Con este acto o concello de Maside celebrado no mediodia deste martes de entroido ás portas do consistorio, a institución municipal quixo recoñecer a gran aportación que cada ano fan estas agrupacións na animación do entroido masidao e mesmo levando o nome de Maside a outros entroidos da comarca e provincia.

Un pequena representación das comparsas "Os Silleiros", "Os Azucarados de Maside", "Os Arrieiriños de Dacón" e "Os Felós" recibiron dos responsables municipais un agasallo en forma de axuda económica por importe de 150 euros a cada unha das catro comparsas.

Esta terceira onda da pandemia do coronavirus continúa desacelerando no Carballiño, tanto na incidencia acumulada que reflicte a aparición de novos positivos como no indicador de contaxios activos, que hoxe son 12 menos que onte, polo que a cifra actualizada baixa a 65 pesoas, as que están pasando a enfermidade no Carballiño.

Baixan tamén os contaxios activos en Cea, que se queda con 11, Maside con 10 e Boborás con 8. Non hai variacións no resto dos municipios, que maneñen os seguintes casos activos: Punxín (5) San Amaro (1) O Irixo (1) Piñor (1) e Beariz (0)

Espazo Común reproba o feito de que o alcalde do Carballiño filtrase a un xornal provincial un avance do proxecto de orzamento municipal para ete ano 2021 e para elo acuden á hemeróteca, cando afirman que "corría o ano 2012 no Carballiño, Argimiro Marnotes do PP era alcalde con maioría absoluta dende había un ano e avanzaban os meses sen ter novas sobre orzamentos para ese mesmo exercizo. Ata que un día de maio apareceron, sen previo aviso, numerosos detalles da proposta en varios medios de comunicación. O PSOE daquela na oposición, enterouse así das liñas xerais dun dos documentos máis importantes, se non o máis, para o funcionamento dun concello.A reacción de Fumega, daquela xefe da oposición non se fixo agardar e remitiu un comunicado atacando duramente a actitude de Marnotes", aseguran.

Continúa ESCO aseverando que "dicía no mesmo que por primeira vez en moitos anos, se daban a coñecer antes os orzamentos á prensa que á oposición, o que consideraba unha desfachatez e unha falla de respecto. Engadía que ven demostrando dende o principio do seu mandato que, polo feito de ter maioría absoluta, pensa que ten patente de corso para facer e desfacer ao seu antoxo e saltarse os cauces mínimos de normalidade insitucional”.

Relatan ademáis como "o comunicado remitido aos medios remataba criticando as tentativas do alcalde de subirse o soldo, as mentiras, os catro meses que leva sen respostar ás preguntas feitas pola oposición en pleno e, coma guinda, dous soldos para dous concelleiros do seu grupo que pagamos todos co encarecemento da contribución”. Os excompañeiros de Fumega daquéla no PSOE e agora en Espazo Común consideran que Fumega "é un exemplo demasiado evidente daquela máxima de fai o que eu digo pero non o que eu fago".

Todo este relato faise dende Espazo Común tras encontrarse no xornal "La Región" detalles específicos dos orzamentos para 2021, sen que a dia de hoxe teñan recibido ningún tipo de información ou adianto do borrador de orzamento elabarado polo grupo de goberno socialista. Despóis de acusar ao alcaldde de “cínico” e “dono dunha dobre moral que fai moito dano a este pobo”, cualifican de "lamentable o seu comportamento cos orzamentos, incumpre a súa propia palabra de facilitarnolos con 20 días de antelación para ter tempo de analizalos e poder así facer propostas".

Finalmente manifestan que "a suba de soldo do alcalde, das mentiras, dos 22 meses sen repostar ás preguntas en pleno e dos catro concelleiros con soldo pagados coa suba do IBI xa non fai falla nin falar. A crúa realidade é que hai máis mentiras en calquer frase ou acción de Fumega que en tódalas películas de Pinocho xuntas", remarcan.

A incidencia acumulada aos últimos 14 dias sigue baixando no Carballiño, con 73 positivos diagnosticados neste periodo de tempo no municipio. Tamén se manifesta esta tendencia nos casos activos, que tamén están á baixa, hoxe son 77 contaxios activos os que se notifican para o concello do Carballiño por parte de Sanidade.

Tamén baixa un contaxio activo Boborás, que se queda on 9. E hai hoxe repetición de datos en relación a onte no resto de municipios: Maside (13) Cea (12) Punxín (5) Piñor (1) O Irixo (1) San Amaro (1) Beariz (0)

Era un partido no que se xogaban algo máis de 3 puntos, xa que se enfrontaba o primeiro -Arenteiro- co terceiro -Alondras- cunha diferencia de 6 puntos na clasificación, de gañar o Alondrás quedaría a 3 e un partido menos, agora a distancia pasa a ser de 9 puntos a favor do Arenteiro máis o golaverage.

Por eso foi un golpe sobre a mesa do Arenteiro, e pecha con nota unha semana moi esixente de tres partidos ante Estradende, Arousa e Alondras, cun balance final de dúas victorias e un empate.

E por diante, seis partidos -incluído o adiado co Ourense CF- para rematar a primeira fase do campionato de liga na terceira división. No partido xogado esta tarde no campo do Morrazo o Arenteiro deixouno pronto encarrilado, xa que aos 8 minutos Victor Eimil pisou área local e aproveitou un pase de Naveira para marcar o 0-1, aos 16 minutos chegaría o segundo gol dos verdes, obra de Sylla ao cazar na área pequena un balón que lle servíu de cabeza Joni. E asi ao descanso.

Na segunda parte o Arenteiro defendeu ban o resultado sen pasar por apuros, deixando pasar os minutos, xa no tempo de tempo de desconto -minuto 93- o Alondras aproveitou o único fallo defensivo do Arenteiro para marcar o seu gol. Pero xa sen tempo para máis que ver como os 3 puntos eran para o equipo carballiñés, tras o 1-2 que sinalaba o marcador final no campo do Morrazo.

Para ver a ficha do partido sigue a ligazón: http://www.futgal.es/pnfg/NPcd/NFG_CmpPartido?cod_primaria=1000120&CodAc...

A incidencia acumulada (IA) a 14 dias continúa a evolución á baixa, e acumula hoxe domingo 79 novos positivos neste periodo de tempo, tamén continúa o descenso dos contaxios activos que se quedan en 81 casos no Carballiño, catro menos que onte.

No resto dos municipios da comarca a última actualización de datos deixanos os seguintes contaxios activos: Maside (13) Cea (12) Boborás (10) Punxín (5) San Amaro (1) O Irixo (1) Piñor (1) Beariz (0)

Os centros educativos da comarca completan a semana previa ás vacacións entroido con 20 casos positivos, deles 9 no IES Chamoso Lamas do Carballiño.

O resto de centros que continúan notificando contaxios de coronavirus son: IES nº 1 (4) CPR Vila do Arenteiro (3) CEIP Calvo Sotelo (1) CEIP O Irixo (1). Finalmente, con 5 casos figura nesta relación o CIP Terras de Maside, que ademáis mantén unha aula pechada.

O Carballiño rexistra este sábado dia 13 de Febreiro a maior baixada tanto de incidencia acumulada (IA) a 14 dias como tamén no número de contaxios activos, no primeiro indicador baixa dos 92 casos aos 81, a maior caída nun dia nesta terceira onda da pandemia en canto aos novos positivos no intervalo dos últimos 14 dias. Esta tendencia tamén se manifesta nos contaxios activos, que baixan no Carballiño dos 92 de onte ao 85 que rexistra hoxe.

Nos demáis concellos da comarca tamén se manifesta esta mesma tendencia nos casos de coronavirus, trala actualización de datos deste sábado, os contaxios activos en cada concello son os seguintes: Maside (16) Cea (12) Boborás (11) Punxin (5) Piñor (1) O Irixo (1) San Amaro (1) Beariz (0)