Deportes

O Club deu a coñecer este sábado a decisión na súa páxina WEB e nas redes sociais. O técnico dirixirá por última vez ao equipo este domingo 27 de Decembro no campo de San Rosendo de Celanova en partido de volta dos octavos de final da Copa Deputación ante o equipo local do Sporting Celanova ( 0-0 na ida en Espiñedo).

No comunicado oficial do club agradécese o traballo desenvolvido por Jorge Regal dende o pasado mes de Xullo, cando se fixo cargo da dirección do equipo. Aínda que no primeiro tercio da liga o equipo estivo a un bo nivel e incluso en varias xornadas figurou en postos de promoción de ascenso, a deriva negativa dos últimos partidos provoca unha decisión que se veu madurando no transcurso da última semana.

O club tamén confirma que despois deste partido en Celanova faise cargo dos adestramentos e dirección técnica do equipo, ainda que de forma eventual, o preparador físico, Diego López.

Un gol en cada parte derrotou ao Arenteiro na súa visita a Lalín, unha derrota dos verdes con matices, xa que tras unha mala primeira parte, tras o descanso o Arenteiro foi superior e mereceu, polo menos, o empate. Non obstante foron os do Deza os que se levaron o partido tras sentenciar cun segundo gol, que ademáis foi en claro fora de xogo.

Sen ánimo de poñer excusas á derrota do Arenteiro, que continúa nunha dinámica de resultados moi negativa, o certo é que tampouco a sorte acompaña a este equipo. Nos primeiros 20 minutos de partido o Arenteiro fabricou ata 3 claras ocasións de gol, pero a errática definición volve pasar factura aos verdes, pola contra o Lalín marcou na única ocasión que tivo, que ademáis ven propiciada por un fallo defensivo do Arenteiro. A partir do gol local, o Arenteiro veuse abaixo.

Logo, na segunda parte, o Arenteiro recuperou o control do xogo e volveron chegar as ocasións, pero nin Victor Gallego, nin Vitti nin Sanginés -ao que anularon un gol por fora de xogo- souberon definir. Cando parecía que estaba cerca o empate, o que chegou foi o segundo gol do Lalín, como deixamos dito, en claro fora de xogo.

CD Arenteiro: Pachi, Ocampo, Maxi, Arbo, Pana, Dafonte, Bardelás, Marc, Victor Gallego, Vitti e Dani Vázquez. Tamén xogaron Sanginés e Marcos Castro.

Moi pronto se puxo o partido de cara para os pontevedreses do Marcón At. que no minuto inicial de partido non desaproveitaron o desaxuste defensivo do Arenteiro para poñerse por diante no marcador. E tamén moi pronto, no minuto 9, fixeron o segundo gol. 

Aínda había moito tempo por diante para a reacción, pero os pontevedreses controlaron sen moitos agobios os intentos verdes de meterse no partido, que conseguíu Marc a piques de chegar ao descanso ao transformar un penalti.

Na segunda parte, o mesmo guión, o Marcón At.facendo gala de poderío físico, suficiente para defender o resultado ante un querer e non poder do Arenteiro, e asi foron pasando os minutos ata o pitido final.

CD Arenteiro: Pachi, Vilachá, Ocampo, Victor Gallego, Marcos Sotelo, Dafonte, Bardelás, Marc, Marcos Castro, Vitti e Dani Vázquez. Tamén xogaron Pana, Gele e Esteban.

O partido estivo marcado polas imprecisións defensivas que propiciaron os catro goles que poideron verse no Estadio do Couto e unha deficiente arbitraxe do colexiado ourensano Renny Mazaira, que se tragou un penalti de libro -tanto él como o auxiliar de banda- sobre Vitti xa co 2-2 no marcador. Deu como legal o primeiro gol do Ourense, precedido dunha falta ao porteiro do Arenteiro. Antes, os locais protestaron a anulación dun gol e reclamaran, xa na primeira parte aínda co empate inicial, outro posible penalti na área do Arenteiro. Foi tamén sorprendente a expulsión do adestrador Jorge Regal, cando o balón estaba en xogo, parou éste para ordenar a expulsión. Un total despropósito.

Polo demáis, Ourense e Arenteiro rivalizaron en erros defensivos que deron lugar aos catro goles. Vitti adiantou ao Arenteiro no minuto 41 tras un fallo do meta local, no minuto 52 outra xogada polémica, un dianteiro do Ourense carga na área pequena sobre o porteiro Israel, ao que desequlibra, o baón queda vivo e aproveitao Bruno para empatar. Apenas unhos minutos despois, no 58 de partido, volveu adiantarse o Arenteiro nunha das mellores xogadas da tarde dos verdes, que propicia o gol en propia meta dun defensor ourensano. Finalmente,  tras outra imprecisión defensiva do Arenteiro no minuto 63 chegou o gol do empate de Adrian Padín, que sería definitivo.

