Deportes

Desde logo non poderán queixarse os preto de 3.000 afeccionados que se deron cita no estadio Abanca Balaídos para ver un Celta Fortuna-Arenteiro que non defraudou, con sete goles e deles 6 en apenas 20 minutos, os primeiros da segunda parte e un emocionante final no que o Arenteiro acariñou o empate.

A afección do Arenteiro, desprazada en gran número ata Vigo, volveu mostrar o seu enfado pola arbitraxe, que volveu protagonizar polémicas decisións, como un claro penalti sobre Miku non pitado na primeira parte co 1-0 no marcador.

Video resumen do partido na Televisión de Galciia:

https://www.g24.gal/-/o-celta-fortuna-sae-ganando-nun-derbi-de-tolos-en-...

Crónica do partido en El Desmarque:

https://www.eldesmarque.com/futbol/celta-de-vigo/20230924/el-celta-fortu...

Cronica do partido en La Voz de Galicia: 

https://www.lavozdegalicia.es/noticia/gradario/2023/09/25/celta-b-sobrev...

Os verdes, que nunca baixaron os brazos, acabaron cedendo por 2-3 nun partido absolutamente condicionado pola lastimosa arbitraxe protagonizada polo colexiado asturiano Francisco García Riesgo, que protagonizou decisións inexplicables provocando cos seus erros que o Arenteiro quedase con 9 xogadores no campo gran parte do partido ante a indignación da afección local.

O árbitro asturiano era a segunda vez que visitaba Espiñedo e, curiosamente igual quen xa fixo tamén con decisións moi extrañas fai dous anos nun Arenteiro-Pontevedra, daquela en Segunda RFE, volveu a deixar aos verdes en inferioridade. Desta vez, as tarxetas amarelas que provocaron a expusión de  Tiago son de traca, xiquera son falta, ademáis a primeira delas da lugar ao segundo gol do Real Unión. Nos primeiros compases da segunda parte o Arenteiro, que por dúas veces empatou o partido quedouse sen Tiago e a última media hora tamén sen Germán.

Equivocar pode equivocarse calquera, tamén os árbitros, pero o que é dificil de xustificar é a total falta de criterio á hora de xulgar a un equipo e ao outro, por qué ensinar cartón amarelo e expulsión nunha xogada no medio do campo que non ten ningunha trascendencia e non ensinas tarxeta ao outro equipo cando comete falta ao borde da súa área. Mellor que árbitros asi non volvan por Espiñedo porque son perxudiciais para o fútbol, estropean o que pudo ser un gran espectáculo futbolístico.

Polo demáis, ao marxe da desvengonza arbitral, o partido entre Arenteiro e Real Unión deixounas auténticos golazos,  podemos decir que os cinco, pero se con algún temos que quedarno é co gol estilo Maradona de Luis Chacón, o fútbolista do Arenteiro colleu o balón en campo propio, correo 70 metros en 9 segundos e marcou un gol para enmarcar.

Video resumen do partido en g24.gal: https://www.g24.gal/-/fran-justo-leva-o-triunfo-do-carballino-2-3-diante...

No segundo desplazamento e terceiro partido de liga na Primeira Federación logrou sumar o Arenteiro o primeiro punto a domicilio, nas instalacións de Tajonar, a cidade deportiva do Osasuna, onde os verdes mesmo tiveron as mellores ocasións de gol do partido, mesmo facéndo méritos para traerse os 3 puntos para O Carballiño.

Ata en catro ocasións o gardameta pamplonica P. Valencia evitou o gol do Arenteiro con grandes intervenciós, mentres que Diego García so tivo que empregarse a fondo nunha única ocasión, xa no tramo final do partido. Bo partido dos verdes, aos que tan so faltou o gol.  A nota negativa do partido foi a lesión de Curro, á espera do parte médico que determine o seu alcance.

Valoración do partido feita polo adestrador de CD Arenteiro, Javi Rei: 

https://www.facebook.com/cdarenteiro/videos/6872148549507928

Crónica do partido en La Voz de Galicia: https://www.lavozdegalicia.es/noticia/ourense/2023/09/10/punto-pudo/0003...

Crónica do partido na WEB Osasuna 1920: https://osasuna1920.com/2023/09/osasuna-promesas-0-0-arenteiro-los-rojil...

