogadores do Arenteiro reclamaron penalti. Un auténtico monólogo do Arenteiro que tivo pouca recompensa, un punto que sabe a moi pouco.

Os verdes lograron ante o Alertanavia vigués unha ampla victoria con goles de Dani Vázquez, Ocampo, Marcos Sotelo e Brais. A nota negativa do partido foi a lesión do xogador visitante Jonathan ao sufrir un golpe na cabeza nun percance do propio xogo, foi trasladado en ambulancia ao centro de urxencias de atención da Mutualidade de Futbolístas en Ourense, Semecor. Aínda que en ningún momento perdeu a conciencia, foi sometido a unha proba de TAC, agardamos a súa recuperación.

C.D.Arenteiro: Pachi, Gele, C. Escudero, Ocampo, Lois, Dafonte, Quiroga (Sanginés, m. 45), Victor Gallego (Dani Arbo, m. 73), Dani Vázquez (Manu, m. 65), Bardelás (Brais, m. 75), e Marcos Sotelo.

Goles:

1-0. Minuto 38. Centro chut de Diego Quiroga tras unha falta lateral e Dani Vázquez adiantase ao seu par para peinar o xusto ao fondo da portería.

2-0. Minuto 70. Córner medido de M. Sotelo sobre a portería visitante e expléndido testarazo de Ocampo.

3-0. Minuto 81. Marcos Sotelo, de falta directa, engancha un zurdazo que se cola por toda a escadra.

4-0. Minuto 88. Pase de M. Sotelo sobre Brais e éste, tras un fantástico movemento, anota a placer.

O Partido: O Arenteiro foi de menos a máis, nun partido que arrancaba frio e tedioso e remataba no último cuarto de hora en plan arrollador. Flouxa primeira parte de ambos equipos e boa segunda parte do Arenteiro, que tras unhos primeiros compases de xogo impreciso, logo se asentou no terreo de xogo dando lugar aos mellores minutos do partido e facendose merecedor desta segunda victoria consecutiva no campionato de liga, 3 puntos importantes ante un rival directo na loita pola permanencia.