Deportes

Non pudo ser, o Arenteiro, campión das dúas últimas edicións da Copa Deputación quedou apeado da competición na eliminatoria coa UD Ourense, tras empatar a 3 goles no partido de volta desputado no Estadio de Epiñedo, que rexistrou unha gran entrada. No partido do Couto os unionistas gañaran 1-0, polo que se clasifican para a seguinte ronda copeira.

Apenas ían consumidos 4 minutos cando a UD Ourense conseguía adiantarse no marcador e poñer a eliminatoria moi ao seu favor. Non obstante, o Arenteiro marcaba o gol do empate tan so unhos minutos despóis, e á media hora Varandela -que tamén anotara o primeiro- facía o segundo gol dos verdes, co que o Arenteiro lograba poñerse a un gol para voltear a eliminatoria.

Pero si sicolóxico foi o gol unionista ao principio de partido, aínda o fo máis o do empate, 2-2, cando estaba a piques de chegarse ao descanso, novo mazazo para os verdes no minuto 44 de partido. Antes, o Arenteiro xa perdera a Dani Chimpin, que aos 34 minutos tivo que abandonar o terreo de xogo por lesión.

Pudo volver o Arenteiro adiantarse ao comezar a segunda parte, pero o balón de Vitti foise ao poste, mentres que na UD Ourense volveu aparecer Rubén Durán para deixarlle en bandexa o terceiro gol a Fran Martínez. No minuto 81, Iván Portos lograba o 3-3 definitivo ao executar maxistralmente un libre directo dende o borde da área.

Partido xogado entre dous equipos que aproban en actitude, deportividade e intensidade e suspenden en aspéctos defensivos. Quenes estiveron de sobresaínte foron as afeccións tanto do Arenteiro como da UD Ourense, que deron ao graderío de espiñedo un ambiente propio doutras categorias.

CD Arenteiro: Pachi, Pol, Padron, Dafonte, Saúl, Cuquejo, Dani Chimpin, De Dios, Varandela, Vitti e Alberto. Tamén xogaron Iván Portos, Dani Vázquez, Esteban e Cristián.

Tres goles de alta definición conseguidos polos xogadores do Arenteiro poideron verse no Estadio de Espiñedo no partido correspondente á 16ª xornada do campionato da Preferente Galicia, que con esta victoria ante o Atios siguen liderando os verdes por novena xornada consecutiva.

Púxose moi pronto de cara a tarde para o Arenteiro, que aos 5 minutos facía unha xogada de pizarra que culminaba Rubèn Arce co primeiro golazo da tarde. Enfronte estaba un dos mellores equipos da categoria, con grandes xogadores, como o seu dianteiro Uru que aproveitou a primeira que tivo para empatar o partido no minuto 25.

Os goles, de moita calidade, superaban ao xogo e asi chegabámos ao final da primeira parte.

Saíu en tromba o Arenteiro na segunda, sabedor do moito que se xogaba neste partido. E comezaron a chegar as ocasións, aos pares aínda que non se lograban materializar, ademáis dun gran chut dende fora da área de Dani Vázquez que pegaba no longueiro xa co porteiro visitante batido.

Cando corría o minuto 59 chegaba o segundo gol da tarde dos verdes, centro medido de Saúl e Vilachá de cabeza, e marcando os tempos, envia o balón sobre a escadra da portería, inalcanzable para o porteiro.

Unhos minutos antes o Atios quedabase cun xogador menos por doble amarela, e no 67 sufría outra expulsión por vermella directa para o veterano Antúnez. Non obstante, nin cando se quedou con nove xogadores, baixou os brazos o Atios, un bo equipo polo visto esta tarde, dos que saben a qué xogan.

Xa co tempo practicamente cumplido chegaba o terceiro gol do Arenteiro, saída das botas de Vitti, noutro destello de calidade do dianteiro vigués do Arenteiro.

CD Arenteiro: Israel, Pol, Vilachá, Padrón, Saúl, Bardelás, Dani Chimpin, Carlos de Dios, Rubén Arce, Dani Vázquez e Alberto. Tamén xogaron Varandela, Iván Portos, Vitti e Esteban.

O  XOVES 8, PARTIDO DE COPA ANTE A UD OURENSE

Agora toca Copa Deputación. O vindeiro xoves dia 8 ás cinco da tarde, no Estadio de Espiñedo partido de volta de octavos de final da competición copeira no que tocar remontar o 1-0 co que chegan de ventaxa os ourensanos tras o partido de ida xogado no Estadio do Couto.

