Deportes

Primeiro e segundo clasificado xóganse o liderato na clasificación no campo da Regueiriña de Barbantes, igual que no resto do fútbol galego, a porta pechada por culpa do coronavirus, o partido será retransmitido en directo dende as 16:30 horas a través do canal de Youtube de CD Arenteiro.

Ademáis, o Xuíz Único de Competición ven de acordar fixar o domingo 21 de Febreiro como xornada de "recuperación" dos partidos adiados polo Covid, polo que ese dia xogará o Arenteiro no Estadio do Couto o outro partido que ten atrasado, ante o Ourense CF. Desta maneira, desprázanse no calendario as xornadas seguintes en orde correlativa, polo que a primeira fase da liga que tiña previsto o seu remate  o dia 21 de Marzo non concluirá ata unha semana despóis, o domingo 28 de Marzo.

O Arenteiro suma 3 puntos e sigue líder da terceira división Grupo 1-B, eso sí, tivo que sufrir e agardar ao minuto 89 de partido para que Sylla batise ao gardameta dun combativo Estradense que, finalmente, acabou sucumbindo ante o asedio dos verdes sobre a alfombra do campo da Regueiriña de Barbantes-Estación.

O Arenteiro entrou mellor no partido e o balón rondou varias veces con perigo a portería visitante con Arce entrando pola banda dereita e xerando xogadas de perigo, nunha delas Eimil a punto estivo de acertar pero o seu remate foise un chisco alto. Pouco a pouco o Estradense foise asentando e dificultando o xogo do Arenteiro, que tiña problemas para conectar coa liña de dianteiros.

Tralo paso por vestiarios, o Estradense tivo a súa clara ocasión pero o poste repeleu o remate de Javichu, a seguinte xa sería do Arenteiro e outra vez por medio de Eimil que lanzou un tiro con marchamo de gol que despexou un defensor a corner. No minuto 69 foi expulsado por doble cartón amarelo o visitante Óscar, co partido xa nun acoso constante do Arenteiro sobre a área do Estradense, sucedíanse as ocasións, Sylla obrigou a facer un paradón a Cascallar, tivoa Naveira nun remate de cabeza que se foi por riba do longueiro por moi pouco, ata que outra vez Sylla fabricou xunto con Arce a xogada do gol, o senegalés abríu á dereita sobre Arce que meteu sobre a área un balón que o mesmo Sylla rematou ao fondo da portería. E final. Decepción no Estradense e ledicia no Arenteiro.

Agora, o mércores dia 10, tamén na Regueiriña partidazo ante o Arousa, que fora adiado polo foco de coronavirus que afectou ao equipo carballiñés.

Para ver a ficha do partido sigue a ligazón:http://www.futgal.es/pnfg/NPcd/NFG_CmpPartido?cod_primaria=1000120&CodAc...

Foi na xornada 15 e con dous partidos pendientes de xogar (xornadas 12 e 13) cando o Arenteiro perdeu a súa condición de invicto no campionato de liga de terceira división, e foi na súa visita ao campo do UD Atios nun partido soporífero no que gañou o equipo que tivo a fortuna de marcar un gol. O Arenteiro non tivo a súa mellor tarde, levou a iniciativa na maior parte do partido pero non foi capaz de superar ao conxunto do Porriño, que continúa sen perder como local.

Con esta primeira derrota da tempada o equipo carballiñés perdeu unha gran ocasión de distanciarse dos seus perseguidores na clasificacion, aínda que non impide ao Arenteiro seguir outra semana máis como líder da clasificación no subgrupo B do grupo 1 da terceira división.

Para ver a ficha do partido sigue a ligazón: http://www.futgal.es/pnfg/NPcd/NFG_CmpPartido?cod_primaria=1000120&CodAc...

Por diante, unha semana de 3 partidos

O Arenteiro ten agora por diante unha semana na que xogará tres partidos. O Club solicitou ao Estradense adiantar o partido da xornada 16 ao sábado dia 6 de Febreiro, xa que a RFGF fixou para o mércores dia 10 ás 17 horas o partido adiado ante o Arousa. Completaráse a semana o domingo 14 visitando o campo do Morrazo para enfrontarse ao Alondras. Unha semana moi esixente e que pode resultar trascendental para o futuro inmediato do Arenteiro nesta liga.

O RC Celta e CD Arenteiro confirmaron que o futbolista Souleyme Cisse xogará cedido ata final de tempada no club carballiñés. Trátase dun defensa central que acaba de cumplir os 22 anos e que ten aínda 3 anos de contrato co Celta, ao que chegou en Xullo de 2019, destinado ao filial celtista.

Souleyme Cissé foi internacional Sub-20 con Senegal, desde o seu país chegou directamente ao Celta de Vigo, que se fixou nesta promesa do fútbol senegalés, que destaca pola súa envergadura física. No Arenteiro coincidirá agora co seu compatriota Sylla.

O equipo dirixido por Fran Justo consolídase como líder do seu grupo na terceira división trala victoria ante o Choco no partido xogado no exilio de Barbantes-Estación, o Arenteiro é ademáis o único equipo invicto no que vai de tempada en todo o fútbol galego de Segunda B e Terceira, e mesmo incluída a pretempada, aínda ningún equipo conseguíu gañar aos verdes.