O debut soñado nos mellor soño posible nun Espiñedo que xa é de Primeira RFEF, o Arenteiro con goles memorables ante unha afección entregada derrotou ao máximo representante da Rioxa no fútbol español, o Logroñés foise do Carballiño cun incontestable 3-0.

A victoria verde fraguose no primeiro tramo do paartido con dous golazos de Pibe, o segundo deles para enmarcar, probablemente un dos mellores goles na historia de Espiñedo. Xa no solpor do partido Manín redondeou o resultado co terceiro gol da noite.

Video resumen do partido en g24.gal: https://www.g24.gal/-/o-arenteiro-acada-a-primeira-vitoria-da-sua-histor...

Os verdes foron indo de menos a máis no seu debut na Primeira RFEF, encaixou o único gol do partido aos cinco minutos, pero foi medrando despois ante un Nastic de Tarragona que perdonou o segundo e acabou sufrindo e pedindo a hora, esto non fixo máis que comezar e ao Arenteiro quédalle por diante a tempada máis ilusionante da súa historia, tamén a máis esixente.

 Crónica do partido no "Diari de Tarragona"

https://www.diaridetarragona.com/deportes/despegue-exitoso-nastic-1-0-ar...

Vídeo resumen do partido na Televisión de Galicia:

https://www.g24.gal/-/o-arenteiro-debuta-con-derrota-na-primeira-federacion

A empresa que resultou adxudicataria do concurso para emitir esta tempada a Primeira RFEF (ATM Broadcast) ven de anunciar os seus plans para emitir a competición, na que debuta o Arenteiro este sábado dia 26 de agosto no estadio do Nastic de Tarragona.

Os 38 partidos da categoría da Primeira RFEF na que militará o Club Deportivo Arenteiro poderán seguirse a través dunha plataforma de nova creación (www.feftv.com) que estará en funcionamento a partir do mércores dia 23 de agosto.

A operadora ofrece dous plans de subscrición: un de carácter mensual por 12.99 euros e outro de 99 euros de prezo pola tempada ao completo que inclúe todos os encontros da competición e o play off de ascenso a Segunda División. A adxudicataria dos dereitos informou ademáis que os partidos serán emitidos a través da plataforma en calidade de alta definición (HD) e que nas próximas semanas iranse comunicando as diferentes opcións de utilización a través de dispositivos móbiles e Smart TV.

A maiores, continúan as negociacíóns entre a Televisión de Galicia e outras canles autonómicas para ofrecer en aberto os partidos da categoria, polo que sería outra opción para os afeccionados do Arenteiro, que poderían ver os partidos tamén en directo tanto a través da TDT como da internet nestas televións autonómicas.

Ademáis, nas condicións da adxudicación dos dereitos televisivos por parte da Real Federación Española de Fútbol, tamen figura que o 20% dos partidos de cada xornada serían ofrecidos en aberto por parte dunha televisión, algo que de momento aínda non se aclarou.

O Arenteiro viaxará a Tarragona para xogar o seu primeiro partido de liga nun estadio que fai apenas 15 anos foi de primeira división, o Nou Estadi, onde os verdes debutarán na histórica tempada na Primeira RFEF para enfrontarse ao Nastic de Tarragona o sábado dia 26 de agosto ás 21:30 horas.

Na segunda xornada, o domingo dia 3 de setembro ás 12 do mediodia, o primeiro visitante en Espiñedo será a SD Logroñés, e na terceira xornada o Arenteiro viaxará ata Pamplona para xogar co Osasuna Promesas.

Na cuarta xornada, en plenas festas do Setembro no Carballiño, o Arenteiro recibirá ao Real Unión de Irún, mentres no primeiro derbi galego o Arenteiro desplazaráse ao estadio de Balaidos o 24 d setembro para medirse co Celta B. Entre outros partidos que se agardarán con máxima expectación estarán o do Deportivo da Coruña, que pasará por Espiñedo do 17 de decembro, e devolverálle o Arenteiro visita a Riazor o 28 de abril de 2024, xa na recta final do campionato.

