Deportes

A punto estivo de complicarse a vida o Arenteiro no partido matinal xogado no campo de Oira, e que xa gañaban os carballiñeses ao descanso por 0-2. Non obstante, as xogadas a balón parado deron vida aos locais que, aínda xogando a maior parte do partido en inferioridade numérica, chegaron a empatar a 3 goles.

Prada adiantou aos carballiñeses ao aproveitar un rexeitamento do porteiro local cando se completaba o primeiro cuarto de partido. Á media hora, o árbitro -que estivo rematadamente mal durante todo o partido perxudicando por igual a ambos equipos-  deixou aos locais con 10 xogadores. Curiosamente, a expulsión expoleou ao Ponte Ourense, atá ese momento superado polo Arenteiro, que curiosamente malia quedarse con superioridade numérica no campo, comezou a ceder terreo en favor dos locais.

Xa a piques de rematar a primeira parte, claro penalti sobre o dianteiro carballiñés Cancelas, que transformaría Igleisas.  Outro penalti, esta vez na área do Arenteiro, e dúas xogadas a balón parado  farían cambiar o rumbo do partido . Sen embargo, o Arenteiro  volvería ampliar o resultado ao seu favor co saque dun corner que Iglesias cabecea ao fondo da portería local. E apenas en 10 minutos, o Ponte Ourense empataba o partido. Ambas xogadas foron calcadas, falta do Arenteiro preto da área grande, e por duas veces balón que salva a barreira carballiñesa e cólase polo pau que cubría o porteiro Samuel.

Quedaba aínda moito partido e cando o nerviosismo parecía apoderarse dos carballiñeses, afortunadamente aparecía Pana en misión ofensiva, conectaba un zurdazo que siñificaría o gol da victoria para o Arenteiro. O marcador xa non se movería aínda que algunha ocasión máis terían os carballiñeses paa ampliar a súa renda.

3 puntos de ouro para o Arenteiro que chegan líder á última xornada ante o Barbadás B, con posiblidades de proclamarse campión e conseguir o ascenso á preferente.

Plácido partido do Arenteiro, que dominou de principio a fin, cómodo triunfo dos carballiñeses que neste sprint final da liga dan un paso adiante para lograr o ascenso, mentres que para os masidaos a derrota en Espiñedo complica as súas aspiracións para manterse na categoria.

Lonxe dos clásicos partidos de rivalidade Arenteiro-Maside, nos que case sempre dominaba a igualdade, nesta ocasión o Arenteiro foi amo e señor no terreo de xogo, froito da superioridade física e táctica que demostraron os carballiñeses.

Aos 5 minutos de partido chegaba o primeiro gol do Arenteiro, ao aproveitarse Iglesias dun rexeitamento do porteiro visitante, que non foi capaz de atrapar o balón e propiciou que o dianteiro carballiñés se aproveitase da circustancia. Aos 36 minutos, outra vez Iglesias, recibe un balón ante a pasividade da defensa masidá e envia mansamente ao fondo da portería. Unhos minutos antes o árbitro anulou un gol ao Maside por fora de xogo. O terceiro gol do Arenteiro chegou no minuto 38 de partido, tras unha gran xogada persoal de Cancelas pola dereita que envia a Kennedy e éste marca a placer no segundo pau.

Na reaunudación, no minuto 48 de partido,  lograba o seu gol o Maside, que parecía meterse asi no partido. Non obstante, resultou ser un espellismo porque aos 53 minutos Kennedy cun tiro raso desde o borde da área poñía o 4-1 no marcador, resultado que xa sería definitivo, aínda que o Arenteiro tería varias ocasións no resto do partido para incrementar a súa ventaxa.

Tras esta victoria ante o Maside e a derrota do Nogueira de Ramuín en Ramirás, o Arenteiro aupase ao liderato da clasificación a tan so dous partidos para rematar o campionato. Eso si, Covadonga e Allariz non aflouxan e resolveron ao seu favor os seus respectivos partidos, asi que igual que o Nogueira de Ramuín situanse os tres equipos a 2 puntos do Arenteiro, que ten por diante duas auténticas finais, a primeira a vindeira fin de semana en Oira ante a Ponte e no derradeiro partido de liga en Espiñedo ante o Barbadás B.

Os carballiñeses resolveron sen problemas a súa vistia ao campo do colista da categoria, e con goles de Iglesias, Tacón e Cancelas conseguiron unha victoria vital cara o obxetivo do ascenso de categoria.

