O Concello do Carballiño escolle Lanzarote como protagonista da 64ª Festa do Pulpo, que se celebrará, como é habitual, o segundo domingo de agosto, este ano, o día 9. O goberno local decantouse pola illa debido ao seu especial vínculo co Carballiño, nun guiño á comunidade canaria, que acolleu a moita emigración carballiñesa. “Tanto Lanzarote como O Carballiño reivindicamos a calidade da cociña atlántica, dos produtos do mar e da terra. As nosas pulpeiras participaron varios anos no festival enogastronómico Saborea Lanzarote, sempre cunha moi boa resposta por parte da organización e do público”, asegura Manuel Dacal, concelleiro de Turismo…

Sebas Lamazares, José Antonio Barge, Manuel Nogueira, Fátima Gómez e Gonzalo Rodriguez protagonizan un novo capítulo na Tertulia dos Venres en COPE O Carballiño, na que a audiencia tamén expresa as súas opinións.

Dez integrantes da Asociación de Pulpeiros e Pulpeiras do Carballiño trasladáronse ata Bruxelas para participar nun acto organizado polo Partido Popular, no que achegaron aos cociñeiros do catering do Parlamento Europeo a receita tradicional do polbo á feira, tras unha polémica de meses atrás cando na carta do comedor da institución europea aparecía un prato de suposto "polbo á feira" cando en realidade era un guiso de aneis de calamar con pataca e brócoli. O presidente do PP de Galicia, Alfonso Rueda, participou no acto, titulado “En Europa, defendendo as cousas para comer”, xunto ao vicepresidente da Eurocámara, Esteban González…

Foi un testigo o que alertou do sucedido na madrugada deste martes e despois de precipitarse a muller sobre a rúa dende un terceiro piso na rúa Curros Enríquez do Carballiño. A vítima foi atendida por Urxencias Sanitarias e trasladada en ambulancia ata o Complexo Hospitarario de Ourense, onde ingresou en estado grave. Tamén acudiron ata o lugar patrullas da Garda Civil e Policia Local. A Garda Civil investiga as circustancias que motivaron este suceso, de momento sábese que procedeu a detención dun home, que sería a parella desta muller.

A Xunta ven de outorgar o premio ao mérito deportivo a Manuel Blanco Guerra "Manolo Celta", todo un pioneiro no deporte carballiñés nos anos 60 e 70 do século XX, no baloncesto, o atletísmo, o fútbol sala, o automobilismo ou o tenis, e xa máis recentemente no golf. Polo tanto, Manolo é memoria viva da historia do deporte carballiñés, que repasa nesta entrevista de COPE O Carballiño.