O RAPOSO, A XINETA E O TEATRO DE SUSANA
“De quen fixo da alcaldía un escenario e agora se queixa do guión.”
“O raposo no galiñeiro”, dis ti.
Pois se hai algún, fuches ti quen lle abriu a porta cando fixeches da alcaldía o teu propio corral particular. Peor có raposo é a xineta: escóndese, róubao todo e logo fai ver que non foi ela. O Irixo xa sabe ben o que é terte gobernando: personalismo, prepotencia e un Concello bloqueado pola túa incapacidade para entenderte nin co teu propio grupo nin cos demais concelleiros.
Escoitarte falar de “falta de traballo” ou de “proxectos herdados” é como ver a quen deixa un papel en branco e logo quere que lle dean as grazas por escribir o libro.
O que ti chamas proxectos eran simples anuncios e propaganda de bar. As obras que hoxe se están vendo no Irixo son resultado do traballo do actual goberno, que tivo que proxectar, tramitar e executar o que ti deixaches sen orzamento, sen documentación e, nalgúns casos, sen sentido.
Dicir que non se convocaron plenos en dez meses é outra falsedade máis: houbo dous plenos extraordinarios, e ademais o secretario municipal estivo de baixa, polo que houbo que incorporar un novo. Pero ti, que nin sabes como funciona a administración, prefires manipular antes que informarte e dicir a verdade.
Tamén falas de obras “mal feitas” que nin sequera fuches ver. Opinas de oídas, porque pasar tantas horas no bar non deixa moito tempo para comprobar as cousas. E o máis curioso é que agora andas vendendo, ou cando menos dando a entender, que a obra de Alemparte foi idea túa, cando desde que fuches buscar os votos por alí non volviches máis. Se che interesa tanto, vai vela: aglomerado en quente, ben feita, e non a trapallada de firme que deixaches en Rivela e Santiso. Alí a Deputación fixo a obra e, ademais, concedeu unha subvención de 40.000 euros, cos que ti fixeches un simple rego asfáltico vendido como se fora unha gran obra. E xa sabemos todos que esa chapuza non vale nin de lonxe o que custou.
E xa que falas de “intereses persoais”, cómpre lembrar quen mandou hormigonar para si mesma o acceso á súa casa turística do río e á súa eira privada que ten detrás, mentres deixaba en terra as entradas doutros veciños do mesmo camiño. Despois buscaches a escusa de sempre: que era “para o chilote que ten alí ao lado o Concello”. Outra mentira máis. E xa que estamos, outro día falamos tamén dalgunhas facturas de traballos sen executar ou con importes inflados para xustificar pagos e favores a cargo do diñeiro do Concello… porque diso tamén houbo, e todos sabemos que un simple "xogo para nenos" non vale case dez mil euros.
Do raposo falas ti… pero no galiñeiro xa deixaches máis dun burato.
Igual a Fiscalía tiña que pedir as facturas do teu ano de goberno. ¿Dicímosllo?
E iso de que vas ir “casa por casa” tamén fai graza. Igual querías dicir “bar por bar”, que é onde pasas máis tempo contando as túas versións e repartindo culpas. Mira que agora xa non podes cobrar dietas por andar por aí… que seica as chegaches a cobrar ata por ir ós enterros.
O señor Cerdeira —por moito que che pese— gañou as eleccións e quedou a unha ducia de votos da maioría absoluta. Ti quedaches con tres concelleiros, pero se non chegaras a levar na túa lista ao concelleiro de Corneda, que tanto utilizaches para chegar á alcaldía e despois che sobrou cando deixou de servirche, terías quedado con dous, a metade dos que sacou o Partido Popular. Esa é a túa maneira de facer política: usar ás persoas mentres che son útiles e apartalas cando xa non che valen.
E xa que tanto che gusta poñer exemplos, poderías aprender algo do que foi o teu propio socio de goberno do PSOE, o tenente de alcalde que dimitiu cando viu que non eras quen de respectar nin as súas competencias nin o acordo de goberno. Ti si deberías aprender a asumir responsabilidades, sobre todo despois de fracasar dúas veces seguidas ao tentar aprobar uns orzamentos que nin o teu número dous quixo apoiar.
Non sabemos quen será alcalde ou alcaldesa dentro de dous anos, pero o que si parece cada día máis claro é que ti non.
Cando che convén, pos voz conciliadora e falas de unión; cando non, insultas e atacas. Tes un don para manipular, para aparentar o que non es, e iso xa non engana a ninguén. Porque quen te coñece sabe ben o que se agocha detrás desa voz doce e dese ton de vítima.