O partido puxose moi pronto de cara para o Arenteiro, malia que as primeiras xogadas  de perigo foron ante a portería carballiñesa, logo chegaría o primeiro gol para os verdes. Foi nunha xogada de Kenndy que tras irse pola banda de dous contrarios puxo o balón á area pequena, alí tras dous rexeitamentos Iglesias conseguía enviar ao fondo da rede. E tampouco tardou en chegar o segundo gol carballiñés, no minuto 20 de partido, Tacón engancha desde preto da área unha volea sen que o balón tocase no solo, logrando un bonito gol.

Apenas comezar a segunda parte, outra xogada de Kennedy pola banda esquerda  da portería do AT. Vilariño,  o seu centro é rematado no segundo pau por Cancelas, subindo o 0-3 ano marcador do campo do Medo. No minuto 24 desta segunda parte marcaba o seu gol o AT. Vilariño. Despois, os locais aínda enviarían un balón ao longueiro da porteria defendida por Pachi, aínda que en ningún momento a victoria carballiñesa correu perigo. Kennedy e Bardelás tiveron inmellorables ocasións de ampliar a renta carballiñesa no marcador, pero fallaron ante a portería local.

Partido entretido e xogado con bastante intensidade por ambos equipos, sobre todo na primeira parte. Con esta nova victoria, o C.D. Arenteiro suma 3 puntos que o manteñen na segunda posición da clasficicación, agora a un so punto do líder Nogueira que non pasou do empate coa Velenzá. Non obstante, as victorias de Covadonga  e Allariz, que saldaron con éxito os seus respectivos partidos, obrigan ao Arenteiro a non fallar nos próximos partidos,  o máis inmediato, o domingo que ven en Espiñedo ante o Maside.

O mellor do partido foi o resultado favorable, que de novo sitúa ao Arenteiro na senda das victorias, un gol en cada periodo que dan aos carballiñeses 3 puntos vitais na loita polo ascenso.

E cando decimos que o mellor ante o C.D.Velle foi o 2-0, tamén estamos concluindo que o Arenteiro volveu  a xogar un partido moi gris ante a súa afección, que en bó número volveu acudir a Espiñedo nunha tarde de ambiente invernal, cunha temperatura de apenas 7 graos.

A media hora de partido, e tras varios rexeitamentos sobre a portaría do C.D. Velle, Cancelas acertou a enviar o balón dentro da portería, abrindo o camiño da victoria carballiñesa, nunha primeira parte dominada polos carballiñeses aínda que sin grandes agobios para o porteiro visitante.

No segundo periodo o C.D. Velle foise para arriba en búsqueda do empate, dominando o partido, e cando mellor estaban xogando e máis dificultades tiña o Arenteiro para sacudirse do dominio visitante, chegaría o segundo local por medio de Iglesias, tras unha xogada na que o banquiño e os xogadores do C.D. Velle reclamaron ao árbitro que non pitase unha falta anterior, a xogada continuou e Iglesias colou o balón ao fondo da portería visitante cando xa transcorría o minuto 65 de partido.

Con esta victoria, os carballiñeses conservan a 2ª posición na táboa clasificatoria, aínda que por detrás a tan só 2 puntos Covadonga e Allariz siguen metendo presión, tras as súas respectivas victorias nesta xornada, mentres que o líder Nogueira -que perdeu precisamente có Covadonga- queda agora a 3 puntos dos carballiñeses.

Nogueira de Ramuín e Arenteiro volveron repetir o resultado da primeira volta, en 180 minutos de xogo non foron capaces de marcar un gol válido. E incidimos no de válido porque o Arenteiro sí conseguíu esta tarde marcar un gol no minuto 80 de partido por medio de Alén, pero o árbitrou anulouno por suposto fora de xogo, privando ao Arenteiro dunha probable victoria.

O Arenteiro levou desde o principio o peso do partido, a disposición táctica dos carballiñeses desquiciou ao Nogueira, a pesar de comezar o partido os carballiñeses atá con 5 ausencias de xogadores habituais no equipo titular: César, Pablo, e Iglesias que non podían estar, e Marcos Sotelo e Alén no banquiño. Asi e todo, o Arenteiro fixo hoxe unha demostración de poderío físico, de ambición e de estilo, e só a falta de pegada -outra semana máis- condenou ao Arenteiro a un empate que, visto o visto no campo, sabe a pouco, se algún equipo mereceu gañar hoxe no campo da Tella foi o Arenteiro. O Nogueira tan só inquietou en dúas ocasións ao final da primeira parte.