O CD Arenteiro saltou ao campo do Couto con Israel, Vilachá, Maxi, Dani Arbo, Marcos Sotelo, Dafonte, Bardelás, Marc, Sanginés, Vitti e Dani Vázquez. No transcurso do encontro tamén xogaron Marcos Castro, Martín Pérez, Pana e Gele.

Quizás no peor partido do Arenteiro no que vai de liga no Estadio de Espiñedo, os verdes lograron -eso foi o mellor da tarde- volver á senda das victorias, deixando atrás unha série de 3 derrotas. Corría o minuto 72 de partido cando Marcos Sotelo sorprendeu cun magnífico zurdado dende 25 metros que se colou como unha exhalación sen que o porteiro da Unión Grove non poidese facer nada para evitar o gol local.

O partido estivo atascado dende o inicio, cunha primeira parte mala de solemnidade, e unha segunda na que tan so a incerteza no marcador mantiña a emoción dos aburridos afeccionados que acudiron a Espiñedo.O Arenteiro xogou dende o minuto 84 con dez xogadores, por expulsión directa de Victor Gallego.

Ambos equipos dispuxeron dun par de ocasións de gol no transcurso do partido, as dúas do Arenteiro a balón parado, na primeira parte na execución dunha falta na que Marc enviou o balón ao longueiro, e na segunda metade, tamén ao lanzamento doutra falta, que rematou con moita intención Vitti e a pelota foise fora por pouco.

Xa no tempo de desconto, e acaso na mellor xogada da tarde dos verdes, Pana culminouna cun gol que foi anulado polo árbitro lucense Jesús López, a instancia da asistente internacional Tania Fente, que o próximo martes formará parte do trio arbitral que dirixirá o Israel-Gales de fútbol femenino.

No Arenteiro formaron de inicio: Israel, Vilachá, Maxi, Dani Arbo, Marcos Sotelo, Dafonte, Bardelás, Marc, Marcos Castro, Vitti e Dani Vázquez. Tamén xogaron Sanginés, Victor Gallego, Ocampo e Pana.

Un autogol de Dani Arbo abríu o camiño da victoria do Portonovo ante o Arenteiro, ata ese momento, minuto 57, o partido estivera bastante igualado e ramplón, xa que  ningún dos contendientes sobre o campo de Baltar fixera méritos para adiantarse no marcador, que finalmente conseguiron os portonovenses tras a xogada de infortunio do central do Arenteiro.

Foi unha acción na que Dani Arbo pretende ceder ao gardamenta Israel, pero a cesión convirtese nun chupinazo en toda regla que rebasa por alto ao porteiro do Arenteiro que, ante súa desesperación ve como o balón chega ao fondo da portería. Tras a desgraciada xogada o Arenteiro repúxose e de feito dispuxo das mellores ocasións de todo o partido para igualar o marcador, por dúas veces Dani Vázquez e unha Martín Pérez só fallaron na definición final.

Cando se presentía o empate, no minuto 71 chegou o segundo gol do Portonovo e ahí morreu o partido, a partir dese momento o Arenteiro xa non tivo opcións e o Portonovo mantivo o resultado sen problemas.

Con este resultado en Portonovo o Arenteiro suma a terceira derrota consecutiva nun mes de novembro negro para os intereses carballiñeses, que o domingo reciben en Espiñedo á USD O Grove.

No partido desta tarde o Arenteiro saíu de inicio con Israel, Gele, Maxi, Dani Arbo, Ocampo, Dafonte, Marc, Martín Pérez, Sanginés, Victor Gallego e Dani Vázquez. Tamén xogaron Bardelás, Marcos Castro, Vitti e Marcos Sotelo.

Cando ao cuarto de hora da segunda metade o Arenteiro consigue poñer o 2-0 no marcador de Espiñedo, ninguén podía esperarse que en apenas dous minutos desperdiciase unha vantaxe tan importante e que os verdes acabasen perdendo o partido. Pero asi aconteceu, de nada serviron os dous goles iniciales dos carballiñeses, o segundo de penalti, porque logo o Gondomar daríalle a volta ao marcador. Incomprensible.

Outra primeira parte do boa do Arenteiro, tamén iniciou ben o segundo periodo, pero cando parecía que o partido estaba máis que encarrilado, chegou a fatalidade dos minutos 62 e 64, a fatalidade ou a falta de concentración da retagarda carballiñesa, que permitíu a igualada visitante en dous minutos. Depois, o partido pasou a ser de ida e volta e nesa lotería os do Gondomar fixeron o terceiro gol e con él, levanse os 3 puntos.