O tempo das mentiras, das escusas e dos teatros xa pasou. O Irixo merece seriedade, non política de taberna. E mentres ti segues co teu papel de vítima, outros —sen ruído— seguen traballando polos veciños e poñendo o Concello a funcionar
Entre o bar, a radio e as mentiras, non che queda tempo nin para traballar.
O Festival Internacional de Curtametraxes Xociviga arrancará o mércores 19 de novembro coa estrea mundial da peza “As maos da pulpeira”, dirixida por Silvia Cachafeiro, a primeira produción audiovisual protagonizada por mulleres pulpeiras.
A obra rodouse integramente na comarca do Carballiño a finais de 2024 e foi producida pola recoñecida compañía Matriuska Producciones. Ademais, conta con financiamento do ICAA, Deputación de Ourense e Agadic e coa colaboración do Concello do Carballiño.
A curta presenta a Concha e Ramona, dúas pulpeiras do Carballiño dos anos 50 que están traballando nunha romaría. A través delas, o público coñecerá o traballo das pulpeiras naqueles anos de pobreza e emigración, así como a importancia da sororidade e do apoio entre as mulleres. “A idea xurdiu dunha conversa cunha pulpeira, cando descubrín como era o oficio das pulpeiras nos anos 50 e 60, e como actualmente está a cambiar”, explica a directora, Silvia Cachafeiro.
O elenco está formado por actrices e actores profesionais, como Miguel de Lira ou Susana Sampedro, pero tamén por pulpeiras do Carballiño que actuaron diante das cámaras por primeira vez. “Foi unha experiencia vital meterme nunha personaxe e verme nun escenario con toda a montaxe e a produción”, explica Emma del Rosario, actriz protagonista e de familia pulpeira.
“A curta é unha aposta polo oficio desta terra, un xeito de proxectar e visibilizar á muller matriarcal daqueles anos, que pode con todo, e un convite para que as mulleres se replantexen esa forma de vivir sen pedir axuda, tirando para adiante soas”, engade. Sally Iglesias, actriz coprotagonista, tamén pon en valor a experiencia da rodaxe.
“Foi espectacular, tanto coa produtora, a directora, o guionista, vestiario, maquillaxe… Fomos como unha familia e aprendimos moitísimo”, asegura. A directora e as actrices convidan á veciñanza do Carballiño, así como á poboación da contorna, a achegarse o día 19 á estrea. “Creo que é bonito como figura galega que é a muller pulpeira vir apoiar o proxecto e ver como se representa no cine. Case todas as actrices son pulpeiras, e tamén estivemos asesorados por mulleres que traballaban naquela época”, detalla a directora, quen tamén destaca o traballo do guionista, Duarte Caseiro.
A proxección será ás 20,30 horas o día 19 no Auditorio Manuel María, e estará seguida dun coloquio aberto co público, no que participará o equipo técnico e artístico da película.
Prazas esgotadas para o obradoiro infantil
O obradoiro infantil de foley e dobraxe enmarcado nas Xociviga, que se celebrará o sábado 15 de novembro, completou xa o seu aforo en tempo récord. A organización agradece a enorme acollida e o interese das familias, que confirman o éxito desta proposta educativa destinada a achegar o cinema aos máis pequenos.
Por outra banda, a semana próxima dará comezo a competición de videoclips en liña, que contará coa votación do público a través de Instagram. As obras seleccionadas son “Hibernarse”, de Fillas de Cassandra; “Aquí Sempre Tes Casa”, de Dani Cornes; “Equilibrar”, de Hugo Guezeta e Guadi Galego, “Perdín a Memoria”, de MJ Pérez; “Metamorfose”, de Peitoescuro, e “Ontes fun moi malo”, de Grande Amore.
O público poderá visualizar os vídeos e participar activamente na elección do Mellor Videoclip XOCIVIGA 2025, reforzando así o vínculo directo entre o festival e a súa comunidade.
A partir de hoxe acaba unha era no Carballiño. A estación de autobuses pechou para sempre. Agora a mollarse e pasar frío na rúa. Por certo, primeiro día do cambio e xa con problemas. Autobuses parados no medio da rúa interrompendo o tráfico. Así imos ben. Botando de menos o que tiñamos involucionamos como sociedade.
