Deportes

Tras o éxito conseguido no campionato celebrado na cidade de Vitoria, Chema Ferreiro foi agasallado na capital alavesa no restaurante-cafetería "La Carballinesa", propiedade dunha familia orixinaria de Longoseiros.

Neste campionato de España Master de Atletísmo, Ferreiro conseguíu a medalla de Ouro en 100 metros e medalla de Prata en 200 metros, na cateroria Master-65.

As bancadas do estadio municipal de Espiñedo contarán esta nova tempada con cadeiras individuais para os afeccionados por medio dunha subvención de 13.000 euros concedida pola Deputación de Ourense, según informa o concello carballliñés.

Trátase da segunda axuda do organismo provincial para a mellora das instalacións do estadio municipal de fútbol, tras a reforma efectuada na zona dos vestiarios esta tempada pasada, e que supuxo un investimento de 60.000 euros.

O compromiso para este novo investimento, que fará máis cómoda a asistencia dos afeccionados durante os encontros, ademáis de mellorar a imaxe das bancadas, con cadeiras de cor verde, fora adquirido polo presidente da Deputación, José Manuel Baltar, durante a visita ralizada a estas instalacións deportivas en febreiro deste mesmo ano.

Arredor de oitenta deportistas participarán este sábado, 23 de xuño, na III Copa Deputación de Patinaxe Artístico, que organiza o Club FENIX, en colaboración coa concellería de Deportes do concello do Carballiño, e que se celebrará no pavillón de deportes Paco Chao.

O evento foi presentado esta mañá nun acto ao que asistiu o alcalde, Francisco Fumega; o concelleiro de Deportes, Manuel Dacal; a entrenadora do club FENIX, Noelia Silva Rodríguez; a presidenta do club, Marta Domínguez, e Celia Rodríguez. Francisco Fumega agradeceu o esforzo que leva a cabo o club Fénix para poromocionar o deporte do patinaxe no Carballiño, así como por traer esta copa ao Carballiño.

Manuel Dacal tamén felicitou ao club e á directiva por incentivar o deporte base e por apostar polo Carballiño como vila de acollida de grandes eventos deportivos que repercuten no eido deportivo pero tamén no turístico.

Así mesmo, agradeceu á Deputación a súa colaboración coa promoción deportiva no Carballiño, así como os patrocinadores que fan posible a realización desta competición: Frigoríficos Florindo, Pastelería La Creme, Gadis, Flor de Lis e o Centro Comercial Aberto. Noelia Silva destacou a importancia deste campeonato, que espera sexa oficial no calendario da Federación Galega de Patinaxe para o próximo ano. Neste senso, recalcou o avance conseguido en pouco tempo para promocionar este deporte no Carballiño e integralo a nivel provincial e galego.

Así, dixo que ía ser un gran día para os nenos e nenas patinadores, e que esperaba unha boa afluencia de afeccionados nas bancadas. As portas do pavillón abriranse ás 10,45 h., para dar comezo ás probas das categorías inferiores.

Ás 13,30 realizarase a primeir entrega de trofeos. A partir das 16,00 h., continuará o campeonato coas seguintes categorías, ata as mais altas, a rexional. Está prevista a entrega de trofeos a partir das 19,30

Club Deportivo Arenteiro vivirá a 17ª tempada na terceira división, nos seus 60 anos de historia, na próxima tempada 2018-2019, non fará falta esperar que haxa ningún ascenso á Segunda B dun equipo galego nas promocións que se están desputando porque o Coruxo salvou a categoria, os verdes e O Carballiño xa non teñen que agardar máis para saber que seguirán disfrutando do fútbol de terceira outro ano máis.

Tras alcalzar o posto 14 na tempada rematada, o Arenteiro podería verse obrigado a esperar un mes para confirmar a súa participación cara a tempada que ven na terceira división, pero eso xa non sucederá, como si terán que facer Laracha e Cultural Areas, para ver se se libran dos arrastres de descenso provocados pola caída á terceira do Cerceda e o Racing de Ferrol, equipos cos que para a próxima tempada competirán os carballiñeses

800 deportistas de toda a provincia de Ourense participarán este sábado, 26 de maio, na fase final da Copa Deputación de Ximnasia 2018, que se celebrará no pavillón de deportes Paco Chao do Carballiño.