Terceiro empate consecutivo do Arenteiro, 3 puntos de 9 posibles na últimas tres xornadas, fan que os carballiñeses cheguen á recta final do campionato sen apenas marxe de erro. Tralo empate no campo do líder, conserva a 2ª posición na clasificación, a tan só 2 puntos de Covadonga e Allariz, e a 3 do Ramirás.

A falta de definición dos dianteiros locais e as boas intervecións do cancerbeiro visitante condicionaron un partido que o Arenteiro debeu deixar sentenciado  no primeiro tempo, e que ao final incluso pudo perder cando A Peroxa desperdiciou no tempo de desconto a ocasión más clara das que dispuxo.durante todo o partido.

Aos 8 minutos, Gele recibe libre de marca un balón dentro da área e  coloca zurda  o balón no fondo da portería da Peroxa. Ata o final da primeira parte sucederíanse as mellores ocasións do Arenteiro para ampliar a renta no marcador, asi nos minutos 16 e 20 primeiro Alén e despois Gele protagonizan sendos remates que repelía o meta visitante, moi inspirado nesta primeira parta, con outras dúas extraordinarias intervencións aos 40 e 42 minutos, evitando goles que xa se cantaban na grada.

Tras o descanso todo cambeou e a pior, o Arenteiro -que fixera unha moi boa primeira parte- volveu ao tono gris de outras tardes e perdeu ese caudal atacante que o caracterizou durante os primeiros 45 minutos, o baixón foi aínda maior cando se tivo que retirar do campo Cancelas. E disque no fútbol quen perdoa acabao pagando, asi que a máxima cumpliuse cando no minuto 68 A Peroxa facía o seu gol nun dos dous tiros entre os tres paus durante todo o partido. Quedaba aínda tempo, de feito o Arenteiro aínda tería varias aproximacións á portería rival, pero foron eso, maís aproximacións que ocasións manifestas de gol.

Oportunidade perdida para o Arenteiro de afinazarse no segundo posto na clasificación tras a derrota do Ramirás co Covadonga. Quen non fallou foi o C.D. Allariz , que tras sumar unha nova victoria situase, igual que o Ramirás, a  2 puntos dos carballiñeses. E o próximo donningo o Arenteiro xoga no campo do líder Nogueira de Ramuín, un partido que pode resultar clave para as aspiracións carballiñesas..

O Arenteiro empatou en Ramirás no tempo de desconto un partido que comezou gañando e que despois chegou a ir pendendo por 3-1. Ao final, o fútbol foi xusto e os carballiñeses regresan cun valioso punto conseguido un campo moi dificil, e ante un rival directo na clasificación.

Partido emocionante para o espectador, tal como foi desenvolvendose no marcador. O Arenteiro adiantouse no marcador cun gol de Iglesias e asi rematou a primeira parte, con ventaxa carballiñesa. No primeiro periodo, e incluso nos primeiros compases da segunda o Arenteiro xogou máis e mellor que o seu rival, e incluso tivo algunha ocasión para ampliar a súa renta no marcador, pero todo cambeo tralo primeiro cuarto da segunda parte. O árbitro deixa ao Arenteiro con 10 xogadores ao expulsar con doble amarela a Prada, aos poucos minutos chegaría o gol do empate do Ramirás nunha volea sobre a portería de Pachi, éste quedase como unha estatua e o Ramirás atópase cun empate que non merecía ata eses momentos. O gol deu alas aos locais e desconcertou por completo aos carballiñeses, sobre todo en defensa, tal foi asi que en duas chegadas do Ramirás á área carballiñeses chegarían o segundo e terceiro gol do equipo local, e asi pasamos do 0-1 ao 3-1 en pleno descorcento do equipo de Dacosta.

Todo parecía perdido, e tamén que o resultado fose demasiádo premio para os locais, cando Gele acortou distancias para o Arenteiro. Os carballiñeses volvían meterse no partido e xa no tempo de desconto aparecia providencial Kennedy para empatar o partido. Xa non había tempo para máis.  

Un gol de Marcos Sotelo no minuto 90 decidiu para o Arenteiro un partido ante a S.D. Valenzá, cando xa parecía que o marcador sería inamovible, o dianteiro ourensano do Arenteiro conectou un zurdazo desde o borde da área e aínda que o porteiro visitante chegou a tocar o balón, éste foise o fondo da rede.

