Deportes

Un gol de Carlos de Dios no minuto 67 de partido deu ao Arenteiro unha maís que merecida victoria no Complexo Deportivo Alcalde Manuel Candocia de As Somozas.

O Arenteiro volveu facer un partido moi serio no que se fixeron acreedores a un resultado máis amplo que 0-1 que reflectia ao final o marcador.

Se ben a primeira parte resultou igualada e ambos equipos dispuxeron de ocasións, na segunda o Arenteiro foi dono e señor do partido.

Nos primeiros 45 minutos o Arenteiro xa dispuxo de tres magnificas ocasións para desnivelar o marcador, un cabezazo de Adil que se se foi alto, un man a man de Rober co gardameta local, e un tiro de Carlos de Dios que se foi fora por moi pouco. Pola súa parte, os locais tiveron dúas ocasións que Rui Santos se encargou de neutralizar.

Tras o descanso, o Arenteiro fíxose co control absoluto na parcela ancha e pasou a ser claro dominador do partido. Xa no primeiro minuto, presaxio do que sería toda a segunda parte, Igor sacou un chupinazo sobre a portería de Marcos Souto, que respondeu cun gran despexe, o rexeite chegou a Rober que enviou ao fondo da portería local, pero o gol foi anulado por suposto e moi dubidoso fora de xogo.

No minuto 67 chegou o gol de Carlos de Dios, e de ahí ao final, o Arenteiro aínda tivo varias ocasións de ampliar o marcador ao seu favor.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=45...

Crónica do partido no "Diario de Ferrol": https://www.diariodeferrol.com/articulo/deportes/somozas-prolonga-mal-mo...

Crónica do partido en "La Voz de Galicia": https://www.lavozdegalicia.es/noticia/ferrol/as-somozas/2018/10/08/duro-...

Arredor de 500 ciclistas, procedentes de toda Galicia pero tamén de provincias limítrofes como León e Zamora, participarán esta próxima fin de semana na VIII Ruta Os Mosqueteiros MTB Bike & Trail “Desafío Moskepower”, que organiza o club ciclista carballiñés. Nesta edición percorreranse diversos lugares dos concellos do Carballiño, Boborás e O Irixo.

O sábado 6 terá lugar o trail, con saída ás 17,00 h., da praza da Veracruz e un percorrido de 25 km Haberá como alternativa un trail curto de 15 km.

O domingo disputarase a maratón MTB Bike, de 65 km de percorrido, que sairá ás 09,30 h., da praza da Veracruz. E haberá tamén unha ruta curta alternativa de 42 km. O evento foi presentado esta mañá polo alcalde do Carballiño, Francisco Fumega; a concelleira de Cultura, Deportes e Turismo Boborás, Patricia Torres; o concelleiro de Deportes e Turismo do Carballiño, Manuel Dacal; o presidente do Club Ciclista Os Mosqueteiros, Nelson Costa, e os directivos desta entidade, Rubén Cerdeira e Javier Rocha.

Francisco Fumega comezou felicitando ao club ciclista organizador por conseguir consolidar esta proba así como a práctica deste deporte no Carballiño. Resaltou o gran nivel acadado e o feito de que estea xa considerada como un referente das competicións de ciclismo de montaña en Galicia.

Patricia Torrres tamén destacou a importancia desta ruta no ámbito provincial e autonómico, e a promoción que supón para o deporte, a cultura e o deporte na comarca. Así, dixo que o feito de que transcorra polas terras do Carballiño, O Irixo e Boborás permite dar a coñecer o patrimonio natural e paisaxístico, así como incentivar o turismo. Por todo isto, agradeceu o traballo que realiza o club ciclista Os Mosqueteiros.

Polo club interveu o secretario, Rubén Cerdeira que, ademáis de agraceder aos concellos do Carballiño, Boborás e O Irixo, Deputación provincial e patrocinadores a súa colaboración, lembrou o traballo que supón organizar un evento de tanta trascendencia e participación, asegurando que tras oito anos esta ruta está xa considerada como unha das máis relevantes de Galicia. Neste sentido, amosou a súa satisfacción por contribuir á práctica deportiva así como a difundir o patrimonio natural e os recursos turísticos do Carballiño e da comarca.