Nos estudos de COPE O Carballño celebrouse unha nova entrega do espazo máis lonxevo desta emisora de radio, a deste venres 7 de novembro, coa participación como contertulios de José Antonio Barge, Sebas Lamazares, Fátima Gómez, Manuel Nogueira e Gonzalo Rodriguez, e con Xan Pinal como moderador.
Escóitao aquí:
A corporación municipal do Irixo reuníuse esta mañá na primeira sesión de pleno que se celebra en varios e tamén a primeira que se convoca tras o acordo entre a alcaldesa Rosa María Dalama e o Partido Popular.
Precisamente, nesta sesión oficializouse ante o pleno a nova situación política no concello do Irixo, dándose conta ao pleno da delegación de competencias feita pola alcaldía a favor dos concelleiros do grupo popular, e o nomeamento como primeira tenenta de alcadesa de María José Villanueva, tamén concelleira do Partido Popular.
A exalcaldesa Susana Iglesias, e agora na oposición como portavoz do grupo “Xuntos polo Irixo” achegou á audiencia de COPE O Carballiño o seu punto de vista sobre esta nova etapa política.
Aquí podes escoitala:
A Deputación de Ourense, en colaboración co Consello Regulador da Denominación de Orixe do Ribeiro, e a través do Centro Cultural Marcos Valcárcel, promove un ano máis un proxecto de harmonía dos viños coa arte e coa música na que vai ser a undécima edición de “CataArte”.
A presentación desta iniciativa contou coa presenza do vicepresidente segundo e deputado de Cultura, César Fernández; co director do Centro Cultural Marcos Valcárcel, Francisco González; e presidenta do CRDO Ribeiro, Concha Iglesias; e a presidenta da Asociación Diabética Auria, Paz Gómez del Valle. Esta iniciativa, altamente consolidada ao longo dos anos, desenvolverase os xoves 13, 20 e 27 de novembro.
CataArte consiste na cata de viños dunha adega pertencente á D.O. Ribeiro no entorno dunha exposición artística e complementada cun concerto musical de entre 30 e 40 minutos.
No eido vinícola, os colleiteiros Pousadoiro e Casal do Canteiro serán os protagonistas da primeira xornada, o 20 de novembro será o momento de coñecer máis polo miúdo o proxecto de Bodegas Casal de Armán e o broche final, na derradeira sesión, virá da man de Bodega Alanís.
O apartado musical desta edición correrá a cargo de The Lie’s project (13 de novembro), Álvaro Alonso DJ Verbena (20 de novembro) e Besbellos (27 de novembro).
Novamente, esta edición contará co acceso en forma entrada solidaria, cun prezo de 5€ por sesión que se deberá adquirir unicamente a través do portal electrónico Entradium.com, sendo un ano máis un evento solidario que destinará todo o diñeiro recadado á Asociación Diabética Auria.
O vicepresidente da Deputación de Ourense, César Fernández, salientou o aspecto de compromiso social corporativo tanto do Ribeiro como da Deputación para apoiar esta iniciativa durante máis dunha década e puxo de manifesto que “o gran éxito de CatArte demostra que viño da D.O. Ribeiro, a arte e a música harmonizan á perfección”.
A presidenta do Consello Regulador D.O. Ribeiro, Concha Iglesias, tamén incidiu no compromiso das adegas con esta vertente social e na absoluta consolidación desta actividade ao longo dos anos. “Dende o seu nacemento, o Consello Regulador e o Centro Cultural Marcos Valcárcel fomos da man neste proxecto e agardamos seguir traballando xuntos en moitas máis edicións”, dixo a presidenta.
Paz Gómez del Valle, presidenta da Asociación Diabética Auria, agradeceu o apoio e a visibilización que con esta acción se conseguirá cara a asociación que dirixe, constituída no ano 2002 e que ten por misión reunir ás persoas con diabetes da provincia de Ourense e as súas familias, a fin de mellorar as súas condicións de vida e defender os seus dereitos sanitarios, educativos e sociais.
Esto que está pasando en el Instituto de Señorin es por culpa de la Falta de Educación de los PADRES, de los HIJOS y en tercer lugar de los PROFESORES.
