Deportes

O calamitoso estado do terreo de xogo do Estadio de Espiñedo, agravado polas condicións meteorolóxicas, fai que o partido correspondente á liga de terceira división este domingo dia 10 de Xaneiro que o Arenteiro xogará ante o Arousa, teña que trasladarse ao campo da Regueiriña de Barbantes.

Será o segundo partido que esta tempada ten que xogar o Arenteiro en Barbantes, xa que tampouco pudo facélo en Espiñedo na segunda xornada do campionato  no pasado mes de Outubro, naquéla ocasión debido as restriccións polo coronavirus, que mantiña pechadas as instalacións deportivas.

Ademáis, este partido ante o Arousa na Regueiriña de Barbantes será sen público ao non adaptarse as instalacións para poder cumplir o protocolo anti-covid, unha mala noticia para os afeccionados do Arenteiro, que terán que conformarse con ver o partido a través da retransmisión televisiva.

Os verdes completan a primeira volta da fase regular no Subgrupo-B da terceira división líderando a clasificación con 23 puntos en 11 partidos, sendo ademáis o único equipo que aínda non perdeu ningún partido.Fran Justo suma xa 16 partidos consecutivos invicto como adestrador do Arenteiro, se aos 11 de liga sumamos os 5 de pretempada.

O partido xogado no campo da Senra de Ribadumia tivo dúas partes bastante diferenciadas, na primeira houbo igualdade entre ambos equipos e mesmo algunhas opoortunidades para inaugurar o marcador por ambos bandos. A segunda parte xa foi outra historia, nada máis comezar Javi Pazos nunha acción persoal marcou un golazo cun chut imposible dende a frontal da área para o outro Pazos do partido, o gardameta do Ribadumia. A partir do gol o Arenteiro foi dono absoluto do partido ante un Ribadumia que acusou o esforzo do partido de Copa do Rei desta semana co Cádiz. Ao lanzamento dunha falta Renán puxo un balón á área que cazou Sylla para marcar o segundo cun medido cabezazo a media altura,o terceiro foi obra de Joni aproveitando un balón repelido polo longueiro tras un trallazo de German.

Para ver a ficha do partido, sigue a seguinte ligazón: http://www.futgal.es/pnfg/NPcd/NFG_CmpPartido?cod_primaria=1000120&CodAc...

Para ver a retransmisión da TVG, sigue a seguinte ligazón: https://www.crtvg.es/tvg/a-carta/futbol-terceira-ribadumia-c-f-c-d-arent...

O partido xógase dende as 16:30 horas do domingo no campo da Senra de Ribadumia e será retransmitido en directo na WEB da TVG-2, e de forma simultánea no "Carrusel de Terceira" na TDT alternando con outros dous encontros, Bergantiños-Somozas e Alondras-Arousa.

O Arenteiro chega a este último partido da fase regular no Subgrupo B da Terceira División aínda invicto e como segundo clasificado con 20 puntos. O Ribadumia, que ven de perder este xoves co Cádiz de primeira división por 0-2 en partido da Copa do Rei, é cuarto na clasificación actúal con 15 puntos.

Último partido do ano en Espiñedo na terceira división, no que os verdes non souberon superar o muro co que o equipo vigués defendeu a portería do exarenteirista Rui, o mellor do seu equipo con par de boas intervencións no regreso do portugués a Espiñedo, agora como gardameta do Rápido de Bouzas.

O primeiro acto do encontro desenvolveuse según o guión previsto, os vigueses encerrados atrás e o Arenteiro volcado sobre a portería tratando de abrir a lata, algo que conseguíu no minuto 44 cun chutazo de Naveira que se colou pola escadra da portería. O máis difícil estaba feito, pero un regalo do Arenteiro nun saque de esquina mal defendido permitíu a outro exarenteiro, Vitti, empatar o partido no único tiro dos rapidistas entre os tres paus durante o partido. Porque toda a segunda parte foi un querer e non poder para o Arenteiro, co equipo boucense pechado atrás e o Arenteiro sin conseguir crear perigo real nos últimos metros, cun monólogo xogado practicamente no campo do Rápìdo, pero que non resultou útil para poder gañar o partido.

O Arenteiro cerrará o ano o próximo domingo dia 20 no campo do Ribadadumia, co que se completará a primeira volta da fase regular, na que o Arenteiro -único equipo invicto do grupo- está segundo clasificado con 20 puntos, a 2 do líder Arousa e 3 sobre o Alondrás, que é terceiro.

Para ver a ficha do partido, sigue a ligazón: http://www.futgal.es/pnfg/NPcd/NFG_CmpPartido?cod_primaria=1000120&CodAc...