Finalmente, Manuel Dacal agradeceu o labor de Os Moqueteiros a nivel deportivo e de promoción turística, e animou á xente a seguir estas probas que ffiguran entre as máis importantes da provincia e de Galicia.

Os do Salnés, que viñan de gañar tres partidos consecutivos, adiantaronse no marcador aos 12 minutos ao transformar un penalti, despois habería que agardar preto do final do partido para que o Arenteiro conseguíse darlle a volta ao resultado, tras xogar unha gran segunda parte no que os verdes foron moi superiores ao Ribadumia.

Tras unha primeira parte sen apenas ocasións en ambas porterias, agás o gol de penalti, e tras o paso por vestiarios o partido pasou a ter un claro dominador e éste foi o Arenteiro, que incluso foi merecedor a un resultado máis amplo que o 2-1 final.

E esto porque os verdes tiveron un carrusel de ocasións sobre a portería visitante, aínda que tan so por dúas veces conseguiron facer gol. Foi o do empate no minuto 55 ao executar maxistralmente Hugo Sanmartín unha falta introducíndo o balón pola mesmísima escadra, e de novo Hugo Sanmartín no 86 ao rematar de cabeza un bo centro de Adrián Pol.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=45...

Hinchables, animación musical con DJ, salchichas e cervexa alemás, forman parte da oferta da II OKTOBERFEST que organiza C.D. Arenteiro esta fin de semana na Praza do Emigrante. Para isto estase instalando unha carpa na “pista roxa”.

O evento foi presentado esta mañá polo concelleiro de Cultura, Diego Fernández, e o directivo de C.D. Arenteiro, Manuel Sotelo.
Trátase de pasar un momento de divertimento, degustar bos productos e contribuir a xerar fondos para o club, segundo manifestou Manuel Sotelo, que expresou o desexo de que esta festa acadase tanto éxito como a primeira edición, celebrada o pasado ano.

Diego Fernández resaltou o esforzo que realiza a directiva do equipo de fútbol carballiñés para conseguir fondos adicionais con que sufragar os elevados custos do equipo nesta tempada, e que é unha festa para todo tipo de público, incluso familiar, pois os nenos disporán dunha zona de xogos hinchables.

A festa comezará este venres, 28 de setembro, ás 19,00 h.; continuará durante o sábado, e rematará o domingo. O horario de peche será ás 02,00 h., e o de apertura o sábado e o domingo será ás 12,00 h.

O domingo 30, no que se disputa en Espiñedo un novo encontro de Terceira División, enfrontándose C.D. Arenteiro ao conxunto do CD Ribadumia, anímase dun xeito especial á afección para achegarse ata a carpa e xantar salchichas e outros pinchos antes de dirixirse ao estadio. “É unha forma de axudar ao club compartindo o xantar coa afección”, dixo Manuel Sotelo.

O Arenteiro logrou sumar os 3 puntos na súa visita a Vilalba tras un partido con unha primeira parte igualada, mentres que tras a reanudación os verdes xogaron unha gran segunda parte na que superaron amplamente aos locais, marcaron dous goles pero poideron ser incluso máis, xa que por dúas veces o poste da portería local repeleu sendos tiros de Hugo Sanmartín e Igor Sevivas.

E foron precisamente os dous citados xogadores os que lograron marcar nesta segunda parte, primeiro Hugo Sanmartín, e logo foi Igor Sevivas, ambos en dúas brillantes accións personais, os que materializaron a victoria do Arenteiro no campo da Magdalena, na capital chairega, aínda que xusto é recoñer -sobre todo na segunda parte- que todo o equipo estivo a un bo nivel.

Especialmente reseñable é o traballo defensivo que desenvolveu o equipo verde -hoxe laranxa- durante os 95 minutos de xogo, e como mostra pódese decir que o meta Rui Santos pasou hoxe practicamente desapercibido no partido.

Para ver a ficha do encontro sigue o enlace: http://www.futgal.es/pnfg/NFG_CmpPartido?cod_primaria=1000120&CodActa=45...