Asi, cun golpe de fortuna co tempo xa cumplido, o Arenteiro conseguia que os 3 puntos se quedasen en Espiñedo, algo que antes non pudera lograr durante 90 minutos de partido. Os locais volveron xogar un partido moi gris, e cando a afección -que en bó número volveo acudir a Espiñedo- se resignaba co empate do Arenteiro, polo menos de esta vez tería a súa recompensa tras outro partido no que o tedio futbolístico foi indo a máis conforme pasaban os minutos.

Unicamente a incertidume no marcador fixo que o interés da afección se mantivese ata o final. Asi e todo, si algún equipo dispuxo de oportunidades para desequilibrar o marcador foi o Arenteiro. Na primeira parte, por dúas veces, nos minutos 17 e 36, Iglesias gañaba a posición sobre a defensa da S.D. Valenzá, e nas dúas ocasións mandaba o balón fora de portería. Xa no segundo periodo, aos 5 minutos era tamén Iglesias quen cabeceaba ao segundo pau un balón que era medio gol pero o que Prada non conseguíu chegar.

O Arenteiro volveu desperdiciar outra oportunidade de afianzarse no segundo posto da clasificación, ao non pasar do empate sin goles no partido xogado no campo de Oira ante a A.D. Covadonga. O equipo de Eiroás, moi mermado, tan so contaba cun xogador no banquiño para posibles cámbeos, non so plantou cara aos carbaliiñeses, senón que incluso tiveron as súas ocasións para gañar o partido.

Tamén é certo que pudo facélo o Arenteiro, se aproveitase as súas oportunidades, sobre todo unha moi clara aos 30 minutos da primeira parte, tras unha boa combinación da dianteira carballiñesa, Alén puxo un balón a media altura sobrre a portería local e xa co porteiro batido, Iglesias non pudo cabecear por moi pouquiño. No segundo periodo, aos 10 minutos e ao sace dun córner, Kennedy conectou un cabezazo que se foi fora por moi  pouco. Xa no tempo de desconto Alén controlou un balón na área pero o seu disparo saíu demasiádo cruzado e foise fora. Antes, o meta Pachi evitou coa súa intervención que a A.D. Covadonga se adiantase no marcador tras unha xogada de Roberto Dacosta.

Ningún dos dous equipos foi capaz de facerse co control do partido, nin co peso do xogo, polo que o reparto de puntos pode considerarse bastante xusto. Con este resultado, o Arenteiro so logra sumar un punto, mentres que o Ramirás -tras a súa victoria ante o Maceda- situase a 1 punto do Arenteiro e amenaza a segunda posición na clasificación que sigue sendo de momento para os carballiñeses. O líder Nogueira, que tamén gañou, amplia a diferencia con respecto ao Arenteiro en 7 puntos.

Unha primeira parte na que o equipo amosou unha total indolencia, e unha segunda na que os carballiñeses careceron de resolución ante a portería rival, condenaron ao Arenteiro. Os de Taboadela teñen a medida collida a este Arenteiro, se na primeira volta da liga derrotaron aos carballiñes por 3-0, hoxe volveron gañarlle en Espiñedo, desta vez 1-2.

Igual que en partidos anteriores, o Arenteiro volveu ser un equipo cun xogo deslabazado, sen un esquema de xogo definido a estas alturas da liga, e asi é complicado gañar os partidos se non tes a fortuna que sí tivo en anteriores partidos pero que lle faltou hoxe.  O primeiro periodo volveu ser un cúmulo de despropósitos por parte dos verdes, o Arenteiro exercía unha presión que en ningún momento chegou a ser efectiva, pola contra a U.P. Taboadela aprobeitaba para adiantarse no marcador cun balón á escadra da portería carballiñesa inalcanzable para Pachi. Aínda terían os visitantes unha clara oportunidade de incrementar a súa ventaxa no marcador, nun balón que Pachi regalou a un atacante visitante, pero apareceu providencial  Carlos Escudero para enviar a córner.

Na reanudación, a U.P. Taboadela seguíu plantexando o partido ao contragolpe, mentres os carballiñeses trataban de asediar a portería visitante, non obstante sería a U.P. Taboadela quen conseguía marcar o 0-2 noutro bonito gol do seu dianteiro Camba. O Arenteiro lograba meterse no partido a 10 minutos do final ao cabecear Alén un centro desde a dereita, no tramo final o Arenteiro seguíu a intentalo, pero unhas veces a ansiedade dos xogadores locais e nun par de ocasións as intervencións do meta visitante, condenaron aos carballiñeses a unha derrota que é un paso atrás na súa loita pola ascenso.