Decíase que podía ser un "partido trampa" por aquelo de que o Pontellas era o colista da categoria e podería levar a un exceso de confianza aos verdes, finalmente o Arenteiro solventouno sen grandes problemas, aínda que a punto estivo de complicalo nun balón regalado aos visitantes que aproveitaron para empatar momentaneamente, aínda que o gol fose en claro fora de xogo. O partido, correspondente á novena xornada na terceira división xogouse este martes, en formato "champions".

Sylla pudo adiantar ao Arenteiro aínda nos primeiros compases do partido, pero houbo que esperar a un regalo defensivo dos locais para que Javi Pazos fixera o primeiro gol da tarde. O Arenteiro non pasou por ningún apuro salvo un remate de cabeza dun xogador local que repeleu o traveseiro da portería de Diego, na única ocasión que, a maiores do gol, poideron fabricar os locais en toda a tarde. O empate do Pontellas chegou nunha xogada pouco habitual, que mesmo levou ao árbitro a non sinalar o claro fora de xogo do gol do Pontellas, Diego, varios metros fora da área, regatea a un xogador do Pontellas e cando lanza o balón éste impacta na espalda dun contrario, sae rebotado cara a área do Arenteiro pero o xogador que marca arranca en posición de fora de xogo xa que por detrás del so está Portela como único xogador do Arenteiro, é decir, o árbitro tiña que anular o gol pero non o fixo e subíu ao marcador.

Apenas cinco minutos despóis(68 de partido) o Arenteiro volve poñerse por diante, agora sí, o árbitro acerta ao sinalar como falta máxima tras tocar na área coas mans un defensor do Pontellas, Renan transfora dende os once metros. O gol da tranquilidade foi obra de Sylla tras unha asistencia de Javi Pazos. Misión cumplida, o Arenteiro regresa do Porriño cos tres puntos, agora a próxima cita o domingo dia 13 ante o Rápido de Bouzas.

Para ver a ficha do partido sigue a ligazón: http://futgal.es/pnfg/NPcd/NFG_CmpPartido?cod_primaria=1000120&CodActa=7...

Por dúas veces tivo que remontar o Arenteiro este partido ante os valdeorreses nunha tarde de sábado xélida en Espiñedo, con apenas 3 graos a temperatura ambiente, que non impedíu á parroquia carballiñesa gozar dunha victoria, e unha tarde de goles, nada menos que seis e todos eles de bela factura.

Entrou ben o Arenteiro no partido e dos verdes foron os primeiros minutos cando Sylla malogrou unha boa ocasión para inaugurar o marcador, e non obstante foron os visitantes os que golpearon primeiro na primeira chegada que tiñan ante a portería de Diego, cun inapelable cabezazo do dianteiro gaditano Juanito Bazo. Pero pouco despóis un bo centro de Renan foi tamén maxistralmente rematado de cabeza por Sylla para empatar un partido con un alto ritmo, e no que o Barco volvía outra vez poñerse por diante no marcador no minuto 37, un chisco antes Ger tivera nas súas botas a ocasión de marcar para o Arenteiro, que se foi ao descanso por detrás no marcador, 1-2.

Pero na segunda parte o Arenteiro foi un vendadal de fútbol e en apenas 15 minutos culminou a remontada. Primeiro foi Naveira quen estivo a punto de marcar pero o seu tiro desviouno nunha gran intervención o gardameta barquense Iván Oviedo, a renglón seguido unha asistencia de Adrián Presas sobre Renan foi aproveitada polo brasileño para empatar, tras unha gran acción persoal na que se foi no medio de dous defensores e unha definifición perfecta. O Barco apenas pasaba do medio campo e o Arenteiro era un torbellino, víase vir a remontada, que chegaba cando se consumia o primeiro cuarto desta segunda parte, tras pisar área Victor Eimil e servir un balón de ouro que aproveitou Javi Pazos para marcar outro bonito gol. Xa co tempo cumplido, Rubén Arce redondeou o resultado con outro tanto, igual que todos os anteriores, dos que merece a pena ver na repetición.

Agora, dous partidos na semanda entrante, o martes o Arenteiro xoga no Porriño ante o Pontellas e o próximo domingo de novo en Espiñedo ante o Rápido de Bouzas.

Para ver a ficha do partido, sigue a seguinte ligazón:

http://futgal.es/pnfg/NPcd/NFG_CmpPartido?cod_primaria=1000120&CodActa=7...

Tivo de todo o derbi xogado no estadio do Couto, catro goles, tres penaltis,un deles parado, unha arbitraxe polémica, e ata un desafortunado lance do xogo no que resultou lesioando o xogador local Amin que tivo que ser evacuado nunha ambulancia que se atascou no terreo de xogo e que motivou que o partido estivese parado máis de 10 minutos.