O evento desenvolverase durante todo o día, en xornada de mañá e tarde; comezará ás 9 da mañá e rematará sobre as 8 da tarde.
As modalidades a competición son: TUMBLING e MINITRAMP, nas categorías prebenxamín, benxamín, infantil, alevín, cadete e senior; RÍTMICA INDIVIDUAL, nas categorías cadete, infantil, alevín, benxamín, prebenxamín e iniciación; e RÍTMICA CONXUNTOS, nas categorías senior, cadete, infantil, alevín, benxamín, prebenxamín e iniciación.

Calcúlase que esta competición atraerá ao pavillón de deportes carballiñés a preto de 2.000 persoas, entre ximnastas e acompañantes, polo que está previsto un operativo especial de regulamento do tráfico e do aparcamento nesta instalación deportiva.

O Arenteiro remata a liga no posto 14 da clasificación tras gañar 0-2 ao Cultural Areas, polo que os verdes logran evitar os dous postos de arrastre polos descensos dende a Segunda B de Cerceda e o histórico Racing de Ferrol, tan so toca esperar que o Coruxo gañe a promoción de descenso, se eso non ocurrise habería que agardar un ascenso dun dos 4 equipos galegos que promocionan á Segunda B, para asegurar definitivamente a presenza do Arenteiro na terceira división para a vindeira tempada.

No partido que baixaba o telón da liga no campo da Lomba de Ponteareas, os verdes fixeron un partido moi serio, e tanto que apenas pasaron por apuros ante un Cultural Areas que tamén se xogaba bastante, xa que ao perder podería meterse en descenso directo, o que finalmente non ocurríu porque Noia e Negreira perderon os seus respectivos partidos.

Carlos de Dios adiantou no primeiro tempo ao Arenteiro ao finalizar unha boa xogada en ataque dos verdes, e na segunda parte un gol en propia meta do Areas, foi a sentencia definitiva.

O Arenteiro non estivo so neste transcendental partido, xa que a maioria dos afeccionados que se deron cita no campo da Lomba foron os desplazados dende O Carballiño, que ao final festexaron o triunfo do equipo, sabedores das grandes posiblidades que hai para que o Arenteiro siga tamén o ano que ven na terceira división.

Para ver a ficha do partido, sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

O Arenteiro xógase este domingo dende as 6 da tarde no campo da Cultural Areas unha gran parte das posiblidades de permanecer na Terceira División, no caso dun triunfo dos verdes e que non gañen Laracha e Céltiga, o Arenteiro podería evitar o descenso por arrastres dos equipos galegos da Segunda B.

Para aqueles afeccionados que non dispoñán de vehículo propio para desplazarse a Ponteareas, ou prefiran a comodidade do autocar, o club en colaboración con Autocares Rodríguez organiza un desplazamento organizado, por 5 euros o billete, con saída dende o Carballiño ás 4 da tarde do domingo. A reserva de billetes faise nas oficinas de Autocares Rodríguez.

Aos cinco minutos o partido púxose de cara para o Compos que logrou adiantarse no marcador cun gol que sería o único da tarde en Espiñedo, nun partido no que na segunda parte o Arenteiro tirou de orgullo e xogou máis que o líder, que tivo a sorte do campión da súa parte.

Porque todo houbese cambeado si tras o descacnso o Arenteiro aproveitase o seu dominio, cunha moi clara ocasión de gol nun balón ao que Iker Hurtado non chegou por milímetrros, ou se o árbitro sinalase un clamoroso penalti sobre Rubén Arce mediada a segunda parte. Nin o árbitro principal nin o seu asistente quixeron velo, e igual tampouco viron como quedou sangrando o dianteiro verde despóis de que nesa xogada o defensor do Compos lle clavase un taco na perna. É dificil de entender como non se pita un penalti tan, tan claro.

