Deportes

O equipo chairego tan so foi capaz de inquietar a meta de Pachi no tramo final dun partido no que o Arenteiro estivo moi serio á hora de defender durante os 90 minutos e incluso tivo as súas ocasións de gol para traerse os 3 puntos para O Carballiño.

No seguinte enlace podes ver a crónica do partido no xornal "El Progreso": https://www.elprogreso.es/articulo/deporte-local-lugo/0-0-vilalbes-manti...

Os pucelanos de Rolling Lemos e os coruñeses del Alquimia e Galicia Rollers acaparon os podios do Trofeo Federación Española de Patinaxe na modalidade de freestyle celebrada no pavillón Paco Chao de O Carballiño baixo a organización do club local Aehde O Carballiño.

Na proba de speed, en categoría femenina impúxose Lucía Rodríguez, do Rolling Lemons de Valladolid, mentres a súa compañeira Julia Cortejoso era segunda e a coruñesa do Alquimia, Candela Suárez Terceira. Na modalidade de derrapes foi Lucía Antruejo a gañadora e en speed masculino Óscar Pedrós do Galicia Rollers de A Coruña foi o primeiro.

Na modalidade de salto a primeira posición foi para o pucelano Pablo López, seguido polo seu compañeiro de equipo Miguel Cournane e María Rúa do Alquimia completaba o podio. Tamén se rexistrou triunfo galego en classic mixto, onde Candela Suárez (Alquimia) facíase co triunfo, mentres na mesma discipliña pero para maiores de 16 anos o triunfo íase ata Valencia da man de José Escobar (Uniteam).

No battle feminino Lucía Truejo (Rolling Lemons) se llevó el triunfo absoluto por delante de la madrileña Sara Sánchez (InGravity), mientras que Candela Suárez (Alquimia) se hacía con la victoria en menores de 14 años.

O evento celebrouse ao longo de toda a xornada do sábado no polideportivo de O Carballiño baixo a organización do Club de Patinaxe Aehde O Carballiño e co apoio do concello local. Era a primeira vez que unha cita de patinaxe da rango estatal se celebraba na provincia de Ourense.

O Club Deportivo Arenteiro celebrará por todo o alto o sesenta aniversario da creación da entidade, e por iso ten previsto desenvolver un programa de actos que terán lugar o sábado, 28 de abril.

Este programa foi presentado esta mañá polo alcalde do Carballiño, Francisco Fumega; o concelleiro de Deportes, Manuel Dacal; o presidente do club, Xan Fernández Pinal; o vicepresidente, Manuel Sotelo; e Paco Cachorro. Ese día, o sábado 28 de abril, ás 12,30 h., inaugurarase na casa do concello unha exposición fotográfica e de material histórico de C.D. Arenteiro, que consta de oito paneis.

Esta exposición permanecerá ata o 4 de maio, e a partir desa data colocarase de forma permanente no túnel da entrada de Espiñedo. Ás 13,00 h., desenvolverase no salón de plenos do concello un acto institucional ao que están invitados todos os afeccionados que queiran asistir, ademáis de autoridades, xogadores e directivos.

Neste acto estrenarase o Himno do 60 aniversario de C.D. Arenteiro, con letra de Emilio Rodríguez e música de Cristian Casas, que será interpretado polo Orfeón do Carballiño. Ás 14,00 h., terá lugar un xantar de confraternidade no restauraunte A Fuchela, para o que xa están á venda as tarxetas ao prezo de 25 euros, que se poden adquirir ata o xoves, 26 de abril, no propio restaurante.

E pola tarde, ás 16,30 h., a TVG retransmitirá íntegramente dende o estadio de Espiñedo o encontro correspondente á xornada 35, que disputarán C.D. Arenteiro e C.D. Boiro. Neste partido, o Arenteiro lucirá unha camiseta conmemorativa deste aniversario, que foi deseñada cunha clara evocación á camiseta dos primeiros anos de C.D. Arenteiro, o que se percibe, sobre todo, no escudo.

Na presentación deste programa, Francisco Fumega amosouse moi honrado por poder participar, como alcalde e como carballiñés, no acto que conmemora non só o nacemento do club de fútbol, senón unha época de fulgor do Carballiño a mediados do século XX. “A historia do Arenteiro é a historia do Carballiño –dixo ao respecto-; unha época na que se viviu intensamente as cores, o sentimento do pobo e levar o nome do Carballiño por toda Galicia. Por isto, expresou os seus parabéns ao club. Manuel Dacal compartiu esta felicitación e lembrou a súa época de ligazón co Arenteiro como xogador.