Aos dez minutos os verdes xa gañaban 0-2 no Arjiz verinense, e á media hora o partido quedaba liquidado cun contundente 0-4 a favor do Arenteiro, con doblete de Dani Vázquez e Rubèn Arce. Xa co tempo culplido, os locais fixeron o chamado gol da honra.

Saíu en tromba nos primeiros minutos de partido o Arenteiro decidido a resolver o partido pola vía rápida e evitar complicacións, asi no minuto 9 Dani Vázquez, que xa merecera o gol nunha xogada anterior, abríu o marcador para os verdes. Tan so un minuto despois Rubèn Arce facía o segundo gol do Arenteiro.

De novo Dani Vázquez aos 25 minutos e Rubèn Arce aos 30 minutos, redondeaban con dous novos goles unha primorosa media hora de partido dos verdes, que non perdonaron as facilidades concedidas en defensa polo Verín.

Na segunda metade, o Arenteiro baixou a intensidade e propiciou que o Verín tivera maior presenza ofensiva, xa no minuto 90 chegaría o gol de David Rodríguez para o Verín.

CD Arenteiro: Israel (Pachi, m. 72), Pol, Saúl, Padrón, Vilachá (Alberto, m. 49), Dafonte, Bardelás (Esteban, m. 54), Dani Chimpín, Rubèn Arce (Vitti, m. 59), Dani Vázquez (Iván Portos, m. 64) e Carlos de Dios.

O Arenteiro continúa outra xornada máis, e con ésta van xa sete consecutivas, como líder da Preferente Galicia tras vencer á SD Nogueira por dous goles a cero no Estadio de Espiñedo, que rexistrou outra gran entrada no graderío, con máis de 700 espectadores.

Comezou ben o Arenteiro, que levaba o control do partido dende o inicio, precisamente aínda nos primeiros compases o árbitro deixou sen sinalar un clarísimo penalti na área visitante, despois daría un recital de tarxetas sin ton nin son, sin criterio nin rigor, nun partido xogado con deportividade por ambos bandos sobre un terreo de xogo moi resbaladizo.

Aos 37 minutos internada pola súa banda de Saúl que envia un balón sobre a portería do Nogueira que Varandela tan so ten que empurrar para adiantar aos verdes. E asi chegamos ao descanso.

Na segunda parte, saíu algo máis incisivo o equipo visitante, pero sen moita convicción, ata que chegou no minuto 72 unha acción persoal de Rubén Arce que culminou  con unha gran definición final,  logrando o 2-0. Xa no último cuarto pudo o Arenteiro ampliar a diferencia pero o marcador xa non se movería.

CD Arenteiro: Israel, Pol, Vilachá, Dafonte, Saúl, Cuquejo, Bardelás, Dani Chimpin, Rubèn Arce, Varandela e Alberto. Tamén xogaron Dani Vázquez, Carlos de Dios, Vitti e Iván Portos.

Arredor de 750 deportistas participarán este sábado na Copa Xunta de Galicia de Taekwondo, que se disputará no pavillón Paco Chao do Carballiño. Estes deportistas, nos que figuran dende infantís a adultos, pertencen a uns 50 clubes de toda a comunidade autónoma, polo que se espera que acudan ao Carballiño preto de 2.000 persoas, entre taekwondistas e acompañantes.

Así o puxeron de manifesto o concelleiro de Deportes, José Manuel Dacal; o presidente da Federación Galega de Taekwondo, Juan Carlos Eiriz; o entrenador e xerente do Ximnasio Olimpia, José Manuel Soto, e a excampeona nacional, entrenadora e xerente do Ximnasio Taebek, Nuria Gámez, durante a presentación deste evento.

Todos destacaron o significado deportivo e económico deste campeonato, que atraerá a un gran número de deportistas e visitantes á vila, co que esto supón, sobre todo, para a hostalería pero tamén para o comercio local que celebra precisamentge este sábado o “Shoping Day”, con importantes descontos e unha grande actividade cultural durante toda a xornada.

Asemade puxeron de manifesto a situación estratéxica do Carballiño, e non só en canto á súa ubicación e comunicacións coas principias cidades e vilas de Galicia, senón pola infraestrutura deportiva, ao contar cun pavillón con dúas pistas nas que se poden desenvolver competicións de xeito simultáneo, como sucede neste evento de participación masiva.

A competición desenvolverase en xornada de mañá e tarde, comezando ás 10,00 h., nas categorías amater e a competitiva infantil, que rematará ás 13,30 h. Pola tarde terá lugar a competición de adultos, que se prolongará dende as 16,30 ás 19,30 h.

José Manuel Soto destacou a alta participación de deportistas carballiñeses, tanto nas categorías infantil amater como a competitiva de adultos, e Juan Carlos Eiriz resaltou a validez desta copa para o ranking galego, nacional e incluso internacional de taekwondo, o que lle confería a esta competición un gran nivel deportivo.

Finalmente, sinalouse a capacidade organizativa que requería o evento, contando cun gran número de colaboradores, e o apoio do concello e, en especial, da concellería de Deportes.

O equipo carballiñés suma asi o noveno partido consecutivo invicto en liga, e tamén a sexta xornada consecutiva como líder da Preferente Galicia, tralo empate sen goles na súa visita ao campo municipal Manuel Pahiño, na populosa barriada de Navia, en Vigo.

O Arenteiro estivo impecable en defensa durante os 90 minutos de partido, de feito os locais non provocaron nin unha soa situación de perigo ante a portería de israel, bo traballo defensivo todo o equipo, ao que privou da victoria a falta de definición nos últimos metros.

De feito, tivo o Arenteiro un par de ocasións no primeiro tramo do partido, e outras dúas nos últimos minutos, a máis clara de Esteban, que rematou de cabeza un balón que se foi desviado cando o porteiro visitante xa estaba superado.

Unha magoa, porque se os verdes estivesen so un chiquiño máis finos nos últimos metros houbesen regresado a O Carballiño cos 3 puntos, asi e todo, merece destacar o enorme traballo defensivo de todo o bloque sen excepción, anticipandose en todo momento aos xogadores rivais e facendo un enorme derroche físico. Tamén no aspécto positvo, suliñar o regreso do dianteiro Vitti que dispuxo dunhos minutos no tramo final do partido, 3 meses despóis da súa lesión en pretempada a principios de Agosto.

CD Arenteiro: Israel, Pol, Vilachá, Maxi, Saúl, Dafonte, Bardelás, Carlos de Dios, Rubén Arce, Varandela e Alberto. Tamén xogaron Esteban, Iván Portos, Vitti e Cristián.

Primeiros puntos que os verdes deixan escapar de Espiñedo nesta liga, e primeiro gol que encaixa o Arenteiro tras manter a súa portería a cero nos últimos seis partidos. Un gol para cada equipo, ambos na segunda parte, e polo visto no terreo de xogo un resultado final bastante xusto.

Unha primeira parte apenas sen ocasións, salvo unha bastante clara por parte do Arenteiro, que fallaron primeiro Dani Chimpín e logo o rexeitamento do porteiro, Dani Arbo.

Precisamente, o central verde sería protagonista negativo do encontro tras golpear coa cabeza a un contrario e deixar ao seu equipo cun xogador menos aínda con moito partido por diante, resultaría expulsado con vermella directa no minuto 66.

A expulsión de Arbo fixo que o equipo tivese unhos minutos de descontrol, e momentos despois adiantábase o Moaña nun lanzamento de falta que Israel rexeita e Rober, moi atento marca.

Tamén o Moaña se queda cun home menos no último cuarto, por doble amarela dun dos seus. No minuto 77 chega o golazo de Vilachá, que dende a banda dereita lanza un centro-chut que se cola pola escadra.

A partir do empate o Arenteiro envalentónase e vai polo partido, e a piques estivo de conseguilo, xa que nunha das últimas xogadas da tarde Alberto Blanco tivo nas súas botas o gol da victoria, pero evitouno nunha sensacional intervención o meta visitante.

CD Arenteiro: Israel, Vilachá, Maxi, Arbo. Saúl (Iván Portos, m 78), Cuquejo, Bardelás (Esteban, m. 72), Dani Chimpin (Dafonte, m.62), Rubèn Arce, Dani Vázquez (Alberto, m. 44) e Carlos de Dios.

Un solitario gol conseguido no Estadio do Couto de Ourense por Rubèn Duràn no minuto 21 de partido fai que o equipo unionista tome vantaxe na eliminatoria de cuartos de Final da Copa Deputación ante o vixente campión, o Arenteiro.

Manuel Vázquez optou por dar entrada no equipo titular aos menos habituais, e o certo é que os unionistas foron superiores durante toda a primeira parte, na que poideron e deberon incluso obter un resultado moito máis favorable aos seus intereses.

Na segunda parte, os locais acusaron o desgaste físico e replegaronse no terreo de xogo, para esperar á contra a un Arenteiro que non tivo a súa tarde e protagonizou un dos partidos máis grises da tempada. Con este resultado, toca remontada en Espiñedo o vindeiro dia 6 de Decembro.

CD Arenteiro: Pachi, Pol, Maxi, Vilachá, Ivàn Portos, Dafonte, Bardelás, D. Vázquez, Esteban, Varandela e Alberto. Tamén xogaron Saúl, De Dios, Cuquejo e Rubén Arce.

Por sexta xornada consecutiva o Arenteiro logrou deixar a súa portería a cero, esta vez no dificil Novo Municipal da Estrada ante un dos galiños da categoria, nun partido serio e sobrio dos verdes que a punto estiveron de regresar cos 3 puntos.

Pouco que destacar da primeira parte, con pouco ritmo e de xogo embarullado por ambas partes, aínda que do Arenteiro foi a mellor ocasión dos primeiros 45 minutos, con Rubén Arce de protagonista, gañando a posición entre dous defensores e encarando ao gardameta local, que salvou ao seu equipo tras rexeitar o disparo do dianteiro verde.

Na segunda metade os dous equipos sairon máis decididos a ir polo partido, o Estradense máis físico e vertical ante un Arenteiro atrevido que non se arrugou en ningún momento, e do Arenteiro volveu ser a ocasión máis clara desta segunda parte, tras unha gran acción persoal de Rubén Arce que entregou un balón de ouro sobre a área local, pero Alberto e Carlos de Dios estorbaronse e fallaron en boca de gol, cando xa o cantaban na grada os afeccionados do Arenteiro.

Ao final, reparto de puntos que deixa ao Arenteiro como líder da Preferente Galicia outra xornada máis.

CD Arenteiro: Israel, Vilachá, Maxi, Arbo, Saúl, dafonte (Alberto, m.55), Cuquejo, Bardelás, Rubén Arce (Pol, m.88), Dani Vázquez (Varandela, m.63) e Carlos de Dios (Esteban, m.81).

Agora esta semana, doble cita: o martes dia 1 de Novembro partido de Copa Deputación ante a UD Ourense no Couto ás 18:30 horas. O domingo 12ª xornada de liga ante o CD Moaña en Espiñedo, ás 17 horas.

Con goles de Alberto e Iván Portos, ambos na segunda parte, o Arenteiro conseguíu sumar 3 novos puntos na súa visita a Sanxenxo, un resultado que permite aos verdes continuar como líderes por terceira xornada consecutiva.

Entrou ben no partido o Arenteiro, aínda que conforme ían pasando os minutos cedeu o control en favor do XuventudeSanxenxo, que tivo as mellores ocasións de gol nesta primeira parte,con incrusións pola esquerda do dianteiro local Curri que levaban moito perigo e sobre todo nun tiro raso e esquinado que atallou un moi seguro Israel.

Na segunda parte cambeou a decoración, e apenas con 5 minutos da reanudación Manel Vázquez indtrouciu un cámbeo táctico, retirando do campo a Varandela e dando entrada a Pol para reforzar a banda dereita por onde os sanxenxinos cargaban o xogo.

En dous minutos dúas xogadas clave, no 67 o Xuventude Sanxenxo quedabase con un xogador menos por cartón vermello directo tras unha dura entrada a Rubén Arce, e un minuto despois un centro dende a dereita de Dani Arbo é rexeitado polo meta local, o rexeite aproveitao Alberto para adiantar ao Arenteiro.

No minuto 82 nova expulsión no bando local por doble amarela que acabou por desequilibrar por completo o partido.

No tramo final o Arenteiro tivo ata 3 claras ocasións de sentenciar, ainda que houbo que agardar ao tempo de desconto para que Ivàn Portos, dentro da área, marcase tras unha gran xogada de Saúl. Eso, si, antes, no minuto 89 un libre directo ao borde da área foi desaproveitado polos locais.

O partido deixa danos colaterais para o Arenteiro, xa que no minuto 21 Bardelás tivo que abandoar o campo lesionado, tras recibir un golpe na tibia. As probas que esta mesma noite lle realizan no "Centro Médico El Carmen" determinarán o alcance da lesión.

CD Arenteiro: Israel, Vilachá, Maxi, Arbo, Saúl, Cuquejo, Bardelás (Dafonte, m. 21), Carlos de Dios (Iván Portos, m. 82), Rubén Arce, Varandela (Pol, m. 50) e Alberto (D. Vázquez, m. 70).

Na foto, o momento do primeiro gol do Arenteiro, obra de Alberto Blanco.