Tras practicarlle un TAC no centro médico descártase que revista gravidade. E por si todo esto fose pouco, tampouco a TVG tivo a súa tarde e "motivos técnicos" impediron a ambas afeccións, probablemente as máis numerosas da categoria, seguir unha "accidentada" retransmisión, con continuos cortes. En todo caso, durante o tempo que si houbo imaxe do partido, pudo verse como o colexiado do partido pitaba dous "extraños" penatis contra o Arenteiro, o primeiro deles nada máis comezar o partido e desviado nunha gran intervención polo gardameta Diego García, que nada pudo facer no segundo igual que o primeiro lanzado polo veterano Rubén Durán, e que siñificaba que o Ourense se adiantase no marcador, 1-0 no minuto 29.

Tan so tres minutos despóis Portela empatou o partido nun acrobático remate de cabeza que enviou o balón á escadra da portería ourensanista tras unha falta executada por Renan Zaneli. E Asi chegouse ao descanso, tras unha primira parte na que os locais entraron mellor no partido pero que logo se foi igualando por parte do Arenteiro. Na segunda parte o Arenteiro foise a polo partido, sobre todo a partir do doble cámbeo que ordenou Fran Justo dando entrada no terreo de xogo a Presas e Javi Pazos, que sería o autor dos dous goles que voltearon o marcador, o terceiro xa co tempo cumplido ao transfomar o terceiro penalti da tarde.

Tres puntos importantes que permiten ao Arenteiro seguir no pelotón de cabeza na táboa de clasificación e a espera do Centro de Deportes Barco, que chega a Espiñedo o próximo sábado dia 5 de Decembro.

Para ver a ficha do partido, segue a seguinte ligazón. http://www.futgal.es/pnfg/NPcd/NFG_CmpPartido?cod_primaria=1000120&CodAc...

O derbi entre UD Ourense e Arenteiro, correspondente á 7ª xornada do campionato nacional de terceira división de fútbol, que se xoga este domingo 29 de Novembro dende as cinco da tarde  no Estadio do Couto poderá seguirse a través da retransmisión que realizará en directo a TVG2. Será o terceiro partido do Arenteiro que ofrece a canle autonómica no que vai de liga.

O partido ten aforo reducido a 150 persoas por culpa do coronavirus, socias do equipo local, polo que non poderá asistir ningún seguidor do Arenteiro. Pero sí poderán ver o partido en directo na retransmisión da TVG2, retransmisión íntegra na WEB da canle autonómica e en formato de carrusel, con conexións intermitentes que se alternarán con outros partidos, na TVG2.

Igualdade entre ambos equipos no terreo de xogo de Espiñedo e igualdade tamén no marcador final a con empate a cero goles, xa que non Arenteiro e Alondras foron capaces de ver portería nas escasas ocasións que xeraron, asi que ambos continúan como os dous únicos equipos invictos no sub-grupo B da terceira división.

E tamén son con diferencia sobre o resto os que menos goles teñen en contra, o Alondras leva dous e o Arenteiro so un, o encaixado na anterior xornada na Estrada. E neste partido víuse o por qué, solventes atrás concederon poucas oportunidades ao rival, apenas un par delas por bando, acaso as máis claras as do Arenteiro e as dúas a cargo de Sylla, unha en cada parte, na primeira de cabeza enviou o balón desviado cando se cantaba o gol, e na segunda xa no tramo final cando so ante o meta visitante cruzou demasiádo o balón na que foi a gran oportunidade dos verdes para gañar o partido. A maiores, un par de chutazos de Marquitos que se foron altos, e para de contar. Ao Arenteiro fáltoulle pólvora para poder desnivelar o marcador ao seu favor. Asi que toca seguir mellorando en ataque, e pensando xa no Couto e no próximo partido ante a UD Ourense.

Para ver a ficha do partido, sigue a ligazón:

http://www.futgal.es/pnfg/NPcd/NFG_CmpPartido?cod_primaria=1000120&CodAc...

O Xuíz Único de Competición estima as alegacións presentadas polo Arenteiro e deixa sen efecto disciplinario a primeira tarxeta amarela mostrada polo colexiado do Estradense-Arenteiro ao defensor verde Adrián Pol, que polo tanto estará en condicións de xogar o próximo partido ante o Alondras.

Dase a circustancia que, despois desta primeira amonestación que agora invalida o Xuiz de Competición, o xogador do Arenteiro víu un segundo cartón amarelo pouco antes do descanso, o que motivou a expulsión e que o Arenteiro tivese que xogar toda a segunda parte en inferioridade no campo ante o Estradense, co que finalmente rematou empatando a un gol.

Doutra parte, os socios -desta vez do número 300 en adiante- terán preferencia para facerse cunha das entradas dispoñibles para o partido deste próximo domingo ante o Alondras. Deberán retiralas durante esta semana e ata completarse  o cupo  nas taquillas de Espiñedo, o continuar con aforo superreducido a 75 persoas, aínda que como xa sucedeu ante a UD Atios agárdase que se autorice unha ampliación de aforo a 150 persoas.