Deportes

Seguramente que a maioria dos afeccionados que acudiron ao campo de Calabagueiros non houbesen extrañado que o Arenteiro gañase este partido, pero ás veces o fútbol é inxusto, e desta vez foino cos carballiñeses. Por xogo e ocasións, o Arenteiro non mereceu esta derrota. Os valdeorreses cobran asi ventaxa cara o partido de volta a xogar en Espiñedo o vindeiro dia 1 de Maio.

C. D. Arenteiro: Pachi, Prada, Carlos, Diego López, Óscar, Alex. V. Gallego, Bardeás, Quiroga, Martín e Manu. Tamén xogaron Breo, Caneiro, M. Sotelo e Canexón.

Goles:

1-0. Minuto 84. Marca o camerunés Steve Ekedi adiantandose á defensa do Arenteiro.

O Partido: Primeira parte equilibrada na que os carballiñeses poideron adiantarse nunha xogada na que Quiroga asiste a Martín que, tras gañarlle a posición ao seu par plantase ante o meta local, que envia a corner. Na reanudación, o Arenteiro minimizou ao equipo da preferente, os carballiñeses superaron aos locais e gozaron de boas ocasións para marcar, a máis clara un trallazo de M. Sotelo que se foi á cruceta.  Na recta final do partido, cando máis e mellor xogaba o Arenteiro, chegou o gol local, practicamente na única oportunidade da que dispuxeron. Asi é o fútbol.

A S.D. Nogueira de Ramuín acabou coa prolongada racha de partidos consecutivos sen perder dos verdes. Tras 25 xornadas invictos na competición da 1ª autonómica o Arenteiro perdeu ante o peor rival posible nun partido no que Espiñedo volveu rexistrar un gran ambiente de afeccionados.

C.D. Arenteiro: Pachi, Carlos ( Canexón ), Oscar, Diego López, Dabarca, Tomás ( Martín ), Manu, V. Gallego, D. Quiroga, Bardelás ( Oli ) e Prada ( M. Sotelo ).

Goles:

0-1. Minuto 3. Fantástico pase de Bruno para Guille, que supera a defensa do Arenteiro e chuta cruzado fora do alcance de Pachi.

O Partido: Outra xornada máis non pode negarselle coraxe e pundonor a este Arenteiro, pero o gol volvía ser a asignatura pendiente dos verdes. O Nogueira, que se encontrou cun gol no inicio do partido soubo nadar e gardar a roupa, levandose 3 puntos de ouro para encarar a recta final de liga.

A errática definición ante a portería rival privou ao Arenteiro dunha victoria no campo do Polígono San Cibrao. Ata oito claras ocasións de gol, incluido un balón ao poste e outro ao longueiro, tiveron os verdes para gañar un partido no que fixeron méritos para bastante máis que un empate.

C.D. Arenteiro: Pachi, Prada, Lois, Diego López, Dabarca, Alex, Manu, V. Gallego, D. Quiroga, Bardelás e Oscar. Tamén xogaron Martín e Canexón.

Goles:

1-0. Minuto 11. Corner sobre a portería de Pachi, despiste na defensa do Arenteiro e Canal, libre de marcaxe no segundo pau, remata a placer.

1-1. Minuto 46. Victor Gallego, cabecea un balón que non atrapa o porteiro local.

O Partido: Desta vez sí que mereceu moito máis o Arenteiro, que foi dominador absoluto do partido de principio a fin, pero perdonou en exceso ante a portería defendida por Alberto. Xa na primeira parte, antes e despois do gol dos locais, o Arenteiro pudo marcar pero tanto Quiroga como Manu, que enviou o balón ao longueiro co meta local xa batido, non tiveron a súa tarde. Tras o descanso, o dominio do Arenteiro aínda foi maior, cos verdes envorcados en busca do gol da victoria, que non quixo chegar, e eso que Martín por dúas veces de cabeza -unha delas ao poste- e Victor Gallego e Alex tiveron ocasións inmellorables para voltear o marcador. 

Club Deportivo Arenteiro non conseguíu pasar do empate no partido correspondente á 28ª xornada de liga na 1ª autonómica xogado no Estadio de Espiñedo nunha tarde invernal, de moita choiva e pouco fútbol.

C.D. Arenteiro: Pachi, Carlos ( Prada m. 14 ), Oscar, Diego López, Dabarca, Alex, M. stelo ( Canexón m. 66 ), V. Gallego ( Omar, m. 80 ), D. Quiroga, Manu e Martín ( Bardelás, m. 62 ).

Goles: 

1-0. Minuto 65. Manu pelexa un balón rexeitado pola cobertura visitante ao borde da área grande, encara con decisión ao seu marcador e tras canealo e cun tiro preciso bate a portería do Barbadás.

1-1. Minuto 83. Vilachá, tras un rexeite de Pachi. O xogador do Barbadás, sen oposición, so ten que empurrar o balón.

O Partido: Tras o letargo inicial do Arenteiro, que tirou os primeiros 20 minutos de partido, os verdes protagonizaban un carrusel de aproximacións á portería do Barbadás, pero sen resolución cara o gol. Tras o descanso, o xogo do Arenteiro era un querer e non poder ata que chegou o gol de Manu no m. 65, tres minutos despois perdoaba V. Gallego a sentencia e a partir de ahí, incomprensiblemente, o Arenteiro foise do partido, propiciando as ocasións do Barbadás ata que chegou o empate, resultado xusto visto o cómputo dos 90 minutos.

A competición celebrouse este venres en Budapest, a capital de Hungria. Chema Ferreiro competía cos mellores do mundo na categoria de maiores de 60 anos, na modalidade de 200 metros lisos.

O atleta carballiñés acadou o posto 24 neste campionato do mundo,cun tempo de 30 segundos. Foi o segundo mellor atleta español nesta competición. Ferreiro lucíu na súa vestimenta a "Octavio",o logotipo da festa do polbo do Carballiño.

Os verdes suman, con esta, 23 xornadas de liga sen perder, aínda que desta vez desperdiciaron dous puntos no partido xogado esta tarde no campo da Regueiriña, que rexistrou a mellor entrada da tempada, con numerosos afeccionados do Arenteiro.

C.D. Arenteiro: Perdiz, Carlos, Oscar, Diego López, Dabarca, Álex ( Omar, m. 83), M. Sotelo ( Canexón, m. 66 ), Martín, Quiroga, Bardelás ( Manu m.52 ) e Prada ( Tomás, m. 83 )

At. Barbantes: Samuel, Roki, César, Diego Viñas, Chino, Rubén, Mellado, Bomi, Alén, Toni e Bulicas. Tamén xogaron Miguel, Bruno, Pablo e Fredi.

O Partido: O Arenteiro foi o dominador absoluto do partido pero non soupo resolver nos metros finais onde chocou unha e outra vez coa solidez defensiva do equipo local que, sobre todo a partir de quedarse con 10 tras a expulsión de Rubén por doble amarela no m. 34, concedeu o mando do partido ao Arenteiro, un mando que non lle servíu de moito porque os carballiñeses non tiveron a súa tarde, polo que o reparto de puntos pode considerarse xusto. A nota maís negativa para o Arenteiro foi a lesión de Bardelás, que tivo que retirarse do partido tras unha desproporcionada entrada do local Diego Viñas. 

Os carballiñeses siguen incrementando o número de partidos imbatidos nesta liga, son xa 22, tras gañarlle ao Club Deportivo Velle no Estadio de Espiñedo, que rexistrou unha excelente entrada de afeccionados.

C.D. Arenteiro:Pachi, Carlos, Oscar, Diego López, Lois, Alex, Marcos Sotelo ( Maartín ), Victor Gallego, Diego Quiroga ( Alex Santiago ), Bardelás ( Omar ) e Prada (Manu ). 

Goles:

1-0. Minuto 9. Triangulación perfecta dos verdes, Bardelás cede o balón  a Marcos Sotelo e éste centra medido á cabeza de Victor Gallego, que marca.

1-1. Minuto 24. Tras unha xogada sen aparente perigo, o centrais do Arenteiro cometen un exceso de confianza e Soso aproveita para empatar.

2-1. Minuto 58. Xogada pola banda esquerda cun bo centro de Diego Quiroga e un gran remate raso de Walter Martín.

O Partido: As oportunidades de gol fallidas poideron pasarlle factura ao líder, non obstante o empuxe final do Velle no tempo de desconto -7 minutos prolongou o árbitro o partido-non chegou a concretarse en ningunha ocasión clara. Asi e todo, o mellor da tarde foron os 3 puntos, xa que o Arenteiro estivo por debaixo das súas posiblidades.

Os verdes consiguen gañar por fin un partido no José Arjiz, desta vez ante un equipo como é o actúal Verín plagado de ex-xogadores de terceira e preferente, pero está visto que a actitud coa que o Arenteiro encara os partidos nesta liga sigue dándolle un enorme resultado.

C.D. Arenteiro: Pachi, Carlos, Diego López, Lois, Dabarca, Alex, Victor Gallego, Bardelás, Marcos Sotelo, Quiroga e Prada. Tamén xogaron Martín, Omar, Oscar e Manu.

Goles:

0-1. Minuto. Xogada que inician Victor Gallego e Carlos, e que culmina cun encaixe de bolillos Marcos Sotelo cun zurdazo inalcanzable para o meta local Piollo.

O Partido: Verín e Arenteiro sairon con moito respecto mútuo, ofrecendo unha primeira parte moi igualada e sen apenas ocasións de gol. Tralo descanso, os carballiñeses estiveron máis frescos que o seu rival, e tras marcar o gol, souberon nadar e gardar a roupa, de feito Pachi non pasou por ningún apuro, o Verín tan so o intentaba a balón parado mentres que o Arenteiro volvía mostrarse como un bloque sólido e solvente que lle dan unha victoria que deixa ao Verín a 11 puntos dos carballliñeses.

O líder derrotou por 4-2 ao equipo de Xinzo de Limia no estadio de Espiñedo, desta maneira C.D. Arenteiro suma 20 partidos de liga imbatido na competición da primeira autonómica, na que sigue líder. Os carballiñeses non perden un partido dende o 22 de Setembro de 2013.

C.D.Arenteiro: Perdiz, Carlos, Diego López, Lois, Dabarca, Omar, Alex, Victor Gallego, Marcos Sotelo, Diego Quiroga e Prada. Tamén xogaron Manu e Óscar.

Goles:

1-0. Minuto 21. Centro de Dabarca e gol en propia meta dun defensor visitante.

1-1. Minuto 25.Na primeira aproximación do Boado, córner sobre a portería de Perdiz que cabecea Antón.

2-1. Minuto 35. Xogada de Quiroga, que envia o balón á área pequena onde un xogador do Boado golpea sobre a súa propia portería.

3-1. Minuto 61. Diego Quiroga aproveita un rexeitamento do meta visitante, que non atrapa un latigazo de Marcos Sotelo.

4-1. Minuto 68. Álex sirve un balón perfecto sobre Victor Gallego, que tras ganarlle as costas á defensa resolve cun toque sutil fora do alcalce do meta do Boado.

4-2:. Minuto 89. Perdiz complicase a vida, regalandolle o balón a Vila, que marca a placer.

O Partido: O Arenteiro, que comezou cun dominio aplastante, rematou por contaxiarse da indolencia do Boado. Os da limia non chegaron a inquietar en ningún momento a pesar de encontrarse cun empate sen querelo aos 25 minutos de partido. Antes e despois, os carballiñeses desperdiciaron numerosas ocasións para ampliar diferencias no marcador, ainda que sen a intensidade de anteriores partidos.

Os verdes conseguiron un meritorio punto no campo de Oira nun partido no que o trio árbitral foi o protagonista negativo. Permitiron o xogo extremadamente duro dos pontinos, escamotearon un penalti de libro sobre Bardelás e anularon un gol legal ao Arenteiro. Por si fora pouco, na xogada do gol do Ponte Ourense, a asistente  párase e levanta a bandeirola, logo bota a correr e concede validez o tanto, que sube ao marcador.

C.D. Arenteiro: Pachi, Carlos, Diego López, Lois, Dabarca, Alex, M. Sotelo, V. Gallego, Manu, Bardelás e Prada. Tamén xogaron Óscar, Omar, Álex Santiago e Fran.

Goles:

1-0. Minuto 72. Xogada polémica, a asistente levanta a bandeirola pero logo permite a continuidade da xogada, a dianteira do Ponte toma ventaxa e Ivo remata a placer.

2-0. Minuto 80. Centro de Carlos e cabezazo de Victor Gallego, como mandan os canones, ao estilo Carlos Santillana.

O Partido: Condicionado pola desafortunada labor do árbitro ourensano Iago Grande e os seus asistentes. Na primeira parte privaron ao Arenteiro de adiantarse no marcador cos seus graves erros. Na segunda metade permitiron o continuo carrusel de faltas dos locais, sen apenas penalización, o Ponte fíxose co control do partido e puxo en apuros a portería de Pachi, ata que o gol de Victor Gallego fixo xustiza no marcador.