Es mucho más comodo estar en una sala leyendo el periódico o de chachara que estar vigilando al alumnado, cuando yo estudiaba habia siempre entre 2 o 3 profesores vigilando por el patio y uno de guardia vigilando por dentro. Siempre habia un profesor de guardia que vigilaba el interior del colegio, por lo cual todo estaba abierto no habia nada cerrado y estas cosas no pasaban
O conselleiro de Cultura, Lingua e Xuventude, José López Campos, visitou hoxe o Pazo de Moldes, no municipio ourensán de Boborás, tras as obras de reforma e consolidación nas que a Xunta de Galicia leva investidos case 95.000€ en dúas fases. Trátase dunha actuación que, tal e como explicou o titular de Cultura, responden ao compromiso do Goberno galego “con impulsar e poñer en valor espazos e infraestruturas que promovan a nosa cultura e manteñan viva a memoria dos persoeiros que contribuíron a forxala”.
Deste xeito, o representante do Goberno galego comprobou o resultado desta segunda fase de actuacións, que contou cunha achega de 47.000€, na que foi a casa de Antón Losada Diéguez co obxectivo, puntualizou, “de que sexa un punto de referencia tanto en Ourense como en Galicia para seguir afondando e descubrindo a vida e obra dunha das figuras importantes da cultura e identidade galegas”.
Con este compromiso, lembrou López Campos, leváronse a cabo diversos traballos neste inmoble, en proceso de musealización e que é sede da Fundación Losada Diéguez, dándolle continuidade a outras accións rematadas no 2021. Así, desta volta as intervencións centráronse na rehabilitación da cuberta da capela para evitar a entrada de auga, así como na restauración da cuberta da vivenda e a mellora do balcón da fachada suroeste da mesma.
Trátase dunhas medidas coas que, destacou o conselleiro, “continuamos co proceso de rexeneración do conxunto residencial e edificacións adxuntas que permitirán o seu aproveitamento nas mellores condicións para contar a historia de Losada Diéguez, reforzando e facendo visible o seu legado á cidadanía”.
Bos días. En relación coa polémica que se xerou tras comentar nunha tertulia da Cope unha das persoas participantes que no IES Nº 1 estaban pechados os baños con chave, que había que solicitar en conserxería, incluso o papel hixiénico, gustaríame comentar o seguinte:
Calquera dos que temos ou tivemos fillos nese centro de ensino sabemos que eso é así, xa que os nosos fillos nolo veñen dicindo dende xa fai varios anos.
O alumnado ten comentado co equipo directivo e profesorado do centro a súa disconformidade con esta medida, coa cal moitos pais non estamos dacordo. Supoño que incluso a maioría.
Ante estes feitos, paréceme completamente desafortunado que a dirección do centro o primeiro que fai é negar que esto ocurra e dicir que "non está prohibido o uso dos aseos durante toda a xornada lectiva e non están pechados os aseos", negando algo que todos coñecemos e engadindo que non está prohibido o uso dos baños durante a xornada lectiva, cando é evidente que nin ten autoridade para prohibilo nin sería de sentido común facelo, xa que eses baños están aí precisamente para ser usados na xornada lectiva, non en fin de semana ou no verán. Están feitos para o alumnado, igual que hai outros feitos para o profesorado, e o que ten que facer a dirección do centro coa colaboración de todo o profesorado é a xestión axeitada dos mesmos, a cal non pode ser pechalos.
Pode ser certo que as queixas non chegaran á dirección a través dos órganos colexiados, o descoñezo, pero o que non se pode negar é o malestar manifestado en moitas ocasións polo alumnado, ao cal o centro ten a obriga de escoitar, práctica que da a impresión que non debe ser moi habitual. Tampouco parece necesario ter que recibir unha queixa para darse conta de que esta medida tal vez non responde ao que segundo o escrito da dirección do centro se pretende: "todas as normas que atañen ao bo uso das instalacións do centro en xeral e os aseos en particular, son pensadas sempre no beneficio do alumnado e nunca atentando contra os seus dereitos".
E xa para rematar, paréceme increible que se solicite unha rectificación pública dunha información que fala dunha situación de sobra coñecida por todos (supoño que incluída a propia dirección do centro, xa que polo menos é de esperar que saiban o que sucede alí) ao ver que dita información cuestiona o funcionamento do ies, en vez de recoñecer que tal vez neste caso estanse a equivocar e buscar unha solución axeitada e coa que todo o alumnado se sinta conforme e acollido.
Unha vez exposto esto, creo que corresponde á dirección do centro pedir desculpas á persoa a que lle está esixindo unha rectificación, xa que parece unha mostra de cinismo innecesaria. Recoñecer cando un se equivoca é un primeiro paso necesario para adicarse ao ensino con honestidade.
Vista a problemática cos baños do instituto de señorin informar que os baños da estación de tren continúan pechados. E alí non hai a quen pedirlle a chave. Vergonza.
Páxinas
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »
