Deportes

Derrota do Arenteiro na súa visita ao campo do Casal de Moaña, nun partido que moi pronto de puxo de cara para os locais cando no minuto 6 e como consecuencia dun córner mal defendido polos verdes chegaba o primeiro gol do Moaña.

Co marcador de cara, o Moaña sentíuse cómodo e obrigou ao Arenteiro a apretar para tratar de empatar o partido, e pudo facélo cun par de ocasións das que dispuxo aínda antes do descanso, a máis clara, tamén ao lanzamento dende o córner cun balón que Adrián Padrón cabecea e vaise fora por moi pouco.

Na segunda metade o Arenteiro seguíu buscando o gol, aínda que sen fortuna nos metros finais. Sanginés, cun balón que gañou entre a defensa, a piques estivo de marcar. Tamén Dani Chimpín nun libre directo que enviou o balón á escadra que sacou con apuros o meta local, asi como un remate de Vilachá que se foi fora por pouco. Non era a tarde do Arenteiro, que ademáis de enfrontarse a un moi bo equipo, tampouco soubo adaptarse ás reducidas dimensións do terreo de xogo, de superficie sintética.

Xa no minuto 83, nun balón perdido na zona central, chegou o contragolpe do Moaña, co gol da sentencia.

CD Arenteiro: Israel, Pol, Padrón, Martín, Vilachá, Dafonte, Bardelás, Dani Chimpin, Arce, D. Vázquez e Sanginés. Tamén xogaron Carlos De Dios, Varandela, Alberto e D. Arbo.

Os verdes lograron ante o equipo de A Estrada unha victoria moi importante cara o desenlace final do campionato, nunha tarde chuviosa e fria, aínda que ao calor dunha afección que, con máis de mil persoas no graderío de Espiñedo, non deixou de animar ao Arenteiro durante os 90 minutos de partido.

Entrou ben o Arenteiro no encontro, pero o deseño do adestrador local Manel Vázquez logo se torceu porque no minuto 17 da primeira parte Pana tivo que abandonar o terreo de xogo tras unha acción dun xogador do Estradense. Pana foi trasladado ao centro médico da mutualidade, e afortunadamente en principio, non parece que a lesión revista gravidade.

Coa lesión de Pana, tivo que ocupar o seu lugar no lateral zurdo Rubén Arce, e trastocou o plan ofensivo do Arenteiro, que en realidade era o único equipo que trataba de xogar ao fútbol, xa que o Estrandense, en ningún momento propuxo nin dispuxo, pouca bagaxe a que mostrou hoxe para un equipo con máximas aspiracións nesta liga e plagado de excelentes xogadores, aínda que algo de mérito nesta gris actuación do equipo da Estrada tivo o equipo verde, que en todo momento soubo controlar ao rival.

Na segunda metade, máis do mesmo, é o Arenteiro o único equipo que busca o gol, con dúas boas ocasións, primeiro nun bo tiro de Alberto ao que resposta o gardameta visitante Koke cunha magnífica inttervención, e logo cun cabezazo de Martín nunha xogada a balón parado que se vai fora por pouco.

O premio a quen o merecía chegaba no minuto 69, centro de Sanginés que pega no defensor visitante Mateo, que introduce o balón na súa propia portería.

CD Arenteiro: Israel, Vilachá, Padrón, Martín, Pana, Dafonte, Bardelás, Sanginés, Vitti, Dani Chimpin e Rubén Arce. Tamén xogaron Alberto, Dani Vázquez, Varandela e Dani Arbo

Enfrontanse dende as 17:30 horas no Estadio Municipal de Espiñedo, o segundo e terceiro clasificados da categoria, polo tanto un partido que se presenta como clave na loita polo ascenso na que ambos están inmersos.

O partido chega, ademais, tras a polémica decisión do Comité de Competición desta semana, que tras unha reclamación do Estrandense deulle á éste por gañado (0-3) o partido da xornada 28 xogado no campo do Sanxenxo, que rematara con empate sen goles. O equipo da Estrada reclamara unha suposta alineación indebida do Sanxenxo por xogar ese partido dous xogadores que estarían de baixa médica, primeira vez que unha reclamación asi é atendida polo Comité.

Con tal decisión,  paradoxicamente, son máis e indirectamente perxudicados e sin comelo nin bebelo terceiros equipos -o Arenteiro un deles- que o propio infractor, o Sanxenxo neste caso, ao que tan so se penaliza restandolle un punto na clasificación, algo que en termos xurídicos non se sostén.

Pouca resistencia fixo esta tarde o equipo sanxenxino na súa visita ao Estadio de Espiñedo, onde os verdes gañaron con facilidade e mesmo poideron conseguir un resultado favorable máis amplo no marcador se non desaproveitasen o carrusel de ocasións de gol das que gozaron na segunda parte.

Pouco fútbol se pudo ver na primeira parte, na que o máis reseñable foi unha magnífica intervención do meta local Israel na única ocasión que tivo o Xuventude Sanxenxo en practicamente todo o partido, e por suposto os dous goles locais, o primeiro no minuto 13 obra de Rubén Arce nunha acción personal, e o segundo no minuto 41 obra de Vitti, que se aproveitou dunha imprecisión da defensa amarela para batir ao gardameta ruso do Sanxenxo, Vladir.

Na segunda parte, o partido foi un monólogo de Club Deportivo Arenteiro. No minuto 54 Vitti facía o segundo na súa conta particular e terceiro gol do Arenteiro, que sentenciaba o partido. Antes e despois deste gol, unha e outra vez o Arenteiro, sobre todo pola banda dereita cun Sanginés estelar, fabricou varias ocasións de gol que malograron os dianteiros verdes para alcanzar un marcador máis amplo que o 3-0 final.

CD Arenteiro: Israel, Arce, Vilachá, Martín, pana, Cuquejo, Bardelás, Carlos de Dios, Sanginés, Vitti e Dani Vázquez. Tamén xogaron Dani Chimpin, Alberto, Varandela, Maxi e Pachi.

Dous eventos deportivos destacados terán lugar esta próxima fin de semana no Carballiño. Trátase da V Media Maratón e do IX Rally do Lacón de Coches Clásicos, mentres que a proba de atletismo celebrarase o domingo, 19 de marzo, e o rally na xornada do sábado.

Ambos eventos foron presentados esta mañá polo concellleiro de Deportes, José Manuel Dacal; o presidente do Club Atletismo Carballiño, Fernando Guerra e o presidente de Clásicos Arenteiro, Jorge González.

O IX Rally do Lacón de Coches Clásicos conta con máis de sesenta coches inscritos, a maioría de Galicia pero tamén doutras comunidades como Madrid ou Castela-León. Os coches son do ano 62 en adiante e concentraranse a partir das 9,30 h., na rúa do Paseo. A saída será ás 11,00 h. Cun percorrido de 265 km, os coches pasarán polos concellos da comarca do Carballiño-Ribeiro, como Boborás, Avión, Bearíz, ata A Cañiza. Ás 16,30 h., regreso ao Carballiño, e saída a Cortejada, Cenlle, Melón, San Amaro e Maside. Ás 19,00 h., regreso ao Carballiño.

Ás 19,30 h., recorrido nocturno de 30 km. A partir das 20,30 h., concentración na Praza da Veracruz, e posteriormente, cea e entrega de premios.

A V Media Maratón Carballiño conta con trescentas persoas inscritas. Haberá unha proba de 21 km e outra curta de 7 km. A saía en ambos casos será da Avenida do Balneario, ás 10,30 h., do domingo, 19 de marzo.

A proba longa serán tres voltas a un circuito de 7 km que discorrerá pola Avenida do Arenteiro ata a ponte de Godás e depois, pola Avenida do Parque, rúa dos Carboeiros e Avenida do Balneario.

Tanto o concelleiro como os directivos dos clubes resaltaron a importancia destas probas que atraen a numerosos visitantes á vila, xa que as persoas inscritas solen traer outras persoas acompañantes, e son probas cun gran número de seguidores.

O Mondariz logrou o gol do empate co tempo xa cumplido, antes o Arenteiro pudo sentenciar o partido no trancurso da segunda parte con dúas claras ocasións de gol ante a portería local, asi que desta vez o desenlace final deixa mal sabor de boca aos verdes.

No minuto 37 Dani Vázquez adiantou no marcador ao Arenteiro remantando axustado ao pau un balón, tras o lanzamento dunha falta dende a banda, nunha primeira parte con poucas ocasións en ambas áreas.

Na prolongación o Arenteiro controlou ben atrás os intentos en ataque do Mondariz, pero perdonou as ocasións que tivo ante a portería local, primeiro Vitti e despóis Sanginès dispuxeron de dúas boas oportunidades para marcar o segundo.

Todo parecía poñérse de cara aos verdes cando o minuto 75 o Mondaríz quedou con 10 homes no campo tras expulsión con vermella directa a un dos seus xogadores por unha durísima entrada sobre Rubén Arce. Pero foi, paradóxicamente, a partir dese momento, xogando en inferioridade, cando os locais comezaron a levar máis perigo sobre a portería de Israel, aínda que sen consecuencias para o marcador ata que xa no periodo de desconto, chegaba o gol do empate.

CD Arenteiro: Israel, Pol, Padrón, Martín, Rubén Arce, Dafonte, Bardelás, Dani Vázquez, Sanginés, Vitti e Carlos de Dios. Na segunda parte tamén xogaron Cuquejo e Alberto, e os xuvenís Rivera e Fernando, que entraron na convocotoria ante a vaga de baixas coas que os verdes chegaron a este partido, oito en total, entre lesionados e sancionados.

Arenteiro e Cultural Areas ofreceron un partido dos que fan afección, un auténtico derroche físico, emoción, e sobre o terreo de xogo xogadores de gran nivel, que despediron cunha gran ovación final dende o graderío de Espiñedo, que volveu rexistrar unha gran entrada, tamén con seguidores do equipo visitante.

Sen dúbida, foi o líder o mellor equipo que pasou este ano polo Carballiño. Comezou o equipo ponteareán coa idea de dar un golpe á liga e facerse cos tres puntos en xogo, que de conseguílo houberan reforzado o seu liderato con 9 puntos de ventaxa sobre os seus perseguidores, pero enfronte esta o segundo clasificado, o Arenteiro, que ademáis tivo que xogar toda a segunda parte con 10 xogadores por expulsión de Pana, por doble cartón amarelo.

A primeira parte foi claramente do Cultural Areas, tanto por xogo como por ocasións, pero o Arenteiro conseguíu chegar ao descanso co 0-0 inicial.

E nada máis comezar a segunda parte, Vitti cabeceou un balón ao que chegou a tocar o meta visitante Luis, pero non pudo impedir o primeiro gol da tarde. A renglón seguido, prodúcese a expulsión de Pana, e a partir de aí os verdes sacan xenio e arrestos para aguantar moi ben o dominio do Areas, que non obstante consigue empatar no minuto 74.

Pero cando parecía que o partido podería inclinarse da parte do Clutural Areas, apenas 3 minutos despóis, Bardelás consigue volver poñer por diante ao Arenteiro ao lanzar unha falta lateral, o balón colle portería entrando polo segundo pau a pesar da estirada do meta visitante.

E de aí ao final, máis emoción, co Arenteiro aguantando ben atrás e o Cultural Areas lanzado a polo empate, xa co templo cumplido, o meta local Israel fixo o paradón da tarde, salvando os 3 puntos.

CD Arenteiro: Israel, Vilachá, Dafonte, Martín, Pana, Padrón, Cuquejo (Bardelás, m.46), Carlos de Dios (Vitti, m. 46), Dani Chimpin (Dani Arbo, m. 70) Rubén Arce e Alberto (Dani Vázquez, m. 61)

Partido nada vistoso o xogado no sintético de San Campio de Pontellas no que o equipo local fixo un pouco máis para quedarse cos 3 puntos ante un Arenteiro coa pólvora mollada en ataque, fundamentalmente, a razón pola que non foi capaz de sacar algo positivo nesta tarde grísácea, no meteorolóxico e no fútbolístico.

A primeira parte foi bastante equilibrada na posesión do balón, tanto Pontellas como Arenteiro trataban de entrar polas bandas, con máis corazón que acerto, sen grandes apuros para os gardametas de ambos equipos.

Na reanudación, estivo mellor o Pontellas, que protagonizou os mellores minutos do partido, con varias xogadas de perigo, incluído un balón que repeleu o pau. O Arenteiro lograba espabilar conforme ía avanzando esta segunda parte e cando parecía que por fin estaba decidido a dar un paso adiante, chegou o mazazo co gol local no minuto 78. Despois, as presas e un querer e non poder ata o pitido final.

CD Arenteiro: Israel, Pol, Arbo, Martín, Pana, Padrón, Dafonte, Bardelás (Cuquejo, m. 68), Arce (Sanginés, m. 67), Vitti (D. Vázquez, m. 74) e Alberto (Carlos de Dios, m. 58).

O Club Fluvial Avión-Catmarán Ribeira Sacra continúa preparando a vindeira tempada deportiva, na que competirá para conseguir novos retos na súa traxectoria no deporte da piragua.

Desta maneira, os palistas avionenses veñen de participar no "Control Galego de Inverno" celebrado no centro deportivo David Cal de Pontevedra, cunha distancia de 5.000 metros.

Na categoria Master conseguir valoraron o seu estado de forma  Mónica Piñeiro e Pedro Andrés.

Completaron a participación do club neste control invernal Alexia Bruquet e Yasmina Mehovic en cadete femenina, Andrés Tamayo e José Manuel Vigara en categoria xuvenil, asi como Angela Bruquet, en infantil.

Empate a un gol ao final dos noventa minutos e outra tarde máis -algo xa habitual- de gran ambiente no graderío do Estadio de Espiñedo, nun partido ao que asistiron o presidente da Federación Galega de Fútbol, Rafael Louzán, e os vicepresidentes José Manuel Fernández e Gustavo Falqué.

Reparto de puntos e reparto tamén de ocasións de gol entre ambos equipos, as máis claras na primeira parte de Carlos De Dios para os locais e de Ardersson para os visitantes. No minuto 41 adiantase no marcador o Arenteiro dende os once metros, ao transformar a pena máxima Dani Chimpin.

Na segunda parte non se xeraron moitas ocasións ante ambas porterías, pero Martín Lamelas aproveitou a que tivo no minuto 59 para empatar o partido, 1-1, que xa sería definitivo.

CD Arenteiro: Israel, Vilachá, Dafonte, Martín, Pana, Dani Arbo (Padrón, m.50), Cuquejo (Alberto, m.55), Bardelás, Dani Chimpin, Vitti (Dani Vázquez, m.84) e Carlos de Dios (Rubén Arce, m. 63).