Ao final, alegría no equipo e na afección da S.D. Compostela, que logrará a fase de promoción de ascenso a Segunda B, na súa condición de campión.

Ao Arenteiro tócalle seguir loitando pola permanencia, que cos resultados rexistrados nesta xornada, pasa por un triunfo na última xornada  no campo do Cultural Areas.

Para ver a ficha do partido, sigue o seguinte enlace:  http://www.futgal.es/pnfg/NFG_CmpPartido?cod_primaria=1000120&CodActa=28...

Un gol "delicatessen" de Rubén Arce e outro de Igor Sevivas certificaron o triunfo dos verdes en Barbadás, ainda que os locais recortaron no marcador no minuto 77 e ao final tocou sufirir, nun partido con exquisita deportividade a pesar do que se xogaban ambos equipos e cun protagonista negativo, o árbitro coruñés José Manuel Cives.

Quen non vise o partido e vexa a acta arbitral, con ambos adestradores expulsados e ata 13 cartóns amarelos e doble a Igor Sevivas, pensará que o partido foi unha batalla campal, nada máis lonxe da realidade, a pesar da tensión en ambos equipos, nin un mal xesto, nin unha mala entrada, nun partido exemplo de deportividade.

Desafortunada actuación do trio arbitral, abuso de tarxetas sin ton nin son, e con contínuos erros, o demáis bulto no gol do Barbadás, que chega nunha xogada despois de que o balón saíu claramente do campo.

O partido estivo moi trabado durante toda a primeira parte, e condicionado polas características do terreo de xogo dos Carrís, cos dous equipos temerosos de cometer erros en defensa, e moi atentos ás segundas xogadas.

Tras o descanso, chegou a "exquisitez" de Rubén Arce, o dianteiro verde ao borde da área grande víu ao porteiro local lixeiramente adiantado, e lanzou o balón cun curva perfecta que superou ao bo meta portugués do Barbadás, Rui.

O gol exploleou aos locais que se foron polo empate, pero foi o Arenteiro que volveu golpear no minuto 66 por medio de Igor Sevivas, cun tiro raso que se colou na portería do Barbadás.

O gol local que volvía meter aos azulóns no partido chegou no minuto 77, aínda quedaba moito partido, pero os verdes defenderon con uñas a renda no marcador, logrando así tres importantísimos 3 puntos para avanzar cara a permanencia.

Na foto, o golazo de Rubén Arce.

Xornada de contrastes para a afección verde, dunha parte feliz pola celebración dos actos conmemorativos do 60 aniversario da fundación de Club Deportivo Arenteiro, unha felicidade que non pudo ser completa porque tivo que conformase cun empate no partido ante o Boiro.

Ë igual que fose sábado e a unha hora bastante cedo, a das catro e media da tarde, nada impedíu que a gran afección do Arenteiro acompañase ao equipo neste partido que foi histórico, xa que por vez primeira na historia do club a Televisión de Galicia retransmitíu en directo e íntegro o partido a través da TVG-2.

Nos prolegómenos, o presidente da Real Federación Galega de Futbol, Rafael Louzán, fixo entrega ao club dunha placa conmemorativa coincidindo con este 60 aniversario.

Xa no puramente deportivo, o Boiro adiantouse no marcador aos 36 minutos de partido, no primeiro tiro que facía entre os 3 paus, un auténtico golazo dende fora da área, nunha primeira parte na que o Boiro puxo o fútbol e o gol e o Arenteiro as ocasións, dúas moi claras que non culminaron os verdes.

Na segunda parte o Arenteiro, sabedor do que se estaba xogando, saíu a por todas e nos primeiros 25 minutos acorralou ao Boiro na súa área ata que chegou o gol do empate, obra de Brais Vidal.

Cando todo parecía indicar que podía chegar a remontada despóis de facer o máis difícil, o certo é que a partir do gol o xogo do Arenteiro xa non fluíu tan ben, aínda que seguíu creando ocasións ante a portería rival, que non soubo culminar. Mentres, nesta segunda parte o Boiro tan so tivo unha oportunidade clara, pero o cabezazo do brasileño Igor de Souza foise fora.