Descarga aquí o calendario completo:

O balón comezou a rodar no primeiro adestramento dirixido por Javi Rei e os seus auxiliares no campo da Regueiriña de Barbantes, tras pasar nos últimos dias os preceptivos recoñecementos médicos, un total de 16 fútbolistas, incluidos os recén chegados, prepáranse xa para o desafio da histórica tempada do debút do Arenteiro na Primeira RFEF.

A falta aínda de completar a plantilla, xa están integrados no grupo os recén chegados: no corpo técnico o adestrador de porteiros Diego Rivas, e os futbolístas Thiago, Javi Moreno, Juan Delgado e o gardameta sub-23 Manu Figueroa. Xunto a eles todos os futbolistas da anterior tempada que renovaron a súa continuidade no Arenteiro: Diego García, Jordan, Vitra, Pol Bueso, Germán, Alex Fernández, Curro, Adrián Cruz, Pibe, Manín, Romay e Marquitos.

O primeiro partido de preparación será o sábado 29 de xullo en Ribadeo, tendo como rival á SD Ponferradina, recén descendido da Liga de Fútbol Profesional, e que este ano será rival do Arenteiro na Primeira RFEF. Ambos equipos desputaránse o "Trofeo do Camiño Xacobeo", os bercianos representarán ao camiño francés e o Arenteiro acude a Ribadeo como representante do camiño mozárabe, o coñecido tamén como a Ruta da Prata, que percorre pola nosa comarca a través dos concellos de Cea e Piñor.

Os cinco premios concedidos pola Asociación de Clubes Galegos de Fútbol-Proliga na categoria da Segunda Federación foron desta vez para un mesmo equípo, sendo ademáis a primeira vez que esto acontece desde que se entregan con carácter anual estes recoñecementos que premian aos mellores de cada tempada no fútbol galego.

Asi, desta maneira, e no acto celebrado no Hotel Congreso de Santiago de Compostela, o Arenteiro fixo pleno, e obtivo os cinco premios posibles, a través dunha votación na que participan represantantes de todos os estamentos do fútbol galego.

Os cinco galardóns que recolleu o Arenteiro trala súa histórica campaña na que se proclamou campión de liga, conseguíu o ascenso, tamén na que foi campión da Copa Federación, e tivo unha brillante participación na Copa do Rei, foron os seguintes:

Mellor equipo da categoria, e tamén mellor xogador (Álex Fernández),  máximo goleador (Antón Escobar), gardameta menos batido (Diego García) e mellor adestrador (Fran Justo e Javi Rey, compartido). 

O Arenteiro xa coñece os seus 19 rivais cos que competirá no grupo 1 da Primeira Federación, a categoria de bronce do fútbol español no que militan clubs históricos, varios deles con pasado en primeira división e míticos estadios como Riazor, Balaidos, Reino de León,  As Gaunas de Logroño ou a Nova Creu alta de Sabadell, ou outros máis modernos como Cornellá-El Prat, o estadio do Español. 

E outros menos historia pero grandes estadios, como o Nou Estadi onde xoga outro dos rivais do Arenteiro para esta próxima tempada, o Nastic de Tarragona, con capacidade para 15.000 persoas, superior á poboación do Carballiño.

E tamén estadios menos mediáticos pero de equipos que veñen da Liga de Fútbol Profesional, como o Anxo Carro lucense ou El Toralín, onde desputa os seu partidos a Ponferradina, outros dous cocos do grupo.

Estadios modernos e de recente construcción, como son os dos dous equipos madriñeños que visitarán os verdes este próximo ano, os do Rayo Majadahonda e Fuenlabrada, igual que o municipal Reina Sofía de Salamanca, onde xoga Unionistas.

E por suposto, un encanto especial para moitos afeccionados do Arenteiro será a visita o Novo Mini-Estadi, agora rebautizado como Estadi Johan Cruyff, onde xoga o filial do Barsa, o FC Barcelona B. E sen menospreciar o resto de estadios que tamén visitará esta tempada o Arenteiro, como o de Las LLanas de Sestao, histórico do fúbol vasco, o Stadium Gal de Irún, ou os modernos recintos deportivos nos que xogan os equipos filiais da Real Sociedad en Donosti ou Atlético Osasuna de Pamplona, ou os máis modestos dos dous equipos aragoneses, Tarazona e Teruel.