A segunda BTT solidaria do Concello de Boborás en favor da Asociación Española contra o Cancro celebrarase o vindeiro domingo, 23 de setembro, aglutinando nun mesmo evento deporte e solidariedade.

A Deputación de Ourense colabora con este evento deportivo que ten un marcado carácter solidario e que ademais de dar a coñecer os atractivos turísticos do municipio, colabora con esta asociación que realiza un importante labor social na nosa provincia, explicou Rosendo Fernández. Neste mesmo senso, a concelleira Patricia Torres dixo que este evento pretende "dinamizar a vida deportiva de Boborás e, así mesmo, colaborar na loita contra esta enfermidade, na que a AECC fai un papel moi importante, sobre todo de apoio moral".

A proba deportiva conta cun percorrido de 40 quilómetros cunha dificultade técnica baixa e cunha esixencia física alta. A saída da proba será ás 9.30 horas. O día previo á proba, o sábado 22 de setembro, celebrarase un mercadillo solidario a partir das 17.00 horas, a favor da Asociación Española Contra o Cancro, no que haberá actividades para os máis cativos e un bar solidario. Tanto a saída da proba coma o mercadillo terán lugar no Colexio CEIP Nosa Señora de Xuvencos.

Os interesados en participar na BTT poderán inscribirse no portal web www.championchipnorte.com, por un custe de 15 euros, sendo a metade da cota destinada para AECC de Ourense.

"O ano pasado participaron algo máis de cen persoas, e por agora, nesta edición, están inscritos 70 participantes", sinalou a concelleira de Cultura, Turismo e Deporte de Boborás, quen lembrou que ademais dos ciclistas, "todo o mundo pode colaborar coa AECC de Ourense no mercadillo solidario que destinará o recadado para esta asociación".

Pola súa parte, a presidenta da AECC de Ourense agradeceu ao concello e aos voluntarios "que pensaran en nós por segunda vez" e dixo que o diñeiro recadado irá destinado para "a adquisición dunha grúa para o servizo de coidado de paliativos, material moi necesario e requirido".

Dúas accións a balón parado serviron ao Laracha para levarse os 3 puntos do Estadio de Espiñedo -co graderío abarrotado pola afección local- ante un Arenteiro que de inicio non entrou no partido e despóis e despois de que os coruñeses se adiantaran foi un querer e non poder constante por parte dos verdes.

Non foi a tarde do Arenteiro, que xogou con diferencia o pior partido do que vai de liga,

Cando se cumplia a media hora de partido, un córner lanzado polo Laracha, o balón ao primeiro pau e un xogador larachés conecta un cabezazo que se vai dentro da portería de Rui Santos. No primeiro minuto da segunda parte, de novo dende o córner outro balón que os visitantes consiguiron rematar dentro da área para facer o segundo e definitivo gol da tarde.

Despois, un querer e non poder dun Arenteiro ao que o ambiente festivo non prestou nada ben esta tarde de domingo. A pensar xa no próximo partido na capital da Terra Chá co Racing Vilalbés.

Competíu e competíu ben o Arenteiro ante o potente Bergantiños na súa visita a Carballo, e tiña o partido empatado 1-1 ata o minuto 79, e cando aos locais xa lle entraban as presas lograron desfacer a igualada nun marcador que despois redondearon co 3-1 final.

Crónica do partido en "la Voz de Galicia": https://www.lavozdegalicia.es/noticia/ourense/2018/09/10/arenteiro-solo-...

O árbitro inventouse un penalti no minuto 93 de partido, e o gardameta portugués do Arenteiro conseguíu desviar o lanzamento a córner, antes Rui Santos con duás enormes internvencións xa evitara que o Choco poidese adiantarse no marcador, que non se moveu durante os 103 minutos de xogo.

Crónica do partido en "Faro de Vigo": https://www.farodevigo.es/deportes/2018/09/03/punto-deja-sabor-amargo/19...

Crónica do partido en "La Región": http://www.laregion.es/articulo/deporte-local/rui-santos-salva-arenteiro...