Era este partido ante o Choco moi complicado, non so pola entidade do rival ao que os carballiñeses aínda non conseguiran gañar dende o seu regreso á terceira división, senón que desta vez engadíase a dificultade de facélo despóis de máis dun mes sen competir, primeiro polo parón de nadal e despóis polo parón motivado polo coronavirus, con apenas catro sesións de adestramento esta semana. Aínda asi, o Arenteiro conseguíu superar o partido con nota e sumar 3 importantes puntos que o sitúan como líder en solitario nesta xornada 14, e tendo aínda  pendientes os encontros adiados correspondentes ás xornadas 12 e 13.

O partido púxose moi ben para o Arenteiro aos 9 minutos cando unha avanzada de Victor Eimil pola súa banda propiciou que o xogador chairego enviase un medido centro ao sgundo pau onde Sylla, libre de marcaxe, so tivo que empurrar o balón ao fondo da portería choqueira. Foi suficiente para gañar o partido, aínda que o Choco puxo empeño en lograr o empate e algunha ocasión tivo, tamén o Arenteiro tivo as súas para sentenciar, as máis claras na segunda parte cun balón de Adrián Presas que se foi ao poste, e outro remate de Joni que resolveu prodixiosamenteCortegoso enviando a corner o balón.

Para ver a ficha do partido, sigue a seguinte ligazón: 

http://www.futgal.es/pnfg/NPcd/NFG_CmpPartido?cod_primaria=1000120&CodAc...

O equipo superou con éxito a cuarentena obrigada polo foco de coronavirus que afectou a 10 integrantes do plantel,  e a practica totalidade dos fútbolístas xa adestraron desde este pasado mércores e coas altas médicas correspondentes o órgano federativo incluíu na xornada deste domingo dia 24, tal como estaba fixado no calendario, o Arenteiro-Choco.

O calamitoso estado no que se encontra o terreo de xogo de Espiñedo motivou que o club pedise o cámbeo de campo, que finalmente aceptou a RFGF tras visitar Espiñedo. Desta maneira, o partido xogaráse dende as 16:15 horas no campo da Regueiriña de Barbantes-Estación, a porta pechada, ante a imposiblidade de cumplir as condicións esixidas polo protocolo anti-Covid.

O Arenteiro chegará a este partido con apenas 4 sesións de adestramento e coa baixa segura de Germán Nóvoa, que cumplirá ciclo de amonestacións. O partido será retransmiitdo en directo pola WEB da TVG.

Superada a cuarentena pola que pasou a totalidade do plantel debido ao foco de coronvarirus detectado o dia 7 de Xaneiro, unha parte do equipo regresou aos adestramentos diarios no campo da Uceira, de momento tan so o fixeron 12 futbolistas, á espera de que no transcurso da semana poidan incorporarse o resto. 

Asi as cousas, todo parece indicar que a RFGF fixará para este próximo domingo o partido correspondente á 14ª xornada de liga na terceira división que debe enfrontar a Arenteiro e Choco. Con esta posibilidade traballa xa o corpo técnico comandado por Fran Justo.

Son xa dous os partidos adiados por este motivo tras o parón do nadal, os dous primeiros da segunda volta da fase regular no campionato de liga de terceira división ante Arousa e Ourense CF, a pesar do que o Arenteiro continúa líder, tampouco o colider Arousa pudo aínda xogar, polo que o colchón de puntos que tiñan ao final da primeira volta permítenlle a ambos siguer ao fronte da clasificación

O equipo espera que no transcurso da semana vaian chegando as altas médicas para os 10  integrantes do plantel afectados polo brote de coronavirus que fora inicialmente detectado o pasado dia 7 de Xaneiro nos test de antíxenos, e posteriormente confirmados por probas PCR. Desta maneira, a intención do club é volver aos adestramentos tamén esta mesma semana, unha vez que se completa a cuarentena que todos gardaron, tanto os que afectou a enfermidade, como o resto.

O próximo partido no calendario para o Arenteiro sería o próximo domingo dia 24 ante o Choco, que tampouco está confirmada a súa celebración, á espera da evolución da situación sanitaria do equipo durante os próximos dias.

O Club confirmou este lúns 11 de Xaneiro que se eleva a 9 o número de positivos no plantel do equipo de terceira división, tras o brote de coronavirus detectado o pasado xoves dia 7 e que nun principio afectou a tres futbolistas. Todos, asi como os resto do grupo que deron negativo, encóntranse ben e nos seus domicilios, e gardando cuarentena.

Dende CD Arenteiro dan "as grazas a todos os que se teñen posto en contacto con nos para interesarse pola saúde da nosa plantilla, esperando que canto antes o equipo poida regresar aos adestramentos para reincorporarse á competición". Asi as cousas, igual que aconteceu co partido co Arousa, tampouco poderá xogarse o que estaba programado para o próximo domingo no Estadio do Couto ante o Ourense CF

O club comunica que nos test que cada semana realiza ao plantel de xogadores, corpo técnico, auxiliares e persoal de CD Arenteiro, 3 futbolistas deron esta mañá resultado positivo. De inmediato, suspendéronse os adestramentos e activouse o protocolo Covid, dando conta tanto ao Sergas como a Real Federación Española de Futbol. Os demáis integrantes deron todos eles negativo.  A última hora da tarde, O Xuíz Único de Competición decretou unha resolución na que se acorda a suspensión do partido que debería enfrontar este próximo domingo dia 10 a Arenteiro e Arousa, os dous primeiros clasificados do grupo da terceira división, que se desputará en data que fixará o mesmo Xuíz Único tan pronto o permitan as circustancias.