Lembrou a traxectoria do club, en consonancia co crecemento da vila, e tivo unha mención xenérica para os xogadores e directivos que fixeron historia no equipo. Tamén resaltou as melloras que se levan a cabo nas instalacións do estadio.

Finalmente, Xan Fernández Pinal referiuse a esta efeméride como unha opoetunidade de facer memoria do Carballiño dos últimos sesenta anos. Expuxo polo miúdo o programa previsto, destacando a exposición na que se recollen episodios, tanto alegres como algúns tristes, de sesenta anos de andaina, recollidos en oito paneis que serán ubicados de forma permanente a partir do 4 de maio no estadio de Espiñedo. Agradeceu ao delegado do club Julio Nóvoa, así como a Paco Cachorro e Manuel Sotelo, entre outros, a colaboración para recopilar o material que figura na exposición.

O presidente do club tamén tivo unas palabras de agradecemento para os creadores do Himno do 60 Aniversario, e, especialmente, para os afeccionados da diáspora, que dende os países máis remotos do mundo seguen cada domingo a marcha do equipo. Neste senso, recordou a importancia da retransmisión do partido contra o Boiro pola TVG, xa que hai emigrantes carballiñeses en Australia, Suíza, México, Panamá e outros países, que seguen os resultados pola Radio Galega.

Finalmente, convidou a todos os afeccionados e veciños a participar nos actos, e agradeceu a colaboración das empresas patrocinadoras e do concello. Para difundir este programa de actos, C.D. Arenteiro editou un díptico no que se resume a historia do club e se reproducen os nomes dos vintedous presidentes e trinta e cinco adestradores que tivo a entidade nestes sesenta anos.

Dous goles de Rubén Arce dan 3 puntos de ouro ante un rival directo como é o Laracha CF, ao que ademáis os verdes gañan o coeficiente particular xa que no partido da primeira volta, tamén precisamente cun gol do mesmo Rubén Arce, os verdes gañaran aquel partido.

Espiñedo volveu rexistrar unha gran entrada, con máis de 1000 afeccionados, para presenciar un encontro cualificado coa primeira das varias finais que restan ao Arenteiro neste tramo final da competición na terceira división, para sumar o maior número de puntos posibles ante unha posible devacle dos equipos galegos de segunda B, que motivaría unha cascada de descenso por arrastres na terceira división.

No partido desta tarde ante o equipo coruñés, o Arenteiro xogou un moi serio partido na parte de atrás, mentres que Arce encargouse do resto. Na primeira parte nunha acción persoal conseguíu abrir a lata batendo ao meta visitante cun tiro a media altura e ao primeiro pau.

Tras o descanso, ao pouco de iniciarse a segunda parte, outra vez Arce fabricou o segundo gol para poñer o 2-0 que ao final sería definitivo. O dianteiro verde provoca un penalti que él mesmo se encarga de transformar.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

Encher Espiñedo e axudar ao equipo no momento máis complicado da competición, éste é o obxetivo e por eso a directiva do club decidíu rebaixar a 5 euros a entrada para o público en xeral, os socios do Arenteiro coma sempre entrarán gratis.

Enfronte, un rival directo, o Laracha CF, un deses partidos nos que unha victoria vale máis que 3 puntos. A cita, o domingo 15 de Abril, dende as 17:30 horas no Estadio de Espiñedo.

O Arenteiro perdeu unha oportunidade de ouro de sacar algo positivo do campo do Ribadumia, pero tamén esta tarde a falta de acerto ante a portería contraria volve penalizar a un equipo que, para colmo de males, marcou en propia meta nunha desafortunada acción coa que os do Salnés lograron sacar adiante un partido (1-0) que xogaron en inferioridade numérica dende o minuto 16.

Crónica do partido en "La voz de Galicia":  https://www.lavozdegalicia.es/noticia/arousa/2018/04/09/zancada-gigante-...

Duro revés para os verdes en Espiñedo, tiveron varias ocasións de gol, e moi claras, para marcar pero a falta de puntería ante a portería rival volve ser unha excesiva condena para un Arenteiro negado ante o gol.