CD Arenteiro: Israel, Vilachá, Maxi, Ocampo, Pana, Dafonte, Bardelás, Victor Gallego, Sanginés, Martín Pérez e Marcos Castro. Tamén xogaron Gele, Marc, Vitti e Marcos Sotelo.

Na vindeira xornada -a 14 do campionato-, o domingo 22, o Arenteiro desplázase ao campo de Baltar para enfrontarse ao Portonovo.

O Arenteiro non foi capaz de puntuar na súa visita a Mondariz, onde caeu derrotado por un solitario gol dos locais no minuto 74 de partido, aínda quedaba tempo por diante para a reacción, pero ésta non chegou. Antes, os dous equipos tiveron boas ocasións para marcar, ás máis claras dos locais, que foron mellores no cómputo dos 90 minutos, e polo tanto, xustos vencedores. Mentres, o Arenteiro no acaba de funcionar como visitante, tras os catro últimos desplazamentos nos que colleitou tres derrotas e so pudo sumar un punto.

CD Arenteiro: Israel, Vilachá, Maxi, Dani Arbo, Ocampo, Dafonte, Bardelás, Victor Gallego, Marcos Castro, Vitti e Dani Vázquez. Tamén xogaron Marc, Gele e Esteban.

O vindeiro domingo os verdes recibirán en Espiñedo ao segundo clasificado, o Gondomar CF, para ese partido o Arenteiro perderá a Dani Arbo, que foi expulsado en Mondariz por doble cartón amarelo.

Os verdes derrotaron ao equipo arousano grazas a unha primeira media hora na que bordearon a perfección, non obstante todo o que o fixo de ben o Arenteiro na primeira parte, fixoo de mal no segundo periodo, paradóxicamente cando gozaba de superioridáde numérica no terreo de xogo por doble explusión no bando visitante.

Non parecía que fose o mesmo partido, pero en efecto, atá que se adiantou no marcador no minuto 34 por medio dun pelalti transformado por Martín Pérez, o Arenteiro foi moi superior ao seu rival. Foi a partir desa xogada, na que ademáis os arousanos se quedaron con 10 xogadores, cando o Arenteiro entrou nunha deriva no xogo que a piques estivo de causarlle un disgusto, de feito Israel evitou o empate nunha magnífica intervención.

Xa nas postrimerías do encontro, pudo sentenciar o Arenteiro, pero Vitti, Sanginés e Marcos Sotelo non acertaron ante o meta visitante Marcos Bermúdez, que ademáis, moi atento, sacou un balón que Marc enviara á escadra, ao exectuar un libre directo.

CD Arenteiro: Israel, Marcos Vilachá, Maxi, Dani Arbo, Pana, Ocampo, Bardelás, Martín Pérez, Marcos Castro, Victor Gallego e Dani Vázquez. Tamén xogaron Marc, Marcos Sotelo, Sanginés e Vitti.

Con este resultado ante un rival dos chamados a estar arriba, o Arenteiro consolida a súa privilexiada posición na táboa clasificatoria tras desputadas once xornadas, é 3º a 2 puntos do segundo - O Gondomar- e 7 do líder Villalonga. O vindeiro domingo o Arenteiro desplázase a Mondariz.

O Arenteiro acabou empatando un partido que tivo controlado dende o inicio, tanto no desenvolvemento do xogo como no marcador, pero sabido é o que recorda o tópico, no fútbol o que perdoa, acabao pagando, e esto é o que lle sucedeu aos verdes na súa visita ao campo da Gándara de Valladares, en Vigo.

Tras adiantarse cun golazo de Dani Vázquez xa na primeira parte, tras o descanso o Arenteiro pudo sentenciar en inmellorables ocasións nas botas de Marcos Castro e Victor Gallego, pero primeiro un defensor baixo paus e despois unha estelar intervención do meta local impediron os goles carballiñeses.

Despois empatou o Valladares, volveu cobrar ventaxa o Arenteiro con gol de Vitti, e cando parecía que o partido non se lle escaparía aos verdes, chegou o empate definitivo a dous tantos nos últimos minutos do encontro, eso si, nunha xogada precedida dunha falta sobre Vitti que o árbitro non quixo ver. Ao final, un punto que sabe a pouco tal como se desenvoveu o partido.

CD Arenteiro: Israel, Gele, Maxi, Arbo, Ocampo, Dafonte, Bardelás. Victor Gallego, Marcos Castro, Marc e Dani Vázquez. Tamén xogaron Marcos Sotelo, Viiti, Lois e Vilachá.

Con este resultado, o Arenteiro sitúase cuarto na clasificación, igualado a 18 puntos co terceiro clasificado, o Céltiga CF, precisamente o próximo visitante en Espiñedo o vindeiro domingo 1 de Novembro. Para este partido o Arenteiro non poderá contar con Dafonte, que cumplirá ciclo de amonestacións.