E outra vez volve a ser a historia que pudo ser e non foi, porque xa na primeira parte primeiro Iker e despois Igor puderon adiantar ao Arenteiro, pero os dianteiros locais fallaron, Iker nun man a man co porteiro visitante e Igor xa co meta batido.

Apenas unhos minutos antes do descanso, primeira xogada de mérito dos coruñeses e bingo, gol para irse a vestiarios con ventaxa visitante, e mazazo para os verdes.

Na segunda parte o Arenteiro saíu con decisión para revertír a situación, o equipo loitou pero sen recompensa, ata o punto de fallar incluso a portería vacía, sen dúbida a máis clara do partido nas botas de Vilachá. Antes, Pachi fixera o máis difícil ao evitar que o partido seguise vivo ao impedir que o Silva marcase de penalti.

Excesivo castigo para o Arenteiro e demasiádo premio os 3 puntos para o Silva, polo visto no cómputo dos 90 minutos.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

A palista do Fluvial Avión suma unha nova medalla ao seu palmarés, neste caso un bronce no Campionato de España Master de Piraguismo celebrado este pasado sábado 17 de Marzo no río Guadalquivir, en Sevilla.

Mónica Piñeiro conseguíu a 3ª posición na categoria máster 40-44, nesta mesma categoria, pero na masculina, o tamén palista do Fluvial Avión, Pedro Andrés, clasificouse no posto 19.

As regatas desenvolveronse nunhas condicións meteorolóxicas moi adversas, e numerosos participantes tiveron que ser rescatados polas lanchas de salvamento.

Na foto, Mónica Piñeiro, no acto de entrega de medallas.

De nada valeu o golazo de Iker Hurtado que empataba un partido que moi pronto, aos 6 minutos, se puxo favorable para os locais nunha tarde inspirada do futbolista local Ricar, que conseguíu un hat trick e fixo que o Arenteiro regresase de vacio da súa visita a Redondela ao caer derrotado por 3-1.

O Arenteiro empataba o partido no minuto 13 tras unha gran acción persoal de Iker Hurtado, o 9 do Arenteiro sorprendía ao porteiro local Cortegoso cun gran tiro dende fora da área que se colou pola mesma escadra da portería do Choco.

Pero pouco lle durou a alegría aos numerosos seguidores do Arenteiro desplazados a Redondela, porque apenas dez minutos despois do gol do empate, un libre directo de Ricar sobre a portería de Pachi, cun tiro a media altura e parecía que fácil para o porteiro, foise directo ao fondo da portería. Na segunda parte, Ricar completou o seu triplete, no minuto 64, e partido finiquitado.

E para colmo de males, no minuto 38 tiña que abandoar o terreo de xogo Rubén Arce, lesionado nun xeollo, o seu sustituto Martín González tivo que facélo despois de estar apenas media hora no campo de xogo, ao sufrir unha contractura. Tamén Carlos de Dios regresou aqueixado de molestias. Un parte de lesións moi preocupante, no que xa figuran Igor Sevivas, Dani Chimpin e Saúl.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

Dúas accións a balón parado na primeira parte puxeron o partido en franquicia para o Bergantiños, que marcou nos minutos 25 e 34, antes Iker Hurtado -por dúas veces- pudo adiantar o Arenteiro, pero nunha ocasión non chegou por pouco e noutra o porteiro local sacou unha man prodixiosa que impedíu que os verdes se puxeran por diante no marcador.

Os de Carballo saben sacar rendemento como ninguén nesta categoria ás xogadas a balón parado e volvereno demostrar, a primeira que tivo de cabeza Rubén Rivera a saída dun corner foi dentro, o mesmo fixo Baleato rematando unha falta lateral, case tamén dende o punto de córner.

Na segunda parte, no minuto 70 chegou o 3-0 para o Bergantiños, e partido finiquitado. Ademáis do resultado, no negativo, temos que anotar a lesión de Dani Chimpin, que resultou mancado nun xeonllo.

Para ver a ficha do partido sigue o seguinte enlace: http://www.futgal.es/pnfg/NFG_CmpPartido?cod_primaria=1000120&CodActa=28...

Crónica do partido en "La Voz de Galicia": https://www.lavozdegalicia.es/noticia/carballo/2018/03/12/bergantinos-ve...